Tamang panahon na ang humusga…

TISOY NA AKTOR, NILAIT AT INAYAWAN NOON NG MADIR NG YOUNG ACTRESS, SUPER-SIKAT NA, ANAK ANG NALAOS

ni Erlinda Rapadas - @Teka Nga! | July 30, 2020

Blind item:

Magsisi man ngayon ang mommy ng young actress sa ginawa niyang paghamak sa young actor na dating katambal ng anak ay hindi na niya maibabalik pa ang panahon.

Ang young actor na inayawan niya para sa kanyang pretty daughter ay super-sikat na ngayon. At ang young actress naman ay halos hindi na umusad ang career simula nang hindi na sila pinagtambal ng poging young actor.

Maraming nakasaksi noon sa ginawang panlalait ng mommy ng young actress sa baguhang young actor. Mas gusto kasi niya ang isang matangkad na young actor para sa kanyang anak.

Hindi naman dinamdam ng tisoy na young actor ang pangmemenos sa kanya ng mahaderang mudra, sa halip, mas pinagbuti niya ang kanyang trabaho.

Hindi nagtagal ay gumanda ang takbo ng career ng tisoy na young actor at itinambal sa isang phenomenal na young actress. Sobrang nag-click ang kanilang tambalan at naging idolo ng kabataan.

Dumating sa tamang panahon ang suwerte ng tisoy na young actor! At ang dati niyang kapareha ay nawalan na ng kinang ang career dahil sa mapanghamak na madir.

Sarap niyang ihulog sa pozo negro…

FEMALE CELEB, PRIMADONNA, MAY SARILING MUNDO AT WA' PAKISAMA KAYA ISINUSUKA NG MGA MISMONG STAFF NG SHOW

ni Erlinda Rapadas - @Teka Nga! | July 27, 2020

BLIND ITEM:

Dahil sa Covid pandemic, tiyak na may malaking pagbabago at realization sa buhay ang nagkakaedad nang female celebrity. Dati-rati kasi, grabe siyang maka-demand sa mga kumukuha sa kanya sa pelikula at tv show. May attitude ito at astang prima donna kapag nasa set o taping.

Kinaiinisan na siyang makasama-makatrabaho ng ilang staff ng isang show dahil mareklamo at gusto ay laging may VIP treatment sa kanya.

Marami rin ang nakakapansin na wala siyang circle of friends dahil may sarili siyang mundo. Feeling niya ay super-sikat pa siya ngayon.

Kung tutuusin nga, wala siyang gaanong fans dahil may imahe siyang masungit at walang PR. Pasalamat na lang na may isa pa siyang show na natitira na noon ay nameligro ring matigok dahil sa dami ng staff na nagrereklamo sa kanyang masamang ugali.

Hindi kaya nararamdaman ng nagkakaedad na female celebrity na lumalamig na ang kanyang career at hindi na siya makakapag-demand ng mataas na talent fee sakaling may kukuha pa sa kanya?

Sa totoo lang, kahit na mag-exit na siya sa showbiz ay walang manghihinayang sa kanya.

Wa' siyang panalo, mga dear…

SIKAT NA KOMEDYANTE, LAGING BINABARA ANG CO-STAR SA SHOW NA COMEDIENNE-HOST DAHIL PRIMA DONNA AT PABIDA, TSINUGI NG MGA BOSSING

ni Erlinda Rapadas - @Teka Nga! | July 25, 2020

BLIND ITEM:

Noong unang magkasama sa isang show ang sikat na comedienne-host at magaling na komedyante ay maraming natuwa-naaliw sa kanilang tandem. Swak na swak kasi sila at may chemistry. Kaya naman, tinangkilik ng mga viewers ang kanilang show na tumagal nang ilang season sa ere.

Cute na cute kasing panoorin ang kanilang pagkukulitan at pagbibiruan on-cam. Marami rin ang nagsasabing bagay na bagay sila sakaling mauwi sa totohanan ang kanilang tambalan.

Kung pagbabasehan sa kanilang status sa showbiz, mas feeling big star ang comedienne-tv host. Nagbida na kasi ang komedyana sa ilang pelikula at may ilang tv shows na ring hinawakan.

Pero ang magaling na comedian naman ay sikat din at may regular tv show, plus nakalabas na rin sa ilang pelikula, bukod sa nagso-show ito abroad.

Mabiro lang talaga ang male comedian at madalas na binabara-bara at sinosopla ang pa-star na comedienne na kasama niya sa show.

Kaso, may pagkapikon din pala ang comedienne-host kaya dumating sa punto na hindi na niya masakyan ang sutil na komedyante. Nagulat na lang ang mga televiewers nang biglang nag-disappear sa show ang talented at masayahing comedian. Mas pinaboran daw ng production ang feelingerang comedienne.

Pero may ibang bersiyon naman ang kampo ng comedian. Hindi na raw nito natagalan ang pagiging primadonna ng comedienne-host na ang gusto ay siya ang laging bida at napapansin. Ayaw ng komedyana na may kahati sa atensiyon at kakumpitensiya. Para silang aso't pusa na laging nag-aaway.

Kaya mula noon, wala nang umaasa pa na mapagsasama sa anumang show ang comedienne at ang magaling na komedyante.