Alamin: Pautang ng SSS sa mga pensiyunado

@Buti na lang may SSS | August 22, 2021

Dear SSS,

Ako ay pensiyunado ng SSS. Kamakailan ay nabalitaan ko na mayroong pautang ang SSS para sa aming mga pensiyunado. Magkano ang maaari kong mahiram SSS Pension Loan Program? – Lolo Tonio ng Cainta

Sagot

Mabuting araw sa ‘yo, Lolo Tonio!

Ang Pension Loan Program (PLP) ay inilunsad ng SSS noong Setyembre 2018 upang makapagbigay ng tulong-pinansiyal sa mga retiradong pensiyunado ng SSS. Ang PLP ay isa sa mga may pinakamababang interes na pautang para sa mga pensiyunado. Dagdag pa rito, layunin nitong mabigyan ng alternatibong mauutangan ang mga pensiyunado upang hindi na sila pumunta sa mga private lending companies na mas malaki ang patubo at ginagawang collateral ang mga ATM cards.

Sa kasalukuyan, makahihiram kayo ng hanggang P200, 000 bilang maximum loanable amount na maaaring bayaran hanggang 24 months o dalawang (2) taon. Malaking tulong ang nasabing halaga, lalo na sa panahon ngayon nasa ng pandemya. Ito ay karagdagang tulong-pinansiyal upang matugunan ang inyong mga pangangailangang medikal tulad ng pagbili ng inyong maintenance medicines, atbp.

Ang kagandahan pa nito ay magsisimula lamang ang inyong pagbabayad ng utang o monthly amortization makalipas ang dalawang buwan matapos maibigay ang inyong loan. Halimbawa, ang loan ninyo ay naibigay ngayong Agosto. Kakaltasin ng SSS ang una ninyong monthly amortization sa inyong buwanang pensyon sa Oktubre.

Kuwalipikado ang mga pensiyunado kung sila ay ang mga sumusunod:

• hindi dapat hihigit sa edad 85 sa katapusan ng termino ng pautang;

• walang ibinabawas sa kanyang buwanang pensiyon, tulad ng natitirang balanse sa ibang pautang ng SSS o sobrang benepisyong binayaran ng SSS;

• walang utang sa ilalim ng SSS Calamity Assistance Package; at

• tumatanggap na ng regular na pensiyon na hindi bababa sa isang buwan.

Lolo Tonio, ang mga first-time applicants na tulad mo sa PLP ay kinakailangang i-file ang loan application sa pamamagitan ng drop box system. Para sa renewal naman, ito ay maaari nang gawin sa pamamagitan ng online gamit ang kanilang My.SSS accounts.

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System” o sa Twitter account sa @PHLSSS. Maaari ding mag-subscribe sa YouTube channel sa “Philippine Social Security System” at sumali sa SSS Viber Community, “MYSSSPH Updates.”

Kung mayroon kayong katanungan tungkol sa SSS o kaya ay mayroon kayong paksa na nais talakayin sa pitak na ito, maaari kayong magpadala ng e-mail sa mediaaffairs@sss.gov.ph.

₱20-K ayuda ng SSS sa mga member na nawalan ng trabaho

@Buti na lang may SSS | August 15, 2021

Dear SSS,

Magandang araw! Nabalitaan ko na nagbibigay ng tulong pinansiyal ang SSS para sa mga miyembrong nawalan ng trabaho. Ano ba ito at magkano ang benepisyong maaari kong tanggapin sa tulad kong nawalan ng trabaho? – Clark

Sagot:

Mabuting araw sa iyo, Clark!

Simula ng maipatupad ang Republic Act 11199 o Social Security Act of 2018 noong Marso 5, 2019, nagkaroon na ang SSS ng benepisyo para sa mga manggagawang inboluntaryong nawalan ng trabaho – ito ang unemployment benefit. Sa ilalim ng programang ito, maaari kang makatanggap ng hanggang P20,000 na maximum benefit na magagamit mo habang ikaw ay wala pang bagong trabaho.

Noong nakaraang taon, mahigit sa P1.71 bilyon unemployment benefit ang nabigyan ng SSS sa sa mahigit 135,000 kuwalipikadong miyembro. Ang nasabing halaga ay siyam na beses na mas mataas sa naibigay na unemployment benefit noong 2019. Kaya daang libong miyembro na ang natulungan ng benepisyong ito sa napapanahong sitwasyon na ating kinakaharap sanhi ng pandemya.

