Libu-libong travel deals ang naghihintay sa Travel Tour Expo 2025

ni Fely Ng @Bulgarific | Jan. 25, 2025

Hello, Bulgarians! Prepare to go beyond borders with unbeatable travel deals and exclusive offers at the 32nd Travel Tour Expo (TTE).

Sa nakalipas na tatlong dekada, itinatag ng TTE ang sarili bilang ultimate travel and tourism event. Ang edisyon ng taong ito ay nangangako na malampasan ang mga nakaraang event, na nagtatampok ng higit sa 300 exhibitors at inaasahang higit sa 100,000 ang bilang ng mga dadalo.

Mula sa abot-kayang mga flight hanggang sa mga curated tour package at luxurious accommodation, ang TTE ay may nakahanda para sa bawat badyet, at dahil ang event ay pinaghandaan ng Philippine Travel Agencies Association (PTAA), ang mga dadalo ay magkakaroon ng pagkakataong makakuha ng expert travel advice at samantalahin ang mga eksklusibong deal para sa parehong domestic at internasyonal na adventure.

Binigyang-diin ng pangulo ng PTAA na si Evangeline Tankiang-Manotok ang mga pakinabang ng pakikipagtulungan sa mga professional travel agencies. “This is the perfect spot to avail of amazing deals, explore new destinations, and plan your dream getaway. Bring the whole family there’ll be games, raffle prizes, and fun for everyone during the three-day event,” sabi niya.

“The great thing about the TTE is you will find everything under one roof -- airlines, resorts, cruise tours, and more. So many options to choose from and you can even opt to pay by installment, depending on your bank,” dagdag pa ni PTAA PRO Chal Lontoc-del Rosario.

Ang mga tiket sa TTE ay P100 para sa general admission at P80 para sa mga senior citizen at mga indibidwal na may kapansanan.

Gaganapin ang 32nd Travel Tour Expo sa Pebrero 7-9, 2025, sa SMX Convention Center.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

Mga bagong opisyal ng Circulation Management Association of the Phils.

ni Fely Ng @Bulgarific | Jan. 13, 2025

Hello, Bulgarians! Ginanap kamakailan ang pagtatalaga sa tungkulin ng mga bagong halal na opisyal ng Circulation Management Association of the Philippines (CMAP) na gumaganap ng mahalagang papel sa pagpapasigla ng print industry sa pamamagitan ng pagtutulungan, pagbabago, at dedikasyon.

Naganap ang panunumpa noong Enero 9, 2025 sa tanggapan ng Department of the Interior and Local Government (DILG) ng mga bagong opisyal ng CMAP para sa taong 2025-2026 na pinangunahan ni President Roy Raul Mendiola (Philippine Daily Inquirer), Vice President Edwin Monforte (Philstar Media Group) na kinatawan ni Clarita Gulanes (Daily Tribune), Secretary Alberto Balanag (People’s Tonight), Treasurer Erick Clemente (Malaya Business Insight), Auditor Jojit Abaño (Bulgar), Business Manager Aileen Alvez (Manila Bulletin), at PRO Lenie Venancio (Police Files). Kasama ang mga miyembro ng board na sina Edison Camarines (The Manila Times), Rolando Manangan (Business Mirror), Erlinda Villar (Pilipino Mirror), Edgar Valmorida (Manila Standard), at George Alonzo (Remate) na nakiisa rin sa nasabing kaganapan.

Itinalaga ni Hon. Juanito Victor Remulla, secretary ng DILG, ang bagong pamunuan ay nakatuon sa pagtiyak sa pagpapanatili ng industriya ng print para sa mga susunod na henerasyon. Sa pamamagitan ng mga pagsisikap nito, itinataguyod ng CMAP ang demokrasya, nagbibigay kapangyarihan sa kabuhayan, at daan para sa patuloy na pag-unlad sa umuusbong na media platforms.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.

P1.15B calamity loan para sa 70,000 miyembro ng SSS

ni Fely Ng @Bulgarific | Dec. 23, 2024

Hello, Bulgarians! Iniulat ng Social Security System (SSS) na nakapaglabas na ito ng mahigit P1.15 bilyong halaga ng calamity loan assistance sa halos 70,000 miyembrong naapektuhan ng bagyo, sa loob ng dalawang linggo matapos buksan ang assistance package.

Sinabi ni SSS Acting Head for Public Affairs and Special Events Division Carlo C. Villacorta na noong nakaraang buwan, nag-alok ang SSS ng calamity loan sa mga kuwalipikadong miyembro ng SSS sa mga lugar na sinalanta ng tropical cyclone na Kristine, Marce, Nika, Ofel, at Pepito.

“The series of extreme weather conditions have immensely affected our members’ financial well-being. In response, many have quickly availed our calamity loan assistance to replace or repair their damaged properties. We hope that loan privileges provided by SSS will support their full recovery, just in time for the holiday season,” pahayag ni Villacorta. 

Ipinaliwanag niya na ang calamity loan ay ibinibigay sa mga miyembro ng SSS na naninirahan o nakatira sa mga lugar na tinamaan ng kalamidad na idineklara sa ilalim ng state of calamity ng National Disaster Risk Reduction and Management Council (NDRRMC).

Pinaalalahanan ni Villacorta ang mga miyembro ng SSS sa mga lugar na sinalanta kamakailan ng mga bagyo na mayroon silang hanggang Disyembre 21, 2024 na magsumite ng kanilang mga aplikasyon para sa calamity loan sa pamamagitan ng kanilang My.SSS account.

Upang maging kuwalipikado para sa calamity loan, ang mga miyembro ay dapat magkaroon ng hindi bababa sa 36 na buwanang kontribusyon, anim sa mga ito ay dapat na mai-post sa loob ng 12 buwan bago ang paghahain ng loan application.

Samantala, ang mga self-employed, voluntary, at land-based overseas Filipino worker (OFW) member ay dapat magkaroon ng hindi bababa sa six posted monthly contributions sa ilalim ng current membership bago ang buwan ng loan application upang maging kuwalipikado para sa calamity loan.

Bukod sa mga kinakailangan sa kontribusyon, ang mga miyembro-aplikante ay dapat:

• Walang final benefit claim tulad ng permanent total disability o retirement;

• Walang past due sa SSS Short-Term Member Loans;

• Walang outstanding restructured loan o calamity loan; at

• Dapat may employer-certified loan application online (My.SSS facility), kung may trabaho.

---

Para sa anumang impormasyon, opinyon, isyu o maging imbitasyon, mag-e-mail sa bulgarific@gmail.com o sumulat kay Ms. Bulgarific at ipadala sa Bulgar Bldg., 538 Quezon Avenue, Quezon City.