1,100 year-old clay jar na naglalaman ng gold coins, nahukay sa Israel

ni Thea Janica Teh | August 25, 2020

Nahukay ng dalawang 18 year-old ang isang clay jar sa Israel na halos 1,100 taon nang nakabaon dito. Ang clay jar ay naglalaman ng halos 425 gold coins!

Natagpuan ito noong isang linggo habang nagsasagawa ng archaeological excavation sa hillside ng Yvneh.

Kuwento ng nakahukay na si Oz Cohen, sa paghuhukay nito, nakakita ito ng manipis na dahon. Noong tiningnan niyang mabuti, napag-alaman niyang gold coins na pala ito. Aniya, “it was really exciting to find such a special and ancient treasure.”

Ang dalawang teenager ay mga volunteer sa vast project ng construction community sa Yavneh, south ng Tel Aviv. Ang programa ay may layuning makonekta ang mga kabataan sa history at culture.

Ibinahagi naman ni Robert Kool na isang coin expert sa Israel Antiquities Authority na ang natagpuang gold coins ay “rare treasure” na makatutulong sa mga archaeologist na magkaroon pa ng mas malalim na pagkakaintindi sa rehiyon noong araw.

Ang mga coin ay may bigat na 2 pounds at gawa sa purong guro. Ito ay may petsang 9th century kung saan pinamumunuan ni Abbasid Caliphate mula Persia sa east hanggang North Africa sa West.

Bukod pa rito, natagpuan din ang 270 small gold cutting at ilang gold dinars. Ito umano ay kasama sa monetary system ng Islamic countries matapos ang pagkawala ng bronze at copper coins. Ito rin umano ay magpapatunay na isinasagawa noon ang international trade sa pagitan ng mga residente at remote area.

Giant panda sa National Zoo ng Washington, nanganak na

ni Lolet Abania | August 22, 2020

Nanganak na ang giant panda na si Mei Xiang ng malusog na cub o baby panda sa National Zoo sa Washington na agad din nitong inalagaan, ayon sa animal care staff.

Gayunman, hindi pa tiyak ang kasarian ng cutie cub, kung saan ito ang ikaapat na matiwasay na pagbubuntis ni Mei Xiang, 22-gulang na panda, dahil sa edad nito na maaaring hindi makapagsilang ng malusog na baby panda, sabi ng zoo officials.

“We are thrilled to offer the world a much-needed moment of pure joy,” ayon sa zoo director na si Steve Monfort.

Samantala, unang na-detect ang fetal tissue noong nakaraang linggo ng mga scientists sa naturang zoo, matapos na sumailalim si Mei Xiang sa artificial insemination noong March dahil sa mayroon itong natirang frozen sperm, kahit pa may bigong pagbubuntis at malapit nang magtapos ang reproductive lifecycle ng panda.

"We knew the chances of her having a cub were slim," pahayag ni Monfort. "However, we wanted to give her one more opportunity to contribute to her species' survival."

Dahil na rin sa covid-19 pandemic, nagpatupad ang mga zoo experts ng special precautions upang mabawasan ang person-to-person contact habang isinasagawa ang proseso para sa mommy panda.

Beetle bot na methanol-powered, ginawa ng mga scientists

ni Ronalyn Seminiano Reonico | August 20, 2020

Nag-imbento ng beetle robot ang ilang siyentipiko na may timbang na 88 milligram at may sukat na 15 millimeters na binansagang “RoBeetle” na gumagana sa pamamagitan ng methanol at may kakayahang gumapang at magbuhat ng mga bagay sa loob ng 2 oras.

Ayon sa imbentor nitong si Xiufeng Yang, ito ay "one of the lightest and smallest autonomous robots ever created.

"We wanted to create a robot that has a weight and size comparable to real insects.”

Hindi battery o motor ang ginagamit upang mapaandar ang naturang “RoBeetle” dahil gumamit si Yang at ang kanyang mga kasamahan ng “artificial muscle system” na gawa sa nickel-titanium alloy wires na nababalot ng platinum powder at based on methanol.