Superbagal na internet connection sa ‘Pinas, kailangang solusyunan agad ng DICT, ngayon na!

ni Imee Marcos - @Buking | June 24, 2020

Pagdating sa internet connection, iisa ang daing ng mga Pinoy, superbagal!

Nakakapikon talaga at mapapasigaw ka ng why, oh why my Wi-Fi?! Lalo na kung nagmamadali ka at may hinahabol na deadline. ‘Kalokah!

Juskoday naman Department of Information and Communications Technology (DICT)! Ano na mga amigo, may pag-asa pa ba tayo?

Knows ba ninyo mga friendship na ang ‘Pinas ang kulelat sa buong Asya pagdating sa internet speed? Ang masakit na katotohanan, dinaig pa tayo ng mas maliliit na bansa kaysa sa atin in terms of economy, tulad ng Laos, Cambodia and Myanmar? Matagal na dapat tayong nag-upgrade pero hanggang ngayon ay 3.5 mbps pa lang tayo! Kawawa lang ang peg.

Level up na dapat ang ‘Pinas at siguruhing prayoridad ang digital infrastructure tulad ng pagbibigay-importansiya sa public works at transport projects sa ilalim ng programang Build-Build-Build.

At kung ikukumpara naman ang ating bansa sa mauunlad na estado tulad ng Singapore at Hong Kong, halos 19 hanggang 22 times na mas mabilis sila kesa sa atin. Hindi lang ‘yan sabi-sabi dahil base ‘yan sa datos ng Ookla Net Index na kilala sa buong mundo pagdating sa internet-performance test.

Plis naman DICT! Kilus-kilos pa more, santisima! Dapat prayoridad ng ating pamahalaan ang internet speed ngayong nasa gitna tayo ng pandemya at nahaharap sa tinatawag na new normal kung saan nakabase ang halos lahat ng transaksiyon sa paggamit ng internet.

Mabagal na internet connection dagdag pa ang limitadong pag-access online resulta niyan mga besh, makupad na ekonomiya at mababang uri ng pamumuhay, pahirap lalo sa mga lokal na pamahalaan na nasa mga liblib na lugar sa bansa! Ano bah?

Eh tanong ko nga pala, anyare sa ikatlong telco player? Tila natabunan na sila, ha?

Natutulog na ba sa pansitan? ‘Wag naman, maraming naghihintay sa project n’yo!

Take note, mas magiging matagumpay ang gobyerno sa contact tracing, online education, e-commerce at e-jobs at maging pagresolba ng krimen at mga eleksiyon sa hinaharap kung mapagbubuti at mapaghuhusay ang digital infrastructure ng bansa.

Ganern! Kaya plis lang, DICT, kilos na, bilisan na!

Imbensiyon at mga bagong ideya ng mga malikhaing Pinoy, kering-keri makatulong upang mapaangat ang

ni Imee Marcos - @Buking | June 17, 2020

Ang mga Pinoy ay likas na malikhain, malikot ang isip at mapagtuklas. Marami rin sa mga Pinoy ang imbentor at kayang makaisip ng mga bagong ideya kaya for sure, keri nilang maibangon ang ating ekonomiya mula sa pananalasa ng COVID-19.

Kaya naman, mga beshy, mega push ako sa aking Senate bill 411 para ma-develop, maprotektahan at maging commercialized ang original Pinoy content, gayundin ay itinutulak ko ang pagbuo ng Creative Industries Development Council na magbibigay ng exclusive rights para sa intellectual property hindi lang ng mga artist na Pinoy kundi maging ng mga Pinoy scientist, mga imbentor at iba pang creative nating mga kababayan.

FYI, binubuo ang creative industries ng advertising and marketing; animation at game development; architecture at interior design; broadcast arts pati ang pelikula, television, radio, at photography; information technology, software at computer services; publishing; museums, galleries, at mga library; heritage crafts at mga aktibidad kabilang ang gastronomy; music at performing arts; visual arts; product, graphic, at fashion design.

Super dami, ‘di ba? Mapapakibangan natin lahat ‘yan sa pagbangon ng ating ekonomiya. Kaya naman, hindi dapat dedma lang tayo sa mga Pinoy na patok sa ganyang industriya, lalo na ang ating mga economic managers at sa halip, suportahan natin sila. 

Eh, kung wala pa kayong senior moment, take note, ha, Pinoy ang nakaimbento ng sasakyan na tubig ang magpapatakbo, gayundin ang purifier para sa polluted water. Bongga, ‘di vah?

Pero ‘yun lang, walang suporta mula sa ating mga nasa gobyerno, kaya hindi nag-prosper. Eh, kung binigyan natin sila ng oras at pondo, baka naman isa na tayo sa mga yumayamang bansa hindi lang sa Asya kundi sa buong mundo? Hay nako, super sayang! ‘Kalerki! Anyways, marami pang chance mga besh!

Kaya ‘wag na patumpik-tumpik pa mga seestra, suportahan natin ang mga creative na Pinoy, sa sipag at tiyaga nila sa trabaho. Kering-keri nilang makatulong na mapaangat ang ating ekonomiya, kailangan lang magtiwala tayo sa kanila at sa isa’t isa! Ganu’n ‘yun!