Ganu'n nga poh siya…

AMBISYOSONG AKTOR, 'DI NAMAN RICH PERO NAKABILI NG MANSIYON SA SUPER EXCLUSIVE SUBDIVISION, KALAT NA MAY 'SPONSOR'

ni Erlinda Rapadas - @Teka Nga! | October 21, 2020

BLIND ITEM:

Teen-ager pa lang noon at nagsisimulang gumawa ng pangalan sa showbiz ay may pagka-liberated na ang young actress at hindi basta-basta napapasunod ng kanyang ina. Pero mabait at marespeto naman ito at humble rin, hindi maangas ang porma kahit super rich ang pamilya.

At dahil may talent at may hitsura ang young actress, madali siyang sumikat. Nabigyan siya ng break sa isang malaking network at magaganda ang mga projects na ibinigay sa kanya.

Malakas ang sex appeal ng young actress kaya maraming manliligaw. May mga young actors na sumubok na siya ay ligawan pero ang greatest love niya ay isang young politician-businessman na nagkaroon ng kaso sa ibang bansa kaya hindi sila nagkikita-nagkakausap.

Dahil sobrang in love, lihim na bumibiyahe noon abroad ang young actress para dalawin ang BF. Hindi na siya nagpapaalam sa kanyang mommy at maging sa kanyang manager. Basta bigla na lang siyang nawawala sa 'Pinas.

Nang makabalik na sa bansa ang BF ni young actress, nagtaka ang kanyang mga kaibigan kung bakit nakipaghiwalay na siya sa kinabaliwang young politician.

Mabilis namang naka-move on ang young actress. Hindi nahalata ng lahat na brokenhearted siya.

Sanay na mamuhay mag-isa sa condo ang young actress. Dumadalaw-dalaw na lang siya sa kanyang mommy. Malaki ang tiwala ng kanyang ina sa young actress dahil hindi naman ito nagbibisyo at hindi bumabarkada sa mga taong bad influence. Kaya niyang buhayin ang sarili at nakakapagdesisyon on her own. Hindi rin mapakialaman ng kanyang ina ang young actress pagdating sa love life.

Sa ngayon, isang foreigner ang bagong BF ng young actress. 'Pag wala siyang work o project, pumupunta siya sa kanyang BF para magkita at magkasama sila. But it seems wala pa sa agenda ni young actress ang pag-aasawa. May career pa siya at hindi pa sawa sa buhay-dalaga!

Go lang nang go, man!...

AMBISYOSONG AKTOR, 'DI NAMAN RICH PERO NAKABILI NG MANSIYON SA SUPER EXCLUSIVE SUBDIVISION, KALAT NA MAY 'SPONSOR'

ni Erlinda Rapadas - @Teka Nga! | October 18, 2020

BLIND ITEM:

Ambisyoso ang isang dating patpating young actor dahil talagang nagsikap at ginawa ang lahat upang makilala at makaahon sa kahirapan.

Dati lang siyang crew sa isang fastfood chain pero na-discover ng isang sikat na talent manager, ipinakilala sa mga movie producers at nabigyan ng break.

Dahil may hitsura ang young actor, sa tulong ng kanyang maimpluwensiyang manager ay sumikat siya nang husto at nagbida sa ilang pelikula. Naitambal siya sa mga sikat na female stars at nakuhang endorser ng iba't ibang produkto.

Nakilala niya ang isang maganda at mayamang commercial model, niligawan at pinakasalan.

Ang dami-daming pangarap sa buhay ng hunk actor. Gusto niyang magkaroon ng mga mamahaling kotse, damit atbp. gamit. Pangarap din niyang tanghalin bilang isang natatanging athlete kaya lahat ng national competition ay kanyang sinasalihan.

Nag-ambisyon din siyang maging pulitiko, kaya kahit ilang beses na siyang talunan sa pagsabak sa pulitika ay hindi siya sumuko. Sumubok ulit siyang kumandidato sa tulong ng partidos ng kanyang mayamang asawa, hanggang sa sinuwerte na siyang makapuwesto sa isang probinsiya sa Visayas.

Biglang nabuhayan ng kumpiyansa ang hunk actor at nagpakitang-gilas. Proud na proud siya sa kanyang achievement.

Pero hindi pa ru'n natatapos ang ambisyon ng hunk actor. Gusto rin niyang magkaroon ng mansion sa isang super exclusive subdivision na para lang sa mga rich and famous. Kahit may malaking bahay na rin siya sa isang sosyal na village, pangarap pa rin niya ang makatira sa lugar ng mga sikat at lehitimong mayayamang pamilya sa 'Pinas!

At talagang walang ginusto ang hunk actor na hindi niya nakukuha! Kaya, takang-taka ang kanyang mga kaibigan at co-actors kung saan siya kumuha ng ipinambili sa bago niyang bahay ganu'ng hindi naman malaki ang kanyang suweldo sa kanyang posisyon ngayon. May sponsor daw kaya ang hunk actor?

At aamin ba naman siya?

Wa' na kiyeme, agad-agad kaya mapapakrus ka na lang…

SINGER-ACTRESS AT GUWAPONG DRAMATIC ACTOR, NAGKASAMA LANG SA EVENT, NAG-ONE-NIGHT STAND NA

ni Beth Gelena - @Sheet Matters | October 14, 2020

BLIND ITEM:

Isang singer ang naka-one-night stand ng sikat na dramatic actor (DA). Ayon sa kuwento ng nakakakilala sa kanya, nasa isang event daw pareho ang singer at dramatic actor.

Nu'ng magpapaalam na raw ang singer na actress din ay binulungan daw siya ni DA na 'wag munang umalis.

Nagpapigil naman si sexy singer. After ng event ay doon na may nangyari sa dalawang sikat na celebrities.

Kaya naman pala, type rin ni singer-actress ang nasabing guwapong DA. Ang ugali raw kasi ng singer na ito, kapag type ang lalaki ay siya ang nagtatrabaho.

Hmmm… how's disgusting naman. Sa ngayon, si DA ay may sarili nang pamilya. Si singer naman ay may dalawa na ring anak.