Meralco tuluy-tuloy ang pagpapabuti ng serbisyo ng kuryente sa Marikina

by Info @Bulgarific | May 29, 2024

Mas  pinaigting pa ng Manila Electric Company (Meralco) ang maintenance at upgrading ng mga pasilidad nito sa  lungsod ng Marikina para lalo pang mapabuti ang serbisyo ng kuryente sa lugar. 

Kamakailan lamang ay pinalitan ng Meralco ang dalawang 10 kilovolt-amperes (kVA) transformer ng 50 kVA  sa kahabaan ng Tangerine Street sa SSS Village, Concepcion II sa Marikina para lalo pang matiyak ang  paghahatid ng ligtas, maaasahan, at tuluy-tuloy na serbisyo ng kuryente sa mga customer.  

“Tuluy-tuloy lamang ang aming mga crew sa Meralco sa pagkukumpuni ng aming mga pasilidad para lalo pang  mapabuti ang kalidad ng aming serbisyo ng kuryente,” ani Meralco First Vice President at Head ng Networks  na si Froilan J. Savet. 

Aktibong namumuhunan ang Meralco para sa pagpapalakas ng distribution system nito para matiyak maayos  na serbisyo ng kuryente sa mga lugar na pinagsisilbihan nito.

China, tanggap ang karagdagang investment ng Samsung

ni Angela Fernando @News | May 27, 2024

Nagpahayag si Chinese Premier Li Qiang kay Samsung Chairman Jay Y. Lee nu'ng Linggo na malugod na tinatanggap ng China ang karagdagang investment ng Korean conglomerate.

Ang pagpupulong sa Seoul sa pagitan ng pangalawang pinakamataas na opisyal ng China at ng Korean executive ay naganap bago ang isang summit sa pagitan nina Li, South Korean President Yoon Suk Yeol, at Japanese Prime Minister Fumio Kishida, ang unang “three-way talk” ng mga bansa sa Asya sa loob ng mahigit apat na taon.

Matatandaang sinabi ng isang executive ng kumpanya sa isang ulat nu'ng Nobyembre ng state-run China Daily na ang Samsung Electronics ay naglaan ng $24-bilyon sa loob ng nakaraang anim na taon sa Chinese market.

Gayunpaman, nakakaranas ang Korean tech giant ng mas lumalaking hamon sa kanilang negosyo sa gitna ng tensyon sa pagitan ng U.S. at China.

Maynilad at Metrobank, joint force sa paghatid ng dekalidad na serbisyo sa mga customer

ni Fely Ng @Bulgarific | May 26, 2024

Pumirma ang Maynilad sa Metrobank para sa P10 bilyong loan

Hello, Bulgarians! Pumirma ang West Zone concessionaire Maynilad Water Services, Inc. (Maynilad) sa Metropolitan Bank & Trust Co. (Metrobank) para sa P10 bilyong loan para i-bankroll ang capital requirements nito ngayong taon dahil layunin nitong magbigay ng mas magandang water service coverage at availability sa mga consumer.

Bilang bahagi ng patuloy na pangako nito na mapabuti ang water management, pahusayin ang kalidad ng serbisyo, at mag-ambag sa pagbuo ng mas sustainable at resilient water utility sector, sinabi ng Maynilad na ang 10-taong loan, na magtatapos sa 2034, ay gagamitin para pondohan ang mga kinakailangan sa capital expenditure nito ngayong taon.

“With this loan, we are in a better position to pursue our capital expenditure program that will further enhance water services for our over 10.3 million customers. This supports our commitment to meet our service obligations and achieve sustainable growth,” pahayag ni Maynilad Chief Operating Officer Randolph T. Estrellado.

“Enabling our partners to empower Filipinos with essential resources is in line with our goal of helping communities grow. We are happy to support Maynilad through this loan deal because it is part of our commitment to ensure that every community in the country thrives,” sabi ni Metrobank Institutional Banking Sector Head Mylene Caparas.

Ang Maynilad ang pinakamalaking pribadong water concessionaire sa Pilipinas in terms of customer base. Ang MWSS para sa West Zone ng Greater Manila Area ay binubuo ng mga lungsod ng Maynila (lahat maliban sa mga bahagi ng San Andres at Sta. Ana), Quezon City (west of San Juan River, West Avenue, EDSA, Congressional, Mindanao Avenue, Makati (west of South Super Highway), Caloocan, Pasay, Parañaque, Las Piñas, Muntinlupa, Valenzuela, Navotas at Malabon all in Metro Manila; ang mga lungsod ng Cavite, Bacoor at Imus, ang mga lungsod ng Cavite, Noveleta at Rosario, ay pawang nasa lalawigan ng Cavite.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.