Serbisyong medikal, patuloy na ilapit sa ating mga kababayan!

ni Bong Go @Bisyo Magserbisyo | Jan. 8, 2025

Nitong nagdaang taon ay hindi natin tinigilan ang Philippine Health Insurance Corporation (PhilHealth) na magpatupad ng mga reporma. Kasama ang iba pang stakeholders ay pinamunuan natin, bilang chairman ng Senate Committee on Health, ang 11 hearings ng komite. 

Mariin ang mga panawagan natin sa PhilHealth. Ilan dito, palawakin ang benefit packages lalo na para sa 10 nangungunang sakit na nagiging sanhi ng kamatayan ng mga Pilipino, taasan ang case rates, at ibasura ang mga hindi makataong patakaran, gaya ng 24-hour confinement policy. Isinulong din natin na maisama sa coverage ang mga karagdagang serbisyo, gaya ng dental and optometric services, preventive and emergency care, at ang pagkakaloob ng libreng gamot, saklay at iba pang assistive devices. 

Kabilang sa mga naging commitment ng PhilHealth ang dagdag-benepisyo para sa ilang medical services, kasama ang treatment para sa ischemic heart disease, kidney transplants, and emergency outpatient services. Nagkaroon din ng adjustment na 50 percent ng select case rates. 

Kung hindi dahil sa ating pakikipaglaban, hindi matutupad ang mga dagdag na benepisyo na ito. Sulit ang ating pangungulit, ngunit hindi tayo rito titigil hanggang maisakatuparan ang mga pangako nila sa taumbayan. 

Gayunpaman, may mga pangamba pa rin pagdating sa transparency at sa kapasidad ng PhilHealth sa pagpapatupad ng mga naturang reporma. Kaya para sa akin, dapat masigurado na may malinaw na sistema para malaman ng bawat miyembro kung anu-ano ang mga benepisyo na kanilang makukuha. Dapat maglabas ang PhilHealth ng malinaw na guidelines ng revised case rates at tiyakin na ang mga ito ay naipatutupad nang pantay-pantay sa lahat ng healthcare facilities sa buong bansa.

Hindi lang ito usapin ng benepisyo kundi usapin ng tiwala. Kung gusto nating magtiwala ang mga Pilipino sa PhilHealth, kailangan nilang makita na may resulta ang mga reporma na ginagawa. Hindi dapat mangamba sa pagpunta sa ospital para magpagamot dahil ang kalusugan ay katumbas ng buhay ng bawat Pilipino! 

Para sa akin, mahalaga na ang bawat Pilipino ay may maaasahan na suporta mula sa gobyerno, lalo na kung usapin ng kalusugan ang nakataya. Ang serbisyong medikal ay dapat naaabot ng lahat, saan mang sulok ng bansa, at hindi lang para sa iilan. 

Ang PhilHealth ay hindi negosyo na dapat mag-ipon ng pondo. Ito ay medical insurance para sa lahat upang may masasandalan tayo kapag nagkasakit. Kaya dapat nilang gamitin ang kanilang pondo para mapakinabangan ng taumbayan. Galit ang Pilipino dahil kaltas sa sahod natin ‘yang kontribusyong nakokolekta ng PhilHealth na dapat suklian nila ng maayos na serbisyo at sapat na benepisyo kapag nagkasakit. 

Malungkot ako na zero ang subsidy ng PhilHealth mula sa gobyerno ngayong taon na mariin nating tinutulan kaya hindi ako pumirma sa Bicameral Report. Ngunit hindi dapat ito maging hadlang para maipatupad nila ang mas malawak na benepisyong pangkalusugan para sa mga nangangailangan na kanilang ipinangako ‘under oath’ sa ilang mga pagdinig na ating pinamunuan sa Senado. 

Muli, ang pondo ng Philhealth ay para sa health! Dapat gamitin ito upang maproteksyunan at mapangalagaan ang kalusugan ng bawat Pilipino. 

Samantala, sa pagsisimula ng bagong taon ay patuloy ang sigla ng inyong Senator Kuya Bong Go sa paghahatid ng serbisyo sa ating mga kababayan.

Nasa Bulacan tayo noong January 6 at personal na sinaksihan ang inagurasyon ng itinayong Super Health Center sa Plaridel. Namahagi rin tayo ng tulong para sa 1,000 mahihirap na residente sa lugar, na sa ating inisyatiba ay nakatanggap din ng tulong pinansyal mula sa lokal na pamahalaan. Masaya ko ring ibinabalita na idineklara ako bilang adopted son ng Plaridel, Bulacan, sa aking pagbisita roon.

