Anak, binitbit pauwi ng 'Pinas… RUFA MAE, NAGSALITA NA SA HIWALAYAN DAW NILA NG MISTER

ni Beth Gelena @Bulgary | Nov. 27, 2024

Photo: Rufa Mae Quinto - Instagram

Matagal na ring nakabalik sa 'Pinas si Rufa Mae Quinto. Ang usap-usapan, kaya umuwi na sa bansa ang comedienne-actress ay dahil hiwalay na raw ito sa asawang si Trevor Magallanes.

First time na humarap muli si Rufa Mae sa mga press people kamakailan para i-launch ang produktong DeoFlex na pag-aari ni Ms. Shea Tan, CEO at chemist na gumagawa ng produkto.

Ayon kay Ms. Shea, una niyang ginamit ang gawang produkto sa sarili para gawing trial and error, at if ever na palpak ay ang katawan niya ang unang maaapektuhan.

Nang umepek kay Ms. Shea ay ipinakilala na niya sa publiko ang gawang produkto. By word of mouth ay nakilala ang DeoFlex hanggang sa lumago na ito.

Gusto ng CEO na lalong lumawak ang kanyang produkto kaya kumuha siya ng celebrity endorser. Si Rufa ang naisip niyang maging unang ambassadress dahil sa trademark nitong “Go, go, go!”

Swak umano ang "go, go, go" word ni Rufa Mae sa DeoFlex kasabay na ang “Todo Na ‘To!”

Sa launching ng product ay pinutakti ng tanong ang comedienne-actress tungkol sa kanila ni Trevor. Isiniwalat ni Rufa Mae na walang katotohanang sila ay hiwalay na.

Paliwanag niya, kaya raw siya bumalik ng bansa kasama ang anak nilang babae dahil matagal na rin siyang hindi nakakauwi.

Umalis si Rufa Mae ng 'Pinas noong time na wala pang pandemic. Doon sila inabot ng anak ng pandemya, kaya matagal silang na-stuck doon.

Sa America nagwo-work ang mister ni Rufa Mae na isang Fil-American.

---

SA Baguio nag-weekend ang family nina Solenn Heussaff at Anne Curtis. Masayang nag-family camping ang mga ito roon. 

Ibinahagi ni Solenn sa kanyang Instagram (IG) ang mga larawang kuha sa kanilang bonding moment sa Baguio.

Kasama ng Kapuso artist ang husband na si Nico Bolzico and their daughters Thylane and Maëlys, as well as Anne, her husband Erwan Heussaff, and their daughter Dahlia.

“Our country [is] showing off,” ani Solenn sa caption. 

“Loved our little weekend in Baguio,” dagdag pa niya.

---

ISANG netizen ang nagkomento sa Zumba video ni Ai Ai Delas Alas.

Ayon sa netizen, dapat mag-focus na si Ai Ai sa self-care at spiritual walk dahil sa kanyang edad.

Sinagot naman ng komedyanang aktres ang komento nang mahinahon at may patutsadang kailangan niya ng suporta.

Ipinagtanggol naman siya ng kanyang mga supporters at sinabihan ang netizen na

huwag na itong makialam sa buhay ng aktres. 

Ang komento ng netizen ay tila may halong panghuhusga sa personal na buhay ng Kapuso actress.

Sey kasi nito, “Then, hanap na naman ng ibang lalaki. Naku, sana nadala ka na sa edad mo ngayon, dapat self-care, family care, and most of all, your spiritual walk ang i-prioritize mo, life is fleeting.” 

Sagot ni Ai Ai, “Kung wala kang magandang sasabihin, might as well not support na lang... this is not easy.”

Sa kabila ng natatanggap niyang mga negatibong komento ay hindi na nagpapaapekto ang aktres. Para sa kanya, tuloy lang ang buhay.

GF, na-hurt daw kasi sa kumalat… SAM, IDINEMANDA ANG NAGSULAT NA NANDAYA RAW SILA NI RHIAN SA NYC MARATHON

ni Beth Gelena @Bulgary | Nov. 26, 2024

Photo: Sam Verzosa at Rhian Ramos - IG @whianwamos

Nagdemanda umano ang boyfriend ni Rhian Ramos na si Sam Verzosa dahil sa alegasyong nandaya umano sila sa NYC (New York City) Marathon kamakailan.

Sa column ni Atty. Estrella “Star” Elamparo sa isang broadsheet nu'ng November 11, naisulat nito na: “Ramos and Verzosa showed no entries for the 18.6, 20, and 21.7 miles of the race,” na ang ibig sabihin ay they did not pass through the mile markers.

Sinagot naman ni Rhian sa isang interbyu ang paratang sa kanila.

Ani Rhian, “I was insulted, na parang how can you jump to such a conclusion. But some people, gawain ‘yun.”

Samantala, sa kanyang follow-up column, nilinaw ni Atty. Elamparo na hindi niya inakusahan sina Ramos at Verzosa ng cheating. 

Pahayag niya, “Finally, in my last sentence I said: This column will be open to any response from Mr. Verzosa and Ms. Ramos. Verily, I did not state as a matter of fact that the couple had cheated but only raised the possibility based on publicly available information.”

Hindi na nag-decide ang aktres na gumawa ng legal action, pero ang boyfriend na si Sam, thought otherwise. 

