Beetle bot na methanol-powered, ginawa ng mga scientists

ni Ronalyn Seminiano Reonico | August 20, 2020

Nag-imbento ng beetle robot ang ilang siyentipiko na may timbang na 88 milligram at may sukat na 15 millimeters na binansagang “RoBeetle” na gumagana sa pamamagitan ng methanol at may kakayahang gumapang at magbuhat ng mga bagay sa loob ng 2 oras.

Ayon sa imbentor nitong si Xiufeng Yang, ito ay "one of the lightest and smallest autonomous robots ever created.

"We wanted to create a robot that has a weight and size comparable to real insects.”

Hindi battery o motor ang ginagamit upang mapaandar ang naturang “RoBeetle” dahil gumamit si Yang at ang kanyang mga kasamahan ng “artificial muscle system” na gawa sa nickel-titanium alloy wires na nababalot ng platinum powder at based on methanol.

Higanteng isda, nahuli sa Tubabao Island, Eastern Samar

ni Lolet Abania | August 19, 2020

Nakahuli ng giant fish ang mga mangingisda sa Santa Monica village sa Tubabao Island, bayan ng Oras sa Eastern Samar, ilang oras matapos ang 6.8-magnitude na lindol sa lalawigan ng Masbate at ilang bahagi ng Eastern Visayas, kahapon.

Ayon sa Bureau of Fisheries and Aquatic Resources (BFAR) Regional Director Juan Albaladejo, tinawag ang higanteng isda na "Opah", na isang deep-water specie at natagpuan sa tinatayang 500-meter lalim ng karagatan.

May scientific name na Lampris guttatus, si Opah ay napag-alamang kauna-unahang warm-bloodied fish. Nagpapatunay ito na ang pagkakaroon niya ng warm blood o mainit na dugo na siya ay isang high-performance predator o mahusay mandagit at manginain, kung saan mabilis na lumangoy at madaling makita.

Gayunman, ayon kay Albaladejo ang pagyanig na tumama sa lalawigan ng Masbate partikular sa bayan ng Cataingan at mga aftershock na nararanasan sa Eastern Visayas, ang nagdudulot ng takot sa mga isda kaya napipilitan silang lumangoy sa mababang bahagi ng karagatan na madaling nahuhuli ng mga mangingisda.

Dagdag pa ni Albaladejo, si Opah ang pinakamahal na isda sa merkado dahil ginagawang sashimi ang kanyang laman.

Samantala, dalawa ang namatay at tinatayang 50 ang sugatan sa 6.6-magnitude na lindol sa Masbate, kahapon. Nag-iwan ang pagyanig ng pagkasira ng gusali at ilang ari-arian sa mga residente. Nakararanas pa rin ng aftershocks ang naturang lugar. Humihingi na rin ang lokal na pamahalaan ng lugar ng tulong pinansiyal para mga kababayang lubhang naapektuhan ng lindol.

Dwarf Planet na Ceres, nakitaan ng “ocean world” ng mga scientist

ni Thea Janica Teh | August 11, 2020

Nakakita ng mala-“ocean world” sa Ceres, isang largest object sa asteroid belt sa pagitan ng Mars at Jupiter. Ito ay may malaking reservoir ng salty water sa ilalim ng frigid surface, ayon sa mga scientist.

Inilabas ng research noong Lunes ang data na galing sa Dawn spacecraft ng NASA na lumipad malapit sa surface ng halos 22 miles noong 2018 na nakapagtala ng bagong understanding sa Ceres. Ito ay nakakuha ng ebidensiya na ang Ceres ay may geologically active with cryovolcanism o volcanoes na may oozing icy material.

Nakumpirma rito na mayroong subsurface reservoir ng brine o salt-enriched water at subsurface ng isang nagyeyelong ocean.

"This elevates Ceres to 'ocean world' status, noting that this category does not require the ocean to be global. In the case of Ceres, we know the liquid reservoir is regional scale but we cannot tell for sure that it is global. However, what matters most is that there is liquid on a large scale,” sabi ni planetary scientist at Dawn principal investigator Carol Raymond.

Ang Ceres ay may diameter na 590 miles (950 km). Naka-focus ang mga scientist sa 57-mile-wide Occator Crater kung saan nabuo dahil sa impact noong 22 million years ago sa northern hemisphere ng Ceres. Mayroon itong dalawang bright areas o salt crust na iniwan ng liquid na nag-evaporate.

Ang tubig ay isa sa mga susi ng pamumuhay. Kaya naman gustong ma-assess ng mga scientist ang Ceres kung ito ay habitable ng microbial life.

Ayon kay planetary scientist Julie Castillo ng Jet Propulsion Laboratory ng NASA, “there is major interest at this stage in quantifying the habitability potential of the deep brine reservoir, especially considering it is cold and getting quite rich in salts.”