Kahapon, January 7, naging panauhing pandangal at tagapagsalita tayo sa The Fraternal Order of Eagles Philippine Eagles Oath Taking Ceremony ng reelected National President na si Kuya Ronald delos Santos na ginanap sa Pasay City. Buo ang ating suporta sa Eagles na nakakatuwang natin sa atr Lady of Fatima University sa Antipolo City, Rizal; at 339 scholars naman mula sa iba’t ibang paaralan sa Metro Manila.

Tuluy-tuloy din ang ating feeding initiative at pamimigay ng libreng lugaw sa mga pasyente, mga kasama nila, at healthcare workers sa ilang ospital na may Malasakit Centers.

Happy, healthy New Year sa ating lahat! Ang wish ko ngayong taon ay maayos na kalusugan sa bawat Pilipino. Makakaasa kayo na ang inyong Senator Kuya Bong Go ay patuloy ang serbisyo sa abot ng aking makakaya dahing mga pagseserbisyo.

Ipinadala ko naman ang aking Malasakit Team para maalalayan ang pitong naging biktima ng insidente ng sunog sa Davao City. Nabigyan din natin ng dagdag na tulong ang 88 scholars ng Ouil bisyo ko ang magserbisyo, at naniniwala akong na ang serbisyo sa tao ay serbisyo sa Diyos!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Ganda at kalidad ng pelikulang Pilipino, ipagmalaki natin

ni Bong Go @Bisyo Magserbisyo | Jan. 5, 2025

Talaga namang maipagmamalaki natin ang ganda at kalidad ng mga pelikulang Pilipino lalo na ang mga kalahok sa Metro Manila Film Festival 2024, ang ika-50 edisyon ng MMFF na ipinalalabas pa sa mga sinehan hanggang January 7. 

Isang malaking suporta sa lokal na industriya ang bawat ticket na binibili natin. Sa mga hindi pa nakanood, habol na po! Nananawagan ako na tangkilikin ang sariling atin! 

Ang MMFF ay isang mahalagang tradisyon na nagpapakita ng talento ng ating mga Pilipino sa sining ng pelikula. Isang pagkakataon din ito na makapiling ang ating pamilya ngayong nakabakasyon ang karamihan sa atin. 

Ang bawat pelikula sa MMFF ay bunga ng dugo, pawis, at pagmamahal sa sining ng mga gumawa nito. Suportahan natin ang mga likha ng mga kababayan at buhayin ang mga obra na sumasalamin sa kultura ng ating bansa. 

Ang inyong Senator Kuya Bong Go ay anim na taon nang miyembro ng MMFF Executive Committee. Inirekomenda rin natin noon ang pagdaraos ng festival dalawang beses sa loob ng isang taon kaya nagkaroon ng Summer Film Festival na naantala lang nang nagkaroon ng pandemya noong 2020. Kung kakayanin, sana ay mapalakas pa lalo ito.

Naniniwala tayo na ang inisyatibang ito ay makalilikha ng mas maraming oportunidad para sa ating filmmakers, mga artista at iba pang manggagawa sa movie industry dahil exclusive sa lokal na pelikula ang palabas sa mga sinehan sa panahon ng festival. 

Bukod sa ating inisyatiba na mapalaganap ang pelikulang Pilipino, patuloy nating isinusulong sa Senado ang mga panukalang batas na magpapaangat maging sa kalagayan ng mga manggagawa sa media and entertainment industry. Naisabatas na ang Eddie Garcia Law, na isa tayo sa co-author at co-sponsor. Layunin nitong mabigyan ng sapat na proteksyon at benepisyo ang mga manggagawa sa film and television industry. Ito ay ipinangalan sa yumaong aktor at direktor na si Eddie Garcia, na isa sa mga artistang ating hinahangaan.

Isinusulong din natin sa Senado ang aking nai-file na Senate Bill No. 1183, o ang Media and Entertainment Workers Welfare Bill. Layunin nito na magkaloob ng karagdagang proteksyon, seguridad at insentiba sa media workers sa Pilipinas — nasa radyo man sila, print, TV o pelikula. Hindi natin pinababayaan ang ating mga manggagawa sa pamamagitan ng pagsusulong sa kanilang seguridad at tamang benepisyo.

Muli, ipinaaabot natin ang pagbati sa mga nagwagi sa parangal. Higit sa award, ang aral at saya na naihatid ninyo sa mga nakapanood ng inyong mga obra ang pinakamalaking achievement na bunga ng inyong pagiging malikhain. Patuloy akong susuporta sa industriya ng pelikula at sa lahat ng mga manggagawa nito. Sama-sama nating buuin ang mas makulay at matagumpay na kinabukasan ng pelikulang Pilipino.

