2 BYUTING AKTRES, PATALBUGAN NA SA KOTSE, ALAHAS, ETC., NAG-AGAWAN DIN SA POGING AKTOR

ni Erlinda Rapadas - @Teka Nga! | May 30, 2023

Blind item:

Hanggang ngayon, hindi pa rin makalimutan ng maraming entertainment press ang rivalry ng dalawang sikat at magandang aktres na parehong naugnay sa isang guwapong action star. Nauna sa buhay ng aktor si Aktres A na mabait, napaka-sweet and generous kaya marami siyang kakamping entertainment press. Pang-masa talaga siya at very approachable pa.

Si Aktres B naman ay maganda at sosyalin ang porma, pero may pagka-supladita kaya malayo ang loob sa kanya ng ilang entertainment people.

Pinagsasabong ng media ang dalawa dahil parehong sikat at sunud-sunod pa ang kanilang mga pelikula. Marami ang natutuwa sa dalawang aktres dahil naging magkaribal sila sa maraming bagay.

Nang tumira sa isang sosyal na condo si Aktres B, kumuha rin ng condo si Aktres A sa tabi nito.

Nang bumili naman ng Mercedes-Benz si Aktres A, bumili rin ng kaparehong Mercedes-Benz si Aktres B.

At kapag nabalitaan ni Aktres A na namakyaw ng mga alahas si Aktres B sa kaibigan nilang alahera, todo-bili rin ito ng mga alahas at hindi siya nagpapatalo.

Sa tuwing nagpapatawag ng presscon sa kanyang mga media friends si Aktres A, tiyak na magpapatawag din ng presscon si Aktres B.

Alam din sa showbiz circle na type ni Aktres B ang guwapong mister ni Aktres A at nagawa pa nga niya itong agawin.

Well, tumagal naman ang pagsasama ni Aktres B at ng guwapong aktor habang si Aktres A ay na-in love sa isang super rich na veteran actor.

Parehong aktibo pa ngayon sa kani-kanyang showbiz career sina Aktres A at Aktres B. Wala nang rivalry sa pagitan nilang dalawa, pero hindi pa rin sila friends dahil sa kanilang nakaraang alitan.

FEMALE CELEB NA KABIT NG GUWAPONG AKTOR, NAGTAGO SA CABINET PARA 'DI MAHULI NI MISIS

ni Erlinda Rapadas - @Teka Nga! | May 29, 2023

Blind item:

Tiyak na ikagugulat ng mga accla (read: gays) sa showbiz kapag nalaman nila ang itinatagong dark secret ng respetadong female celebrity.

Wala sa image ng female celeb na makakagawa siya ng "milagro" at makikipagrelasyon sa isang guwapong aktor ganu'ng committed na siya at may papa na isang rich businessman.

Mala-Maria Clara kasi ang imahe ng naturang female celeb sa publiko kaya't inirerespeto siya ng lahat.

Naging patago at lihim na lihim ang relasyon nila ng guwapong aktor. Nang minsang nagkatampuhan ang aktor at ang kanyang misis, mabilis na sumalisi ang female celeb sa bahay ng aktor.

Ang siste, biglang dumating ang misis ng guwapong aktor kaya ganu'n na lamang ang taranta nito.

Inutusan niyang magtago sa isang cabinet ang female celeb.

Kahit na anong pagpupumilit pa ng kanyang misis na pumasok sa kanilang bahay ay hindi niya ito pinatuloy upang hindi mabisto kung sino ang babaeng itinatago niya.

Matagal na pinagtsismisan sa showbiz ang nasabing insidente at ang nagkalat pa nga ng kuwento ay ang mga taong malalapit sa guwapong aktor.

Anyway, aktibo pa rin naman sa showbiz ang respetadong female celeb. Pero, ang nakakatawa ay wala pa rin siyang kaalam-alam na kalat na kalat na ang kanyang milagrong ginawa sa bahay ng guwapong aktor.

SEXY ACTRESS, 'DI MA-TAKE NA LAOS NA, TODO-REGALO SA STAFF MAISAMA LANG SA SERYE

ni Erlinda Rapadas - @Teka Nga! | May 28, 2023

Blind item:

Hindi namin mapaniwalaan ang kuwento at bulong-bulungan tungkol sa isang may-edad nang dating sexy actress. Naging beauty queen din siya bago nag-artista. Rich ang kanyang mga nakarelasyong businessmen, pulitiko at military man.

Marami siyang nagawang pelikula noong kanyang kasikatan at jetsetter din siya at panay ang shopping abroad. Na-enjoy niya nang husto ang buhay-showbiz.

Pero, dumating ang era ng mga bagong artista. Nagsulputan ang mga mas bata at mas magagandang artista. Bihira na siyang kunin sa mga serye at pelikula kaya medyo na-insecure ang may-edad nang sexy actress kapag wala siyang TV show at hindi na napapanood ng kanyang mga amiga at mga fans.

Dahil dito, gumawa ng paraan ang sexy actress para muli siyang mapansin ng mga televiewers.

Kinaibigan niya ang mga production staff ng serye lalo na ang in-charge sa casting ng show. Kung anu-anong regalo ang ibinibigay ng sexy actress sa staff ng show maisama lang siya sa serye. Hindi problema sa kanya ang talent fee dahil rich naman siya.

Ganunpaman, hindi umubra ang style at diskarte ng dating sexy actress. Inaayawan din siyang isama sa cast dahil may attitude raw ito. Maraming artista ang ayaw siyang makatrabaho.

Kung tutuusin, marunong namang umarte ang dating sexy actress. Okey sa kanya kahit na kontrabida ang ibigay sa kanya. Maganda pa rin siya at may korte pa ang katawan.

Ang kakaibang ugali at attitude lang niya ang dahilan kaya wala siyang projects ngayon.