GUWAPONG AKTOR AT ANAK NA SINGER, PAREHONG BADING, TINUHOG NG TISOY NA AKTOR-SINGER

ni Janiz Navida - @Showbiz Special | September 28, 2022

BLIND ITEM:

Shocked galore talaga kami sa chika ng reporter friend na nakausap namin kahapon sa isang presscon na aming pinuntahan.

Naikuwento niya kasi sa amin na hindi lang ang guwapong aktor na ayaw umaming member ng LGBTQIA+ ang gay kundi pati ang anak nitong singer.

Umamin daw si dyunakis na gay siya hindi sa guwapong aktor kundi sa isang kaibigan ng daddy niya.

Ang siste pa at muntik magpa-tumbling sa amin ay ang sinabi ng reporter friend namin na pagkatapos maging 'papa' o jowa ng guwapong aktor ang isang tisoy na aktor-singer, sinalo naman ito ng kanyang anak na singer din.

Luhhh! In short, tinuhog ni tisoy na aktor-singer ang mag-amang vaklush!

Grabe naman ang tinik at karisma ng tisoy na aktor-singer na ito na minsan ding na-link sa isang aktor-businessman, ha?

At ang mag-ama, ito kaya ang motto nila: "Minsan lang tayo mabubuhay" kaya gora na lang nang gora?

'Kalokah!

HUNK ACTOR, PURO PA-CUTE LANG, BATUGAN NAMAN, INAAYAWAN NG MGA BFF NG GF NA AKTRES

ni Erlinda Rapadas - @Teka Nga! | September 7, 2022

Blind item:

Kilalang-kilala na sa apat na sulok ng showbiz ang kartada ng isang hunk actor na may playboy image at papalit-palit ng karelasyon.

Ilang female stars na ang nabiktima ng kanyang pekeng pagmamahal. Mahusay siyang magpa-cute sa kababaihan kaya marami siyang napapaibig. Isa na rito ang maganda at sikat na aktres na paboritong leading lady ng mga sikat na aktor.

Tutol na tutol ang pamilya ng sikat na aktres sa hunk actor. Nakikita kasi nilang maghapon lang na natutulog-nakahiga ang hunk actor kapag wala siyang project.

Kain-tulog lang ang kanyang ginagawa. Ni hindi ito kinakitaan ng pagsisikap sa buhay.

Guwapo lang siya, pero walang ambisyon. Kaya ganu'n na lang ang pasasalamat ng pamilya ng sikat na aktres nang makipag-break ito sa batugang hunk actor.

Ngayon ay isang baguhang aktres ang sinasabing bagong karelasyon ng hunk actor.

Pero, tiyak na mahihirapan siyang lumusot at makaporma sa pamilya ng girl.

Ang nanay ng baguhang aktres ay kilalang palaban. Hindi ito basta papayag na lokohin at gagamitin-paaasahin lang ng hunk actor ang kanyang pretty daughter.

At maging ang padir ng baguhang aktres ay astig at maraming koneksiyon. Maging ang mga kaibigan ng baguhang aktres ay kontra sa hunk actor dahil bistado na nila ang diskarte nito.

TV CELEB, TODO-TAWAD SA UUPAHANG PUWESTO NG NEGOSYO, BINARA NG MAY-ARI, NABULAGA

ni Reggee Bonoan @Sheet Matters | August 23, 2022

BLIND ITEM:

Sobrang given ang clue ng blind item ni Romel Chika sa programang Cristy Ferminute na napakinggan namin sa Radyo5 92.3 NewsFM kahapon kasama ang executive producer ng show na si Von Belinario habang nakabakasyon pa si Nanay Cristy Fermin.

Tungkol ito sa kilalang TV personality na isinara ang malaking negosyo dahil apektado sa panahon ng pandemya at ngayong bumabalik na sa normal ang lahat ay naisipan niyang muling buksan ang isinarang business.

Pero hindi na ito pupuwede sa dating puwesto dahil may iba nang nakatayo roon kaya naghanap ang TV personality ng iba at nakakita siya sa isang lugar na sobrang ganda at talagang madadaanan ng lahat bukod pa sa prime lot ito sa Quezon City.

Habang kausap ng TV personality ang nangangasiwa ng lugar ay umiikot na ang tingin niya sa kabuuan ng puwesto at naisip na niya kung saan ilalagay ang mga bagay-bagay na para sa pagbabalik ng kanyang negosyo.

Nang sabihin na ng nangangasiwa kung magkano ang upa ay naloka ang TV personality dahil sobrang mahal daw considering na matagal na itong bakante.

Nasambit ng TV personality sa nangangasiwa na sana raw ay babaan dahil wala namang uupa sa mataas na presyo at matetengga lang ito.

Masunurin naman ang nangangasiwa kaya tinawagan ang may-ari ng lugar na kilalang-kilala sa buong industriya dahil ‘Mother’ siya ng lahat.

At ang sagot ni ‘Mother’ ay “Hindi ko kailangan ang pera niya, okay lang na walang umupa.”

Hayun, natigalgal ang TV personality sa sagot sa kanya.

Humingi ng additional clue si Von kay Romel na lukang-luka na kasi nadulas siya sa clue kung sino ang may-ari ng lugar kaya sabi na lang niya sa co-host niya, hindi na siya magbabanggit pa.

Naaliw din kami kay Von dahil lahat ng clue na sinabi niya ay naglalarawan sa TV personality na nakikita araw-araw sa isang programa at may nabanggit siyang something na malaki ang significance sa mukha ng personalidad na ginagamit niya ring joke.

Panay na lang ang tango ni Romel at hindi na makapagsalita pa.

Tawang-tawa kami kay Romel dahil ang alam namin ay regular siya sa negosyo ng TV personality, paano kaya 'pag nalamang laman ito ng blind item?

Getz mo na, Ateng Janiz, kung sino? Baka tanungin mo na naman ako, ha? (Yes! Nabulaga ka rin ba sa mga ganap? Char! — JDN)