Todo na ang sakit ng ulo niya…

SEXY STAR, NAGING MILYONARYA DAHIL SA MGA RICH PAPA, NAUBOS DIN DAHIL SANDALAN NG MGA UTOL, MAY BISYO PA ANG MADIR

ni Erlinda Rapadas - @Teka Nga! | July 22, 2020

BLIND ITEM:

Noong bata, sariwa at sexy pa ang female star, talagang marami ang nabaliw sa kanyang alindog at kagandahan. Mala-porselana at flawless pa naman ang kanyang kutis.

May nakarelasyon siyang artista, pulitiko, businessman at mga dirty old man. Talagang gumastos sila nang malaki makuha lang ang sikat na sexy star.

Pero wise ang sexy star dahil nagsiguro siya sa kanyang buhay. Nag-ipon siya at nagpundar ng mga properties upang hindi madehado kapag siya ay pinagsawaan na ng mga lalaking nakakarelasyon niya.

Milyonarya na nga siya kung tutuusin dahil bukod sa datung ay binigyan din siya ng sariling negosyo ng kanyang mga richie-richie papa.

Ang problema lang ni sexy star ay ang kanyang pamilya na sa kanya lahat nakasandal at nakadepende. Naging malaking problema rin ni sexy star ang kanyang mudra na pasaway at nagbibisyo pa. Pati ang mga branded bags atbp. niyang gamit ay patagong kinukuha at ibinebenta ng kanyang nanay kapag kailangan ng pera.

Milyon din ang ginastos ni sexy star nang tubusin ang kanyang ina nang masabit sa malaking kontrobersiya.

Off-cam ay hindi mo iisipin na martir ang sexy star. Naitatago niya ang kanyang mga problema sa likod ng kanyang halakhak at pagko-comedy.

Ngayon ay hindi na nagpapa-sexy ang female star dahil nag-asawa na at may anak na rin. Namumuhay na lang siya nang simple at tahimik abroad. Hindi na niya pinanghinayangan ang milyun-milyon na nawala sa kanya dahil nakatulong naman siya sa kanyang pamilya.

Bili nang bili, wala palang ipon…

SINGER-TV HOST, NAGPABONGGA NG KASAL MAIBIGAY LANG ANG HILIG NG GF, PROBLEMADO DAHIL LUBOG SA UTANG

ni Erlinda Rapadas - @Teka Nga! | July 19, 2020

BLIND ITEM:

Problemadung-problemado ngayon ang isang singer-tv host dahil bukod sa buntis na ang kanyang young wife, marami pa silang utang na dapat bayaran.

'Yun ang mga utang sa nagastos nila sa napakabongga nilang kasal. Mahal na mahal kasi ng singer- tv host ang kanyang pinakasalan kaya kahit kapos at hindi kaya ng budget ay sinunod niya ang kahilingan ng kanyang bride na magkaroon ng bonggang wedding.

Kung kani-kanino lumapit at nangutang ang singer-tv host para lang may magastos sa kasal. Hindi niya kailanman naisip na may malaking pagsubok na darating sa kanilang buhay.

Dahil sa Covid pandemic ay nawalan ng show ang singer-tv host at 'yun ang hindi nila napaghandaan.

Bale ba ay wala naman silang naipon. Paano na ang magiging buhay nila ngayon? Wala rin naman silang kamag-anak na dadamay at tutulong sa kanilang problema.

'Di sinasabon kahit ng daddy niya…

BIGLANG-SIKAT NA CELEB, SOLO FLIGHT NA SA BAHAY, WA' PA KAYOD KAYA DEPRESSED, NAG-IINGAY AT NANINIRA SA SOCMED, MGA MISMONG KAANAK, WA' PAKI

ni Reggee Bonoan - @Sheet Matters | July 18, 2020

BLIND ITEM:

Kawawa naman ang biglang-sikat na personalidad dahil wala pala siyang karamay sa kinakaharap nitong depresyon ngayon.

“Wala kasi siyang malalapit na kaibigan na puwedeng dumamay o magpayo sa kanya, pati sariling kaanak, dedma sa kanya,” ang pahayag sa amin ng taong minsang nakatsikahan ang biglang-sikat na personalidad.

Idinaan ng biglang sikat na personalidad sa social media account niya ang mga sama niya ng loob o galit sa mundo lalo’t walang pumapansin sa kanya dahil pati mga nakabasa ng mga posts niya ay hindi sang-ayon sa mga pinaggagawa niya.

Binasa namin isa-isa ang mga komento at iisa ang sinasabi, "Mag-move on siya, huwag sirain ang sarili at marami pang magagandang bagay na nakalaan sa kanya."

“Sana, nabasa niya lahat ng mga sinasabi ng netizens sa kanya. May mga payo, sana, sundin niya,” sabi pa ng kausap namin.

Ang hindi namin maintindihan ay kahit sariling kaanak ng biglang-sikat na personalidad ay hindi pinapansin ang pinaggagagawa niya.

May nagparating na raw sa kaanak ng biglang-sikat na personalidad tungkol sa pinagpopo-post nito sa social media, pero deadma at seen-zone lang sila.

Sa madaling salita, hindi concerned ang kaanak? As in wala lang o baka naman sanay na?

Anyway, mukhang hindi naman nagtatagumpay ang biglang-sikat na personalidad sa paninira niya sa mga taong pinariringgan niya dahil abala sila sa kanilang trabaho ngayon.

“'Yan ang napapala ng walang trabaho, tapos hindi ka pa ni-renew ng network na pinagsilbihan mo. Then, pandemic pa, mag-isa sa place niya, makakapag-isip ka talaga ng hindi maganda,” say pa ng taong nakakakilala sa personalidad na laman ng blind item namin.