Go nang go pero 'di maka-bingo!

KOMEDYANTE, MAGULO ANG UTAK, KUNG ANU-ANONG NEGOSYO ANG PINAPASOK, 'PAG NAGSAWA NA, SARADO AGAD

ni Erlinda Rapadas - @Teka Nga! | August 10, 2020

BLIND ITEM:

Matalino at madiskarte sa buhay ang isang comedian-tv host. Magaling siyang manghikayat ng tao dahil masayahin siya at idinadaan sa comedy ang lahat.

Marami nang pinasok na negosyo ang mabokang comedian-host. Mahilig siyang mag-buy and sell ng mga sasakyan. May negosyo rin siya na para sa mga kababaihan. Kung anu-anong franchise ng food business ang kanyang binibili at ginagawang negosyo.

Masipag naman ang comedian-host kung tutuusin. Lahat ng puwede niyang pagkakitaan ay kanyang pinapasok. Ayaw niyang may nasasayang na oras sa kanyang buhay. Hindi uso sa kanya ang magpahinga. Kaya basta may maisip siyang bagong negosyo, hindi niya pinalalagpas. Kahit hindi niya linya ang itinitinda ay sumasabak pa rin siya.

Hands-on sa pagnenegosyo ang comedian-host. Hindi niya ipinauubaya sa ibang tao ang anumang negosyo na kanyang pinapasok.

Ang isang bagay lang na setback ng comedian-host ay madali siyang magsawa sa kanyang negosyo. Kadalasan, isa o dalawang taon lang ang kanyang negosyo, tapos isinasara na niya at magpapalit na naman ng bago. Ganu'n kagulo ang takbo ng utak niya. Sa umpisa lang ng negosyo siya excited. Mabilis siyang magsawa at hindi magawang mag-focus sa isang negosyo lang.

Sana mahanap pa ang cure sa sakit niya…

SINGER-ACTRESS NA PA-SWEET NOON, SINUMPONG NA NAMAN NG TOPAK KAYA TODO-SAWSAW AT BANAT SA GOBYERNO

ni Erlinda Rapadas - @Teka Nga! | August 9, 2020

BLIND ITEM:

Labis na ikinagulat ng mga netizens ang biglang pag-iingay ng sikat na actress-singer na kaliwa't kanan ang banat ngayon sa isyu ng gobyerno at lipunan. Para siyang makabagong Gabriela Silang na kuda nang kuda sa mga nakikita niyang pagkakamali at kakulangan ng ilang ahensiya ng gobyerno, maging ng ilang mambabatas.

Kulang na lang ay sumama siya sa mga aktibistang nagra-rally sa kalsada.

Hindi naman daw ganito dati ang sikat na actress-singer. May pagka-sweet ang kanyang imahe at ang prayoridad ay mapagbuti ang kanyang pagiging aktres.

Nakapareha na niya ang ilang sikat na aktor sa pelikula. Marami rin siyang loyal fans na nagtatanggol-sumusuporta sa kanya. Masasabing asset siya ng kanyang network kaya magaganda ang ibinibigay sa kanyang project.

Pero, ngayong may Covid pandemic, biglang-bigla ay nagbago nga ang aura ng sikat na actress-singer. Parang may ibang espiritung sumanib sa kanya at naging nega siya.

Sabi naman ng ilang nakakakilala sa kanya, baka sumumpong-bumalik na naman ang pagiging OC niya kaya naging palaban ngayon. Lilipas din naman ang kakaibang mood swings ng magaling na actress-singer at matatahimik na ito sa piling ng BF niyang magaling na aktor.

For sure, lalo siyang sisikat, nega nga lang…

FEMALE CELEBRITY, NAKATUNOG NA SASABOG NA ANG MALAKING ISKANDALO NIYA, INUNAHAN NA KAYA NANANAKOT

ni Erlinda Rapadas - @Teka Nga! | August 7, 2020

BLIND ITEM:

Reverse psychology daw ang ginamit ng isang female celebrity nang biglang lumitaw ang isang maiskandalong isyu sa kanya na pinagpipistahan ngayon ng maraming sektor sa lipunan.

Todo-tanggol naman ang mga tagahanga ni female celebrity dahil wholesome ang image ng kanilang idolo at hindi kailanman gagawa ng mga bagay na ikasisira ng kanyang reputasyon.

Sadyang may ilang kampo lang na gustong ibagsak ang female celebrity at dungisan ang kanyang pangalan. Sumusumpa ang female celebrity na ni sa panaginip ay hindi niya kayang gawin ang ibinibintang sa kanya.

Pero, may mga nagsasabi na may hawak silang matibay na ebidensiya na tiyak na ikatatahimik ng female celebrity kapag kanilang inilabas. Mas matindi pa raw ito sa unang iskandalo ng female celebrity.

Maaaring natunugan na ito ng female celebrity kaya kumilos na ito at gumawa ng diskarte upang takutin ang mga nagbabantang may mas malaking pasabog silang ilalabas.

Ang tanong, matakot naman kaya ang mga taong may alam sa itinatagong sikreto ng female celebrity? Tiyak na siya ang talo kapag kumalat na ang mas malaking pasabog na iskandalo!

Abangan!