Upang mag-qualify, kinakailangang ikaw ay hindi lalagpas sa 60-taong gulang sa panahon ng iyong aplikasyon. Kung ikaw ay underground o surface mineworker, hindi dapat higit sa 50-taong gulang at 55-taong gulang naman kung racehorse jockey. Dapat nakapaghulog din ng hindi bababa sa 36 buwang kontribusyon kung saan ang 12 kontribusyon ay naibayad sa loob ng 18 buwan bago ang buwan na nawalan ng trabaho ang miyembro.

Bukod dito, maaari lamang bigyan ng unemployment benefit ang mga empleyado na inboluntaryong natanggal sa trabaho kung legal ang kanilang pagkakatanggal na naaayon sa Labor Code of the Philippines tulad ng paglalagay ng labor-saving devices ng kumpanya, redundancy, retrenchment, pagsasara o pagtigil ng kanilang operasyon o negosyo, at pagkakaroon ng sakit o karamdaman na hindi na pinahihintulutan ng batas na makapagtrabaho pa. Kasama rito ang pagkakatanggal sa trabaho bunsod ng pagbagsak ng ekonomiya, pagtama ng kalamidad at mga kahalintulad na dahilan na maaaring tukuyin ng SSS at Department of Labor and Employment (DOLE).

Paalala namin sa iyo na maaari mo lamang i-file ang iyong aplikasyon sa loob ng isang taon mula sa araw ng inboluntaryong pagkakatanggal mo sa trabaho, Clark. Samantala, maaari kang mag-apply ng unemployment benefit sa pamamagitan ng iyong My.SSS account na nasa SSS website. Mag-log in ka sa iyong My.SSS account at hanapin mo ang“apply for the unemployment benefit claim” sa E-SERVICES.

◘◘◘

Nais naming ipaalam sa mga retiree pensioners na bukas pa rin ang Pension Loan Program (PLP) ng SSS para sa kanilang panandaliang pangangailangang pampinansiyal. Mula Setyembre 15, 2020, maaaring magsumite ng aplikasyon online sa pamamagitan ng My.SSS na matatagpuan sa SSS website (www.sss.gov.ph). Kinakailangan lamang na mag-log in ang retiree-pensioner sa kanyang My.SSS account at piliin ang E-services sa tab nito ati-click ang “Apply for Pension Loan.” Punan ang lahat ng hinihinging impormasyon at isumite ang aplikasyon. Makakahiram kayo ng hanggang P200,000 bilang maximum loanable amount na maaaring bayaran ng hanggang 24-months o dalawang taon.

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System” o sa Twitter account sa @PHLSSS. Maaari ding mag-subscribe sa YouTube channel sa “Philippine Social Security System” at sumali sa SSS Viber Community, “MYSSSPH Updates.”

Kung mayroon kayong katanungan tungkol sa SSS o kaya ay mayroon kayong paksa na nais talakayin sa pitak na ito, maaari kayong magpadala ng e-mail sa mediaaffairs@sss.gov.ph.

Mga empleyadong nawalan ng trabaho, may tulong-pinansiyal mula sa SSS

@Buti na lang may SSS | August 08, 2021

Dear SSS,

Magandang araw! Bunga ng kasalukuyang pandemya ay maraming manggagawa ang lubhang naapektuhan nito. Kaya nais kong itanong kung mayroon bang benepisyo na maibibigay ang SSS sa mga manggagawang nawalan ng trabaho? – Jason

Sagot

Mabuting araw sa ‘yo, Jason!

Malugod naming ibinabalita sa ‘yo na mayroong benepisyo ang SSS na ipinagkakaloob sa mga manggagawang inboluntaryong nawalan ng trabaho. Mula Marso 5, 2019 noong ipinatupad ang Republic Act 11199 o Social Security Act of 2018, maaaring mag-claim ng unemployment benefit ang mga miyembro ng SSS na katumbas ng 50% ng kanilang monthly salary sa loob ng dalawang buwan. Tulad ng ibang benepisyo, ito ay cash allowance na ibinabayad ng SSS upang masuportahan ang kanilang sarili para muli silang makahanap ng panibagong trabaho. Maaaring makatanggap ng hanggang P20,000 na maximum benefit, Jason, na magagamit mo habang ikaw ay wala pang bagong trabaho.

