Sana lang kayanin ng powers niya…

MAGALING NA AKTOR, MAY TOPAK ANG EX-MISIS, BAGONG GF NA AKTRES, MAY SUMPONG AT SARILING MUNDO RIN

ni Erlinda Rapadas - @Teka Nga! | October 3, 2020

BLIND ITEM:

Kung minalas ang magaling na aktor sa babaeng pinili niyang pakasalan na nauwi rin sa paghihiwalay, marami ang nag-aabang kung liligaya na ba siya sa bago niyang karelasyon ngayon.

Parehong artista ang naugnay sa magaling na aktor. Ang kanyang pinakasalan ay grabe ang topak at may mood swings. Minsan, para itong tupa na ang bait-bait, pero kapag sinumpong naman ay daig pa ang dragon at tigre sa tapang!

Labis na ipinagtataka ng partidos ng magaling na aktor kung ano ang nakita niyang katangian sa kanyang pinakasalan. Kilala na kasi sa showbiz ang aktres na pasaway, matigas ang ulo at may pagka-war freak. Pero dahil mahal nga ng aktor ang sumpunging aktres, natiis niyang pakisamahan ito, hanggang sa naubos na ang pasensiya niya kaya nakipaghiwalay na sa aktres.

Lately, lumutang ang balitang na-in love na naman nang seryoso ang aktor sa isang aktres na may kakaiba ring ugali at sumpong. Ayon sa ilang kaibigan ng aktres na kilala ang kanyang ugali, may panahon daw na may sariling mundo ito at ayaw makipag-usap kahit sa mga taong mahal niya.

Mabait naman at tahimik ang aktres, pero mahirap basahin kung ano ang iniisip at kung ano ang gustong gawin. Minsan, bigla na lang daw itong nagdi-disappearing act at walang nakakaalam kung saan siya nagpupunta.

Kaya naman ngayon pa lang ay nagpupustahan na ang mga kaibigan ng magaling na aktor kung tatagal siya sa aktres na bago niyang karelasyon.

Byuti o hitsurang yaya man, pinapatos…

TISOY NA AKTOR, GINAMIT ANG KAGUWAPUHAN PARA MAGKA-GF NG MADATUNG, INUUTANGAN LANG, INIIWAN DIN

ni Erlinda Rapadas - @Teka Nga! | September 30, 2020

BLIND ITEM:

Noong kanyang kabataan at sobrang kasikatan ay mala-Adonis ang kaguwapuhan ng tisoy na aktor. Napakaraming babae ang naghahabol sa kanya noon. Mga sikat na artista ang kanyang nakarelasyon.

Ginamit niyang puhunan ang kanyang pagiging pogi at karisma para makakuha ng mga mayayamang babae na nababaliw sa kanya.

May ilang female stars na nagpabola at nag-ilusyon na true love sila ng guwapong aktor. Todo-regalo ang mga ito ng mga mamahaling gamit.

May drama pa ang poging aktor na may malaki siyang problema at kailangan niya ng malaking pera. Utang ang drama ng aktor sa mga babaeng hinihingan niya ng tulong, pero ang ending ay hindi na niya ito binabayaran at basta na lang naglalaho-nawawala sa buhay ng mga babaeng kanyang inutangan.

At kahit na hindi naman maganda ang babae, basta alam niyang maraming datung at madaling mabola, pinapatulan ng poging aktor.

Ngayon na medyo nagkakaedad na ang bolerong aktor, ganu'n pa rin ang kanyang modus operandi para kumita. Kahit na mga matronang mayayaman ay pinapatulan niya.

Parang ang buhay niya ay sumesentro na lang sa salapi at pagpapayaman. Sobra siyang kuripot kahit marami na siyang naisubi. At talagang sinusulit niya ang panahon na guwapo pa siya at may mga babae pang nabobola.

Korek, siyang-siya nga 'yan…

SIKAT NA SINGER-ACTRESS, SOBRANG BANIDOSA, BULTUHAN ANG DALANG

MALETA 'PAG MAY SHOW SA DAMI NG MAKE-UP

ni Erlinda Rapadas - @Teka Nga! | September 24, 2020

BLIND ITEM:

Sobrang banidosa ang sikat na singer-actress lalo na ngayong nagkakaedad na siya at bakas na ang mga linya sa kanyang mukha.

Malaking problema sa kanyang mga kasama kapag may show o concert ang singer-actress abroad. Mistula kasing lipat-bahay kung magbitbit siya ng gamit. Hindi naman mga damit at sapatos ang marami sa kanyang dala-dala kundi sandamakmak na make-up!

Hindi siya puwedeng bumiyahe nang hindi dala-dala ang lahat ng kanyang make-up kit. Kaya naman matinding dusa ang inaabot ng kanyang PA na taga-bitbit ng kanyang male-maletang make-up!

Kung tutuusin, maganda naman ang singer-actress kahit medyo nagkakaedad na. Kahit simpleng face powder at lipstick ay puwede na kapag siya ay nagso-show. Pero, kakaiba nga ang obsession niya sa make-up na hindi naman niya nagagamit nang sabay-sabay! Mabuti na lang at wala nang masyadong shows abroad ang singer-actress kaya hindi na nahihirapan ang kanyang alalay sa pagbibitbit ng mga maleta ng kanyang make-up.

Wala na rin siyang regular show sa dati niyang network na naipasara na! Siguro naman, hindi na rin siya gaanong nagme-make-up 'pag nasa bahay lang!