Kailan matatanggap ang 13th month pension mula SSS?

by Info @Buti na lang may SSS | Dec. 1, 2024

Dear SSS, 

Magandang araw! Ako ay isang SSS pensioner. Nais ko sanang itanong kung kailan ibibigay ang 13th month pension naming mga pensyonado. Happy holidays at maraming salamat. — Lolo Andy

---

Mabuting araw sa iyo, Lolo Andy!

Matatanggap na sa unang linggo ng Disyembre ang maagang pamasko ng SSS sa mga pensyonado – ito ay ang kanilang 13th month pension kung saan matatanggap ito ng unang batch ng SSS pensioners simula sa Disyembre 1, 2024. 

Simula Disyembre 1988, ipinagkakaloob na ng SSS ang 13th month pension sa mga SSS at Employees’ Compensation (EC) pensioners bilang regalo sa panahon ng Kapaskuhan at bilang pasasalamat din sa suporta ng mga pensyonado sa SSS noong bahagi pa sila ng workforce sa pribadong sektor.

Samantala, ang 13th month pension ay katumbas ng isang buwan na basic monthly pension ng isang pensyonado.  Halimbawa, Lolo Andy, kung ang inyong tinatanggap na pensyon ay pumapatak ng P8,500 kada buwan, ibig sabihin nito, ang 13th month pension ninyo ay katumbas din ng naturang halaga na buo n’yong matatanggap sa inyong bank account. 

Para naman sa mga pensyonado na tumatanggap na ng kanilang pensyon mula sa mga bangko na kabilang sa Philippine Electronic Fund Transfer System and Operations Network (PESONet), ito ay ibibigay ng dalawang batch:

Petsa ng Pagtanggap ng Monthly Pension o Date of Contingency	Petsa ng Pagtanggap ng December 2024 at 13th Month Pensions
Una hanggang ika-15 araw ng buwan	Disyembre 1, 2024
Ika-16 hanggang huling araw ng buwan	Disyembre 4, 2024

Para sa mga pensyonado na nag-avail ng advance 18 months, matatanggap nila ang kanilang 13th month pension sa Disyembre 4. Samantalang, para sa naipong pensyon dahil sa hindi pag-comply sa Annual Confirmation of Pensioners (ACOP) Program, matatanggap nila ito sa Disyembre 16. 

Nakipag-ugnayan na rin ang SSS sa Philippine Postal Corporation upang pabilisin ang delivery ng 13th month at December 2024 pensions checks sa home address ng bawat pensyonado na tumatanggap pa nito batay sa kanilang record ng SSS.

Hangad namin mula sa SSS ang pagbibigay ng matinding kasiyahan sa aming mga pensyonado lalo na ngayong nalalapit na Kapaskuhan!

***

Patuloy na tumatanggap ng aplikasyon ang SSS para sa loan penalty condonation program nito. Inilunsad ang Consolidation of Past Due Short-Term Member Loans with Condonation of Penalty Program (Conso Loan) para tulungan ang mga miyembro na mayroong past-due loans sa SSS. Sa ilalim ng programa, hindi na sisingilin ang kaukulang penalties o multa ng kanilang past-due loans. Sa halip, ang tangi na lamang nilang babayaran ay ang orihinal o principal amount at interes nito.

Maaaring bayaran ang prinsipal at interes sa pamamagitan ng one-time full payment, o kaya’y bayaran kahit 10% nito bilang down payment at ang natitirang balanse ay babayaran nang hulugan sa loob ng hanggang 60 buwan o limang  taon, depende sa halaga ng kanilang pagkakautang.

Sakop ng Conso Loan ang salary loan, calamity loan, Salary Loan Early Renewal Program (SLERP), emergency loan, at restructured loans gaya ng Loan Restructuring Program (LRP) noong mga nakaraang taon.

---

Upang makapagrehistro sa My.SSS, maaari kang magtungo sa SSS website (www.sss.gov.ph) at magparehistro sa Member portal. Kailangang punan mo ang lahat ng kinakailangang impormasyon. Tandaan na ang irerehistrong e-mail address ay kailangang aktibo at nagagamit pa dahil dito ipadadala ng SSS ang link para i-activate at magamit mo ang iyong My.SSS account. 