Tuluy-tuloy din tayo sa pagseserbisyo para sa kapakanan ng bawat Pilipino, lalo na ang mga mahihirap. Ngayong 2025, mas paiigtingin natin ang ating mga adbokasiya lalo na pagdating sa kalusugan ng mga Pilipino. Bago nagpalit ang taon, patuloy tayo sa pagtulong sa mga kababayan natin sa iba’t ibang panig ng bansa. 

Bilang isang adopted son ng Taal at ng lalawigan ng Batangas, bumisita tayo roon noong December 28 at sinaksihan ang blessing ng Integrated Rural Health Center na magsisilbing Super Health Center ng bayan. Nagbigay din tayo ng dagdag na suporta sa mga health worker at mga kapwa natin Batangueño roon. 

Matapos iyon, bumalik ako sa Davao City upang personal na dumalo sa 25th Alumni Homecoming ng Pablo Lorenzo National High School. Naging kinatawan ko naman ang aking kaibigan na si Phillip Salvador sa Alumni Homecoming ng Panabo City National High School. 

Binisita natin noong December 31 ang mga pasyente at kanilang mga bantay sa Bahay Pahulayan sa Southern Philippines Medical Center sa Davao City. Tulad ng ating nakagawian sa mga nagdaang taon, muli tayong bumisita upang personal na kumustahin ang mga bantay at pasyente roon at mag-abot ng kaunting tulong sa kanila. Sa ganitong paraan, maipapadama ko sa kanila ang aking suporta, malasakit at serbisyo sa abot ng aking makakaya. 

Hindi rin tumitigil ang aking Malasakit Team sa paghahatid ng tulong at naalalayan natin ang 630 residente ng Malita, Davao Occidental na naapektuhan ng pagbaha.

Nagbigay din tayo ng tulong sa 54 displaced workers sa Calinog, Iloilo kasama si Vice Mayor Anthony Gustilo, na sa ating pakikipagkapit-bisig sa DOLE ay nabigyan din ng pansamantalang trabaho. 

Nagbigay naman tayo ng suporta at nakiisa sa ginanap na National Capital Region Transport Leaders meeting sa Pasay City; sa Anak ng Manggahan Lingkod Bayan Family Christmas Party sa Pasig City kasama si Barangay Captain Quin Cruz; sa medical mission sa Parañaque City kung saan natulungan natin ang tinatayang 800 TODA drivers at kanilang mga pamilya katuwang si Konsehal Raffy Apiong dela Peña; at sa Sison, Pangasinan Coordinators Christmas Party and Reunion sa paanyaya ni Mayor Danny Uy.

Bilang inyong Mr. Malasakit, patuloy akong susuporta sa iba’t ibang sektor at magseserbisyo sa inyong lahat sa abot ng aking makakaya. Bisyo ko ang magserbisyo, at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Happy, healthy New Year sa lahat!

ni Bong Go @Bisyo Magserbisyo | Dec. 28, 2024

Sa pagtatapos ng 2024, maraming oportunidad ang dumating sa ating buhay. May mga pagsubok din na maluwalhati nating nalampasan. Nariyan din ang mga leksyon ng mga nakaraang panahon na naging daan para lalo tayong matuto at maging mas malawak ang pananaw sa buhay.

Ang pagsapit ng panibagong taon ay laging may hatid na bagong pag-asa. Kaya naman kabilang sa panalangin ko ang higit na magandang buhay para sa aking mga kababayang Pilipino ngayong paparating na 2025. Ipagpatuloy natin ang ating pagsisikap at huwag tayong bibitiw sa ating mga pangarap. Bagong taon, bagong hamon, bagong tagumpay.

Panatilihin natin ang ating pagmamahal sa pamilya, sa kapwa Pilipino at sa ating bansang Pilipinas. Patuloy tayong magkaisa at magbayanihan para makamit natin ang ating inaasam na pagsulong at pag-unlad.

Pangalagaan natin ang ating kalusugan. Sa pagsalubong sa 2025, mag-ingat tayo sa ating pagdiriwang. Masarap salubungin ang New Year na kumpleto ang ating katawan, wala tayong nararamdamang sakit at walang napinsala sa mga ari-arian at kabuhayan. Simulan din natin ang bagong taon nang may panibagong sigla at puno ng pag-asa.

