Pagbabanta ni P-Digong sa mga abusadong utility companies, scary pero dapat lang!

ni Imee Marcos - @Buking | July 31, 2020

Tapos na ang SONA ni Pangulong Rodrigo Duterte, pero hindi ito ang katapusan kundi panibagong simula para mas mapaigting ang pagkilos at pagkakaisa ng lahat para makarekober na tayo sa krisis na dulot ng pandemyang COVID-19.

Hay naku, mga besh, nakinig ba kayo sa SONA ng Pangulo? Well, sana ay na-gets n’yo ang lahat ng mga sinabi niya para naman makaahon tayo nang paunti-unti sa krisis!

Juskoday, mga frennie, ewan ko ba, bakit may ilan sa atin lalo na ‘yung mga kritiko ng Pangulo, hindi ninanamnam at sinuring mabuti ang mga bagay-bagay bago nagbitiw ng mga litanya na kesyo waley saysay ang SONA.

Heller, mga friendship, kung pamilyar kayo sa mga napakaraming plano na inisa-isa ng Pangulo, eh, ‘di knows n’yo na pang-economic recovery ang mga ‘yun na inihirit niya na ipasa na ng Kongreso. Ultimatum, malinaw ang mensahe ng Pangulo sa bansa: Magbago ngayon na o habambuhay na manindigan sa mga kamalian, magbago o tuluyan nang maglaho o mamatay! Scary, ‘di ba?!

‘Yan, eh, para sa mga oligarkiyang patuloy na namamayapag sa palpak na mga serbisyo ng mga utility companies tulad ng tubig, kuryente at telekomunikasyon. Lagot din ang mga sangkot sa korapsiyon, sindikato, kriminal at sa ilegal na droga, na sanhi para iapela niya na ibalik ang death penalty!

Isa sa mga bills na inihanay ng pangulo ay siyang itinutulak natin tulad ng pagbuo ng medical reserve corps, pagkakaroon ng FISTCS (Financial Institutions Strategic Transfer Corporations) para kumita ang gobyerno sa pagbebenta ng mga non-performing state at pribadong assets nito, pag-aalok ng pautang na walang interest sa mga MSMEs sa mga bangko ng gobyerno.

Gayundin, ang tapyas sa corporate taxes para himukin ang mas maraming foreign investments, pagtatayo ng disaster management agency at trust fund para sa mga coconut farmers.

Kaya umaapela tayo sa mga kasamahan natin sa gobyerno na magsama-sama tayo para ma-gets ang planong recovery ng pangulo. Remember we are all in this together! Ganern!

Mga local manufacturer ng mga PPEs, ‘wag nang patawan ng buwis

ni Imee Marcos - @Buking | July 29, 2020

Dahil sa patuloy na paglobo ng mga tinamaan ng COVID-19, mas nalalagay sa peligro ang kaligtasan at buhay ng ating mga healthcare workers lalo na ‘yung mga kulang ang personal protective equipment o PPEs. Nakakalokah!

Kaya mga friendship, Marso pa lang, itinutulak na nating bigyan ng pagkakataon ang mga lokal na manufacturer sa bansa o ‘yung garment industry sa ‘Pinas na mga PPEs na muna ang gawin.

Pero mga besh, dapat hindi na sila pagbayarin ng import duties sa mga raw materials at equipment, value added tax at iba pang bayarin na kinokolekta ng Bureau of Customs (BOC) at Food and Drug Administration (FDA) base na rin sa inihain nating Senate Bill 1708 o ang Health Care Manufacturing and Pandemic Protection Act.

Alam n’yo ba, mga besh, kapag naprayoridad natin ang mga local manufacturer, pang matagalang solusyon ito kontra sa pagdepende natin sa mga imported na PPEs at iba pang medical supplies. At hindi lang ‘yan, katiyakan din ito ng job security ng manufacturing sectors at sagot din ito sa kakulangan sa proteksiyon ng ating health care workers kontra sa virus.