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System - SSS” o sa X, ang dating Twitter, sa @PHLSSS. Maaari ring mag-subscribe sa YouTube channel sa “MYSSSPH”, at sumali sa SSS Viber Community, “MYSSSPH Updates”. Maaari kayong magpadala ng inyong concerns at katanungan sa usssaptayo@sss.gov.ph.

SSS sickness benefit, paano ba kuwentahin?

by Info @Buti na lang may SSS | Nov. 25, 2024

Dear SSS,

Magandang araw! Nais kong itanong kung paano ba kino-compute ang SSS sickness benefit? Salamat.  — Shawn

---

Mabuting araw sa iyo, Shawn!

Ang benepisyo sa pagkakasakit ay cash allowance na ibinabayad sa miyembro para sa bawat araw na hindi siya makapagtrabaho dahil sa sakit o pagkapinsala ng katawan. Ibinibigay ito sa kuwalipikadong miyembro kasama ang mga employed, self-employed, voluntary at Overseas Filipino Workers (OFWs). Dapat ay nakapaghulog siya ng hindi bababa sa tatlong buwanang kontribusyon sa loob ng huling 12 buwan bago ang semestre ng pagkakasakit o pagkapinsala ng katawan. 

Para sa mga empleyado, kinakailangan din na nagamit na niya ang lahat ng kanyang company sick leaves. Napakahalaga lamang na tandaan na kinakailangan ng employed member na siya ay makapag-notify sa kanyang employer mula sa unang araw ng kanyang pagkakasakit. Gayundin, binibigyan ang mga employer ng limang araw upang ipagbigay-alam ang pagkakasakit ng kanyang empleyado sa SSS. 

Maaari namang mapagkalooban ang isang miyembro ng benepisyo sa pagkakasakit ng hanggang 120 araw sa loob ng isang taon at karagdagang 120 araw sa susunod na taon kung magpapatuloy ang dating sakit. Gayunpaman, kung ang pagkakasakit ay tatagal ng higit pa sa 240 araw, siya ay maaari nang mag-apply sa ilalim ng SSS Disability Benefit.

Ganito kinukuwenta ang halaga ng sickness benefit. Una, alamin ang semestre ng pagkakasakit. Ang isang semestre ay ang dalawang magkasunod na quarter na nagtatapos sa quarter ng pagkakasakit o pagkapinsala ng katawan. Ito ay nagtatapos sa buwan ng Marso, Hunyo, Setyembre o Disyembre.

Ikalawa, alamin ang huling 12 buwan bago ang semestre ng pagkakasakit o pagkapinsala ng katawan. Ikatlo, alamin ang anim na pinakamataas na monthly salary credit sa loob ng nasabing 12 buwan. Ang monthly salary credit ang batayan ng halaga ng benepisyong tatanggapin ng miyembro sa SSS.  

Ikaapat, sumahin ang anim na pinakamataas na salary credit upang makuha ang total monthly salary credit. Kailangang i-divide ito sa 180 days upang makuha ang average daily salary credit saka i-multiply sa 90% para makuha ang daily sickness allowance.

Kung anuman ang suma nito ay ang karampatang halaga ng benepisyo o daily sickness allowance ng miyembro batay sa inaprubahang bilang ng mga araw ng kanyang pagkakasakit.  

Halimbawa, nagkasakit ang isang miyembro ng pitong araw nitong Hunyo 2024. Ang semestre ng kanyang pagkakasakit ay mula Enero hanggang Hunyo 2024. Ang huling 12 buwan bago ang semestre ng pagkakasakit ay mula Enero hanggang Disyembre 2023. Ipagpalagay natin na ang anim na pinakamataas na monthly salary credit ay P16,000 bawat isa. Samakatuwid, ang kabuuang monthly salary credit ay P96,000 at may average daily salary credit na P533.33. Ang 90% ng kanyang average daily salary credit ay P480. Ito ang kanyang daily sickness allowance. I-multiply ang daily sickness allowance o P480 sa pitong araw at ang lalabas na halaga ay P3,353. Ito ang kabuuang benepisyo sa pagkakasakit ng miyembro para sa pitong araw nitong Hunyo 2024.