Upang higit namang maipadama sa ating mga kababayan, lalo na ng mga nangangailangan, ang diwa ng Kapaskuhan at ang sigla ng papasok na taon, tuluy-tuloy tayo sa paghahatid ng serbisyo at sa iba pa nating mga gawain sa labas ng Senado. Nakiisa tayo noong December 21 sa ginanap na Pilipinas Super League President’s Cup Opening Ceremony sa San Juan City sa paanyaya ni PSL President Cris Bautista. 

Bumisita naman tayo sa Davao Oriental noong December 23 at personal na sinaksihan ang turnover ceremony ng itinayong Super Health Center sa Brgy. Calapagan sa Lupon. Matapos ito ay dumiretso tayo sa Mati City para pangunahan ang turnover ceremony ng ambulansya para sa mga munisipalidad ng Baganga, Boston, Caraga, Cateel, Manay, Tarragona, at ng Mati City. Sinaksihan din natin ang pagbubukas ng City Wide Musabaqah Sports Activity sa paanyaya ni Coun. Bong Alcantara.

Sinaksihan din natin ang turn over ceremony ng itinayong Super Health Center sa Brgy. Bagumbayan — sa Lupon pa rin — gayundin ang turn over ng ambulansya para sa Lupon at San Isidro. Pinangunahan din natin ang pamamahagi ng tulong para sa 3,600 mahihirap na residente ng Lupon, na sa ating pakikipagtuwang sa lokal na pamahalaan ay nabigyan din ng tulong pinansyal. Naimbitahan din tayo sa ginanap na Philippine Military Academy Alumni Association Eagle Fraternal Chapter Inc. Christmas Party sa Davao City sa paanyaya ni former Usec. Nestor Quinsay, kung saan guest speaker si dating Pangulong Rodrigo Duterte. 

Nasa Sarangani naman tayo noong December 26 at binisita natin ang bagong naitayong Super Health Center sa Malungon. Personal din nating sinaksihan ang ribbon cutting and turn over ceremony ng itinayong footbridge sa Brgy. Malandag, Malungon kasama natin si Mayor Theresa Constantino. Ang naturang proyekto ay napondohan sa ating kapasidad bilang vice chairperson ng Senate Committee on Finance. 

Kahapon, December 27, nasa Davao del Norte tayo at personal na pinangunahan ang pamamahagi ng tulong para sa 300 maliliit na negosyante ng Braulio E. Dujali, Carmen, and Sto. Tomas. Matapos ito, dumiretso tayo sa Tagum City at nagsagawa ng katulad na relief effort kung saan 300 maliliit na negosyante mula naman sa Tagum City, Asuncion, at Kapalong, ang ating naging benepisyaryo. Sa ating inisyatiba at pakikipagtuwang sa DTI, nakatanggap din sila ng livelihood kits. 

Dumalo rin tayo sa ginanap na MMFF 50th Anniversary Awards Night sa Parañaque City.

Tuluy-tuloy din ang aking Malasakit Team sa paghahatid ng tulong. Naalalayan natin ang 55 residente ng Talisay City, Cebu na naging biktima ng insidente ng sunog.

Nahatiran din ng tulong ang mga nawalan ng hanapbuhay sa Iloilo kabilang ang 54 sa Calinog katuwang si VM Anthony Gustilo; at 90 sa San Dionisio kaagapay naman si Mayor Darwin Bajada. Sa ating pakikipagkapit-bisig sa DOLE, nabigyan pa sila ng pansamantalang trabaho.

Binalikan natin at muling binigyan ng tulong ang mga naging biktima ng Bagyong Egay sa Davao Oriental kabilang ang 35 sa Tarragona, at dalawa sa Lupon. Nakatanggap din sila ng emergency housing allowance mula sa NHA sa ilalim ng programang ating isinulong para may pambili sila ng materyales sa pagpapaayos ng kanilang nasirang tahanan.  

Natulungan din natin ang 100 maliliit na negosyante sa New Corella, Davao del Norte na sa ating inisyatiba ay nakatanggap din ng livelihood kits mula sa DTI. 

Naalalayan natin ang 1,000 mahihirap na residente ng Famy, Laguna katuwang si Mayor Lorenzo Rellosa. Sa ating inisyatiba, nakatanggap pa sila ng tulong pinansyal mula sa lokal na pamahalaan. 

Ang aking sipag ang isa sa aking maiaalay sa mga kapwa nating Pilipino dahil bisyo ko ang magserbisyo, at ako ay naniniwala na ang serbisyo sa tao ay serbisyo sa Diyos. Ito ang inyong Senator Kuya Bong Go na bumabati ng happy, healthy New Year sa inyong lahat!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.