BAGUHANG AKTRES, LATE NA SA TAPING, GUSTO PANG SALANG AGAD, NAGMAMADALI RING UMALIS

ni Julie Bonifacio - @Winner | September 5, 2023

Blind item:

Pasaway ang baguhang female artist (FA) sa set ng movie na pinagbibidahan ng isang young actress. Grabe kung mag-attitude ito sa set, daig pa ang mga bida at veteran stars.

Ayon sa aming source, darating lang daw si FA sa set sa oras na gusto niya sa kung ano ‘yung nakalagay sa call slip. Kaya pagdating niya, gusto niya ay salang na lang agad sa eksena.

Siyempre, ‘di naman puwede ‘yung ganoon sa set. At least one hour man lang sana ay nandoon na siya para sa kung anumang adjustments or preparations na kailangang gawin ng cast members.

Say pa ng aming source, nasa kontrata pala ng producer kay FA na dapat two to three hours before call time ay nasa set na ito. Ang siste, minsan ay nale-late pa si FA sa call time niya.

Ang gawain pa raw nito, kahit ‘di pa tapos ang shooting ay magpapasabi na agad na maaga siyang aalis sa shoot.

Tatamad-tamad pa raw si FA kumilos kapag tinatawag na for take. Ilang beses na raw sinusundo sa standby area si FA, nakahilata pa rin. Naka-ilang balik na raw ‘yung talent coordinator sa pagsundo sa kanya.

Maepal din daw si FA sa EP/Director at kinukuwestiyon ang ipinapagawa sa kanya.

Kulang daw ang short bond paper para isulat ang mga kadramahan ni FA sa set. Ang dami-dami pa raw nitong ginagawang “pag-a-attitude”.

Pagre-reveal pa ng aming source, even before mag-shooting ay nagpakita na ng “attitude” si girl.

Kaya dapat daw ay papalitan na si FA kung hindi dumating nu’ng mediacon ng movie.

Ang dami raw hanash ng talent management na nagma-manage kay FA at inakala nila na okey naman ang alaga nila. Akala raw ng produ ng movie na ang problema ay ang management lang ni FA. ‘Yun pala, pati ang newbie female talent ay sakit din sa ulo.

Dahil d’yan, tiyak na kakalat sa showbiz ang pag-uugali ni FA at baka maapektuhan ang kanyang showbiz career.

Si FA ay talent ng isang bagong management company sa showbiz.

Walastik! Walanjo! Matindi! HUNK ACTOR, KAPALMUKS, PATI MADIR NG GF, INUTANGAN

ni Janiz Navida @ShowbizSpecial | September 3, 2023

BLIND ITEM:

Jusko, paano kaya naatim ng isang sikat na hunk actor ang mangutang sa kanyang supposed to be ay future mother-in-law?

Yes, you heard it right, walang pag-aalinlangang nangutang ang naturang hunk actor sa mother dear ng kanyang GF na byuting sikat na aktres.

Ni hindi man lang ito tinablan ng hiya knowing na may trabaho rin naman siya at malaki rin ang kinikita sa showbiz.

Ang hindi lang namin sure ay kung nabayaran na ba ng hunk actor ang utang niya sa mother ng byuting sikat na aktres dahil matagal na silang hiwalay ng GF.

May kani-kanyang karelasyon na ngayon ang dalawa. Sana lang, hindi na ito ulitin ng aktor sa nanay ng bago niyang GF dahil baka ma-red flag siya or worst, madyombag pa!

Nyahahaha!

Walanjo talaga! Ibang klase, matindi ang hunk actor, 'no?!

AKTOR-DIREKTOR, KAKAIBA ANG TRIP, MALA-PORN ANG GUSTONG IPAGAWA SA MGA CO-STARS

ni Ambet Nabus @Let's See | August 24, 2023

BLIND ITEM:

Grabe naman ang kilalang hunk actor sa tila pagkakahilig umano nito sa mga kakaibang pantasya pagdating sa mga intimate scenes o moment sa mga movies o series na kasali ito.

Ayon sa aming nasagap, very dedicated si hunk actor sa kanyang mga gawain at dahil nai-involve na rin ito sa mga behind the cameras’ actions (parte ng production as assistant director o minsan ay director), may mga gusto raw itong ipagawa sa mga co-actors minsan na medyo kakaiba.

Gusto umano nitong out of the box kumbaga ang mga eksena kapag intimate scenes ang isyu.

Ayaw daw nito ru’n sa basta normal o natural lang na ginagawa ng magdyowa o mag-partner.

In short, trip daw ni hunk actor na ipagawa ‘yung mga napapanood lang sa adult sites o p*rn sites, lalo na ru’n sa mga eksenang may 'aura' ng masokismo, nag-e-enjoy sa sakitan, etc..

Binata pa si hunk actor at may dyowa rin itong very simple showbiz girl na kilala rin sa kanyang larangan.

Marami tuloy ang napapaisip kung sa totoong buhay daw ba ay gawain din ito ng aktor o sadyang 'wild at weird' lang ang imahinasyon nito?