Mukha lang super-mega bongga… BILYONARYONG AKTRES, PRESS RELEASE LANG ANG PAGIGING GENEROUS, BUKING

NG NAOSPITAL NA BFF.

ni Erlinda Rapadas - @Teka Nga! | August 14, 2021

Blind item:

Marami ang nagsasabing napaka-generous daw ng sikat na aktres-singer dahil bonggang-bongga kung siya ay magregalo sa kanyang mga kaibigan at sa mga taong mahal niya.

May mga charitable institutions din daw itong tinutulungan at may mga scholars na pinag-aaral.

Dati nang mayaman ang sikat na aktres bago pa pumasok sa showbiz. At nang mag-artista na ito ay hindi lang triple ang nadagdag sa kanyang kayamanan.

Maraming negosyo at real estate investments ang sikat na aktres, kaya kahit hindi na siya mag-artista ay hindi mauubos ang kanyang milyones. In fact, bilyonaryo na siya kung assets lang niya ang pagbabatayan.

Kaya naman, kapag may mga taong nagkakasakit o kailangan ng financial assistance, ang sikat at rich na aktres ang naaalalang lapitan ng mga humihingi ng tulong. Sigurado raw na hindi tatanggihan ng aktres na tulungan.

Pero sad to say, fake news lang pala ang balitang napaka-generous at matulungin ng sikat at rich na aktres. Nang magkasakit at maospital kasi ang taong matagal niyang naging kaibigan at nakasama sa trabaho, akala ng marami ay sasagutin ng aktres ang hospital bill ng kanyang BFF. Pero, hindi 'yun ang nangyari.

Nagbigay lang ng certain amount ang sikat at rich na actress. Katwiran niya ay marami raw siyang commitments na dapat bayaran. May malaki siyang project na pinagkakagastusan.

Kaya naman, naghanap pa rin ang pamilya ng naospital na kaibigan ng ibang mahihingan ng tulong.

Maraming netizens ang dismayado sa sikat at rich na aktres. May limit pala siya sa kanyang ibibigay na tulong sa mga kaibigan. Umaapaw na ang yaman niya pero hindi pa siya nakukuntento sa buhay. Ayaw pa niyang mag-share sa mga taong kapuspalad.

Kaya naman pala kahit literal na siyang nahihiga sa salapi, hindi pa rin siya lubos na masaya sa kanyang buhay. Lagi pa rin niyang idinadaing ang kanyang mga problema.

Taping, itinuloy kahit wala pang resulta ng swab test, nahawa…

TV HOST-ACTRESS AT BAGUHANG AKTOR, COVID POSITIVE, NAKA-QUARANTINE

ni Reggee Bonoan - @Sheet Matters | March 15, 2021

BLIND ITEM:

Nagulat kami sa tsikang TV host-actress at kasamang baguhang aktor ang kasalukuyang naka-quarantine dahil nagpositibo sa Covid-19. Paano nangyari?

Ang balita ay dumaan naman lahat sa swab test pero hindi hinintay ang resulta at itinuloy ang taping na isa pala sa mga na-swab ay nagpositibo.

Kaya, kuwentuhan daw ito sa buong production at bakit hinayaang mag-taping nang wala pang resulta?

Oo nga? Knowing na napakahigpit ng production ng network na ito, paano lumusot at ano ang gagawin ng management sa mga artistang lumabag sa health protocol?

Gaya-gaya kasi, sumunod sa BFF na nag-ober da bakod…

SIKAT NA SINGER, INAPI ANG INA NU'NG BUHAY PA, NAKARMA, WA' NA CAREER, LILIPAD NA PA-TATE

ni Erlinda Rapadas - @Teka Nga! | March 14, 2021

Blind item:

Depressed na depressed ngayon ang isang singer dahil nawalan na siya ng career simula nang mag-lockdown.

Kung dati-rati ay kumikita siya nang malaki sa kanyang mga shows at TV guestings, biglang nagbago ang lahat nang magkaroon ng pandemya sanhi ng COVID-19. At nataon pa na nagkasakit at naospital ang kanyang mister.

Naranasan din ng singer na siya ang gumawa ng lahat ng gawaing-bahay dahil nawalan siya ng mga kasambahay.

Dahil sa hindi nakayanang hirap at kakapusang pinansiyal, nagdesisyon ang singer at ang kanyang mister na bumalik na lang sa Amerika upang doon maghanap ng trabaho. Naibenta nila ang isa nilang property upang may magamit silang pamasahe, pang-upa ng bahay at panggastos habang hindi pa sila nakakahanap ng trabaho.

May ilang kaibigan din ang nagbigay ng tulong lalo na noong nasa ospital ang mister ng singer.

Lungkot na lungkot ngayon ang singer at hindi niya inakala na daranas sila ng matinding hirap at pagsubok.

May mga naging reaction naman ang mga kakilala at dating kaibigan ng nanay ng singer. Noon daw kasing nabubuhay pa ang kanyang inang komedyana, hindi naging maganda ang trato rito ng singer. Wala raw itong respeto sa kanyang inang nagpalaki at nag-alaga sa kanya, lalo na nang sumikat na rin siya. Kaya raw ngayon ay binabalikan na siya ng karma.

Bukod dito, wala rin siyang utang na loob sa network na unang nagtiwala at nagbigay sa kanya ng magagandang shows at exposure. Nang lumipat kasi ng network ang kanyang BFF na sikat na singer ay sumunod din siya at nilayasan ang network na unang nagbigay sa kanya ng break.

Feeling niya kasi ay makaka-level na rin siya ng mga sikat na singers sa nilipatang network. Pero, nagkaproblema ang network at tuluyang naipasara. Kaya, nganga na rin ang career niya ngayon.

Kaaawaan ba siya ng mga kaibigan ng kanyang ina na inapi niya noon? Siguro, ngayon mari- realize ng singer na totoong walang forever. May katapusan ang lahat ng bagay. Hindi na maibabalik pa ang dating ningning ng kanyang pangalan.