Dapat tandaan na ang bilang ng araw na bibigyan ng sickness benefit ay ang bilang ng araw na inaprubahan ng SSS dahil ito lang ang babayaran ng SSS sa employer. Malalaman ng employer kung para sa ilang araw naaprubahan ang sickness claim ng miyembro sa aprubadong sickness notification. Kaya matapos maipasa ng employer ang sickness notification sa SSS ay dapat balikan ng representative ng employer sa branch kung saan ito na-file. Kapag nakuha na ang aprubadong sickness notification, maaari nang ipauna ng employer ang benepisyo.

***

Patuloy na tumatanggap ng aplikasyon ang SSS para sa loan penalty condonation

program nito.  Inilunsad ang Consolidation of Past Due Short-Term Member Loans with Condonation of Penalty Program (Conso Loan) para tulungan ang mga miyembro na mayroong past-due loans sa SSS. Sa ilalim ng programa, hindi na sisingilin ang kaukulang penalties o multa ng kanilang past-due loans. Sa halip, ang tangi na lamang nilang babayaran ay ang orihinal o principal amount at interes nito.

Maaaring bayaran ang prinsipal at interes sa pamamagitan ng one-time full payment, o kaya’y bayaran kahit 10% nito bilang down payment at ang natitirang balanse ay babayaran nang hulugan sa loob ng hanggang 60 buwan o limang taon, depende sa halaga ng kanilang pagkakautang.

Sakop ng Conso Loan ang salary loan, calamity loan, Salary Loan Early Renewal Program (SLERP), emergency loan, at restructured loans gaya ng Loan Restructuring Program (LRP) noong mga nakaraang taon. 

---

Upang makapagrehistro sa My.SSS, maaari kang magtungo sa SSS website (www.sss.gov.ph) at magparehistro sa Member portal. Kailangang punan mo ang lahat ng kinakailangang impormasyon. Tandaan na ang irerehistrong e-mail address ay kailangang aktibo at nagagamit pa dahil dito ipadadala ng SSS ang link para i-activate at magamit mo ang iyong My.SSS account. 

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System - SSS” o sa X, ang dating Twitter, sa @PHLSSS. Maaari ring mag-subscribe sa YouTube channel sa “MYSSSPH”, at sumali sa SSS Viber Community, “MYSSSPH Updates”. Maaari kayong magpadala ng inyong concerns at katanungan sa usssaptayo@sss.gov.ph.

Prescriptive period para sa filing ng sickness benefit

by Info @Buti na lang may SSS | Nov. 17, 2024

Dear SSS, 

Magandang araw! Ako ay kasalukuyang nagtatrabaho sa isang construction firm. May tanong ako ukol sa SSS sickness benefit. May prescriptive period ba ang sickness benefit? Salamat. — Ava

---

Mabuting araw sa iyo, Ava! 

Ang SSS sickness benefit ay cash allowance na ibinabayad sa miyembro para sa bawat araw na hindi siya makapagtrabaho dahil sa sakit o pagkapinsala ng katawan.

Mayroong prescriptive period ang filing ng sickness benefit. Binibigyan ng limang araw mula sa unang araw ng kanyang pagkakasakit ang isang miyembro upang abisuhan ang kanyang employer. Limang araw din ang ibinibigay sa employer para i-notify niya ang SSS sa pagkakasakit ng kanyang empleyado. 

Ngunit, kung ang miyembro ay nasa hospital confinement, binibigyan siya ng isang taon mula sa araw ng kanyang pagkakasakit o pagkapinsala ng katawan upang i-file ang kanyang sickness benefit claim. Hindi na kailangang ipagbigay-alam pa ang kanyang pagkakasakit kung ang miyembro ay naospital o nagkasakit habang nagtatrabaho sa loob ng kanyang kumpanya.

Ibinibigay ito sa mga kuwalipikadong miyembro na hindi makapagtrabaho ng hindi kukulangin sa apat na araw. Dapat nakapaghulog din siya ng hindi bababa sa tatlong buwanang kontribusyon sa loob ng huling 12 buwan bago ang semestre ng pagkakasakit o pagkapinsala ng katawan. Para naman sa mga empleyado, dapat ay nagamit na niya ang lahat ng kanyang kasalukuyang sick leaves sa kumpanya. Mahalaga rin na naabisuhan o nabigyan niya ng notipikasyon ang kanyang employer.