Upang mag-qualify, kinakailangang ikaw ay hindi lalagpas sa 60-taong gulang sa panahon ng iyong aplikasyon. Kung ikaw ay underground o surface mineworker, hindi dapat higit sa 50-taong gulang at 55-taong gulang naman kung racehorse jockey. Dapat nakapaghulog din ng hindi bababa sa 36 buwang kontribusyon kung saan ang 12 kontribusyon ay naibayad sa loob ng 18-buwan bago ang buwan na nawalan ng trabaho ang miyembro.

Bukod dito, maaari lamang bigyan ng unemployment benefit ang mga empleyado na inboluntaryong natanggal sa trabaho kung legal ang kanilang pagkakatanggal na naaayon sa Labor Code of the Philippines tulad ng paglalagay ng labor-saving devices ng kumpanya, redundancy, retrenchment, pagsasara o pagtigil ng kanilang operasyon o negosyo, at pagkakaroon ng sakit o karamdaman na hindi na pinahihintulutan ng batas na makapagtrabaho pa. Kasama ang pagkakatanggal sa trabaho bunsod ng pagbagsak ng ekonomiya, pagtama ng kalamidad at mga kahalintulad na dahilan na maaaring tukuyin ng SSS at Department of Labor and Employment (DOLE).

Jason, maaaring mag-apply ng unemployment benefit sa pamamagitan ng My.SSS na nasa SSS website. Mag-log in ka sa iyong My.SSS account at magtungo sa E-SERVICES upang i-click ang “apply for the unemployment benefit claim.” Pagkatapos mapunan ang lahat ng kinakailangang impormasyon, at magpapadala ng abiso o notification ang SSS sa iyong registered e-mail address. Mag-reply sa nasabing e-mail at i-attach dito ang scanned copies ng sertipikasyon na magpapatunay ng dahilan at araw ng pagkatanggal sa trabaho mula sa Department of Labor and Employment (DOLE) sa pamamagitan ng Philippine Overseas Labor Offices (POLO) o regional offices nito, kung OFW naman ang miyembro. Isasama mo rin ang Notice of Termination mula sa Employer o Affidavit of Termination of Employment, kung alinman ang available. Matapos nito, magpapadala ulit ng e-mail message ang SSS upang kumpirmahin na successful ang iyong aplikasyon.

Paalala namin na maaari lamang i-file ang aplikasyon sa loob ng isang taon mula sa araw ng pagkatanggal mo sa trabaho.

Maraming miyembro na ang natulungan ng unemployment benefit mula sa SSS. Sa katunayan noong 2020, mahigit sa P1.71 bilyon unemployment benefit ang nabigyan ng SSS sa sa mahigit 135,000 kuwalipikadong miyembro. Ang nasabing halaga ay siyam na beses na mas mataas sa naibigay na unemployment benefit noong 2019.

◘◘◘

Nais naming ipaalam sa ating mga retiree pensioners na bukas pa rin ang Pension Loan Program (PLP) ng SSS para sa kanilang panandaliang pangangailangang pampinansiyal. Simula Setyembre 15, 2020, maaaring magsumite ng aplikasyon online sa pamamagitan ng My.SSS na matatagpuan sa SSS website (www.sss.gov.ph). Kinakailangan lamang na mag-log in ang retiree-pensioner sa kanyang My.SSS account at piliin ang E-services sa tab nito at i-click ang “Apply for Pension Loan.” Punan ang lahat ng hinihinging impormasyon at isumite ang aplikasyon. Makahihiram kayo ng hanggang P200,000 bilang maximum loanable amount na maaaring bayaran ng hanggang 24-months o dalawang taon.

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System” o sa Twitter account sa @PHLSSS. Maaari ding mag-subscribe sa YouTube channel sa “Philippine Social Security System” at sumali sa SSS Viber Community, “MYSSSPH Updates.”

Kung mayroon kayong katanungan tungkol sa SSS o kaya ay mayroon kayong paksa na nais talakayin sa pitak na ito, maaari kayong magpadala ng e-mail sa mediaaffairs@sss.gov.ph.