Eh, di ba nga mga besh, nakakalerki naman talaga ang bilang ng dami ng nagpopositibo sa virus lalo ngayon na mahigit 80,000 na ang naitalang kaso, kaya lalong namemeligro ang buhay at proteksiyon ng ating healthcare workers na kapos sa PPEs. Eh, di ba nga dalawang beses nang nahinto operasyon ng RITM dahil nadale na rin ng virus ang mga tauhan nila? Juskoday!

Mabanggit rin natin, dapat kapag panahon ng health emergencies sa ‘Pinas, dapat prayoridad natin ang mga local manufacturers para hindi na kailangan pang bumili ng PPE at iba pang medical supplies sa ibang bansa pero of course, kailangan palakasin muna ang kanilang kapasidad ‘di ba?

At bukod d’yan, nasa panukala rin natin na bigyang-insentibo ang ating mga export manufacturer kahit pa karamihan sa mga medical supplies na pino-produce nila ay mapupunta sa Department of Health (DOH) at mga pribadong lokal na ospital. Agree?

Mga besh, kapag tinangkilik natin ang gawang Pinoy, mababawasan ang mga jobless at makakabangon ang ating ekonomiya. Palagi nating tangkilikin ang sariling atin, para makabangon tayo sa krisis na dulot ng COVID-19!

Mga Pinoy, wala na ngang datung...

ire-require pa maglagay ng barrier sa motor para maangkas ang asawa, nakakalokah!!!

ni Imee Marcos - @Buking | July 27, 2020

Matapos payagan noong July 10 ng Inter-Agency Task Force ang couple ride sa mga motorsiklo, nire-require na ang mga motorcycle barriers o divider sa pagitan ng mga magka-angkas! Nakakalokah!

Mga frienship, medyo nakakatawa lang kung iisipin, biruin n’yo, magkasama ang mag-asawa sa bahay at paglabas ng bahay aangkas si misis para ihatid ni mister sa trabaho, pero kailangan may barrier o divider! Heler? Ano ba? Parang kalokohan naman ‘yan. Ha-ha-ha!

Hindi ako against sa proteksiyon kontra COVID-19, pero ano ba ang ipinagkaiba ng pagsasama ng mag-asawa sa loob ng bahay, eh, halos mas mahaba pa ang oras na magkasama sila doon kesa sa sandaling oras na inihatid lang ito sa trabaho tapos lalagyan ng divider? Sorry, pero nakakatawa talaga!

Mas nakakaloka dahil, walang standard na klase ng divider tapos wala rin namang datung ang ating mga kababayan para makapagpagawa o bumili nito. Kaya sangkaterbang memes ang nagkalat sa social media ngayon tungkol sa mga para-paraan ng mga couple kung paano nila “i-divide” ang kanilang mga sarili.

Sa meme, merong larawan na ginawang divider ang pintuan na hawak pa ni misis, meron ding nagbitbit ng life size na kuwadro bilang barrier, merong may dala ng lifesize bilao, nakakalerki talaga! ‘Sensiya na hindi ko talaga maiwasang hindi matawa at medyo mapika sa mga kalokohan. Ha-ha-ha!

Ang puna naman ng ating ilang kasamahang mambabatas wala na dapat daw barrier, somehow agree rin ako kasi meron daw nadisgrasya kamakailan lang dahil sa hindi mabalanse ng mga driver ng motor ‘yung bigat ng barrier o divider na nakakaapekto sa kanilang pagmaniobra ng mga motorsiklo. Hay jusko po! Que horror!

Heto nga, ‘yung atin namang frenny nating mga grupo ng Angkas, sila ay nagsasagawa ng masusing pag-aaral sa mga puwedeng irekomendang barrier, para makonsidera ang muling pagbiyahe nila. Sana nga para naman hindi na mahirapan sa pag-commute ang ating mga kababayan!