Halimbawa, na-confine ka sa ospital mula Mayo 25 hanggang Hunyo 2, 2024. Ang semestre ng iyong pagkakasakit ay mula Enero hanggang Hunyo 2024. Hindi natin isasama sa bilang ng komputasyon ng iyong naihulog sa SSS ang panahong ito dahil ito ang semestre ng iyong pagkakasakit. Kaya, ang huling 12 buwan bago ang semestre ng iyong pagkakasakit ay mula Enero hanggang Disyembre 2023. Sa panahong ito naman ay dapat mayroon kang hindi bababa sa tatlong buwanang kontribusyon upang maging

kuwalipikado sa benepisyong ito.

Kung ang miyembro ay isang self-employed o voluntary member, siya naman ay direktang magpa-file ng kanyang sickness benefit application sa SSS dahil wala siyang employer gamit ang kanyang My.SSS account. Kaya mahalaga na ang isang miyembro ay nakarehistro sa My.SSS Portal na matatagpuan sa SSS website, www.sss.gov.ph, at nakapag-enroll ng kanyang bank/savings account sa ilalim ng Disbursement Account Enrolment Module (DAEM) na matatagpuan din sa My.SSS Portal.

Samantala, online rin ang pagsusumite ng SSS sickness notification at Sickness Benefit Reimbursement Application gamit ang My.SSS account ng employer. 

Nakapaloob sa Republic Act 11199 o Social Security Act of 2018, pinapaunang bayaran ng employer ang kanyang empleyado ng sickness benefit. Ang employer naman ang babayaran ng SSS matapos maisumite nito ang SSS Sickness Benefit Reimbursement Application online. Magpapadala ang SSS ng notification sa empleyado upang isesertipika niya ang paunang bayad ng kanyang sickness benefit.  Kaya kung hindi pa paunang naibayad ang sickness benefit, huwag nila itong isertipika at dapat i-report ito sa SSS upang maituro sa employer ang tamang paraan ng pagbibigay ng sickness benefit.

***

Patuloy na tumatanggap ng aplikasyon ang SSS para sa loan penalty condonation program nito.  Inilunsad ang Consolidation of Past Due Short-Term Member Loans with Condonation of Penalty Program (Conso Loan) para tulungan ang mga miyembro na mayroong past-due loans sa SSS. Sa ilalim ng programa, hindi na sisingilin ang kaukulang penalties o multa ng kanilang past-due loans. Sa halip, ang tangi na lamang nilang babayaran ay ang orihinal o principal amount at interes nito.

Maaaring bayaran ang prinsipal at interes sa pamamagitan ng one-time full payment, o kaya’y bayaran kahit 10% nito bilang down payment at ang natitirang balanse ay babayaran nang hulugan sa loob ng hanggang 60 buwan o limang taon, depende sa halaga ng kanilang pagkakautang.

Sakop ng Conso Loan ang salary loan, calamity loan, Salary Loan Early Renewal Program (SLERP), emergency loan, at restructured loans gaya ng Loan Restructuring Program (LRP) noong mga nakaraang taon.

---

Upang makapagrehistro sa My.SSS, maaari kang magtungo sa SSS website (www.sss.gov.ph) at magparehistro sa Member portal. Kailangang punan mo ang lahat ng kinakailangang impormasyon. Tandaan na ang irerehistrong e-mail address ay kailangang aktibo at nagagamit pa dahil dito ipadadala ng SSS ang link para i-activate at magamit mo ang iyong My.SSS account. 

---

Para sa tamang impormasyon at updates sa mga programa at benepisyo ng SSS, bisitahin at i-follow ang opisyal na Facebook page ng SSS sa “Philippine Social Security System - SSS” o sa X, ang dating Twitter, sa @PHLSSS. Maaari ring mag-subscribe sa YouTube channel sa “MYSSSPH”, at sumali sa SSS Viber Community, “MYSSSPH Updates”. Maaari kayong magpadala ng inyong concerns at katanungan sa usssaptayo@sss.gov.ph.