“Maraming nasaktan. Kung ako lang, okey lang. Pero ang mahal ko sa buhay— idinamay n’ya si Rhian. Kailangan kong ipagtanggol. Ayaw n’ya na lang pansinin, pero nasaktan si Rhian,” ani Verzosa sa interview after filing a cyber libel case. 

---

Lahat daw ng pinagpaguran niya…

BARON, UMAMING WINALDAS ANG PERA SA SUGAL, ALAK AT DROGA

Baron Geisler - Instagram

Matagumpay na nairaos ng Philippine Movie Press Club (PMPC) ang 39th Star Awards for Movies.

Dumating ang mga major winners na sina Baron Geisler (Best Actor), Nadine Lustre (Best Actress), Mon Confiado (Best Supporting Actor) at Dimples Romana (Best Supporting Actress).

Late nang nakarating si Dimples, but at least, nakahabol pa rin. Valid naman ang rason ng aktres. Kaya naman nang tinawag ang kanyang name ay si Mon muna ang tumanggap ng kanyang trophy.

Samantala, si Nadine na sa pag-aakala ng audience na hindi makakarating dahil busy sa filmfest entry nila nina Vilma Santos at Aga Muhlach ay naroroon din at tuwang-tuwa na tinanggap ang tropeo niya para sa pelikulang Deleter. 

Sa kanyang acceptance speech ay pinasalamatan niya ang kanyang mga co-nominees, higit sa lahat ang boyfriend niyang si Christophe Bariou na kasama niya that night. Buong-ningning at very proud na ipinakilala ng award-winning actress si Bariou na nasa audience. 

First time yata itong ginawa ng aktres, ang i-introduce ang boyfriend sa entertainment industry. And we are very lucky na sa PMPC niya ito ginawa.

Very touching naman ang mensaheng ibinigay ni Baron. Marami siyang sinabi hinggil sa pinagdaanan niyang mga pagsubok sa buhay, tulad ng pagwawaldas ng perang kanyang pinagpaguran noon na napunta lang sa sugal, alak at sa bisyo niyang droga. 

Pero, very grateful daw siya dahil marami pa ring mga taong tumutulong sa kanya despite his attitude noon. Very thankful siya dahil mahal daw siya ng nasa Itaas at isinalba pa rin ang kanyang career. 

Pinasalamatan niya rin ang misis na si Jamie na walang sawang nakasuporta sa kanya.

“Ngayon po, napag-aaral ko na ang aking anak, nakapagtayo na rin ako ng sariling bahay. At lahat po ng blessings na dumarating sa ‘kin ay tine-treasure ko na pong lahat. Salamat po sa lahat ng mga taong tumulong sa ‘kin,” sabi ng Best Actor mula sa Doll House movie. 

Binigyan ng masigabong palakpakan si Baron sa kanyang acceptance speech.

Well, ilang beses namang nag-tie ang Family Matters (FM) at Mamasapano sa mga technical award categories.

Kudos sa mga hosts ng 39th PMPC Star Awards for Movies dahil mahuhusay ang tatlo na sina Ara Mina, Gladys Reyes at Joee Guilas.

Naka-P930 M na… HLA NINA KATHRYN AT ALDEN, ITINAOB NA ANG REWIND NINA MARIAN AT DINGDONG

ni Beth Gelena @Bulgary | Nov. 24, 2024

Photo: Hello, Love Again at Rewind - Banner, circulated

Naungusan na ng Hello, Love, Again (HLA) ang Rewind nina Marian Rivera at Dingdong Dantes bilang highest grossing Filipino film of all time. Ito ang naging announcement ng ABS-CBN Films. 

HLA has already earned over P930 million from theatrical sales worldwide. Rewind was previously the highest-grossing Filipino film when it earned a total of P924 million in its entire theatrical run.

Ang HLA ay sequel ng naunang movie nina Kathryn Bernardo at Alden Richards na Hello, Love, Goodbye (HLG) nu’ng 2019.

---

Isa ang award-winning actress na si Nadine Lustre sa cast ng pelikulang Uninvited with Vilma Santos and Aga Muhlach na produced ng Mentorque Productions at Project 8 Projects.

Ang Uninvited ay official entry para sa 50th Metro Manila Film Festival (MMFF) this December.

Bilang Nicole sa Uninvited, ibang-iba raw ito sa mga nagawa na niyang movies. 

Sey niya, “Nang sinabihan po nila ako to play the role of Nicole and then binabasa nila sa ‘kin ang script, ang sabi ko po agad ay ipadala na sa ‘kin.”

Sabagay, sa teaser na ipinakita ay ibang-iba nga ang karakter niya bilang si Nicole.

Maging ang word na lumalabas sa kanyang mouth ay punumpuno ng pagmumura, which is hindi naririnig sa kanya sa iba niyang ginawang pelikula.

Dagdag niya, “At saka sa casting namin, Ate Vi at Mr. Aga Muhlach, aarte pa ba ako?”

First time na nakatrabaho ni Nadine ang dalawang icons ng movie industry.

Samantala, marami pa rin ang may gustong gumawa ng teleserye ang aktres. Ang last TV series niyang ginawa ay nu’ng 2017 pa, ang Till I Met You (TIMY). 

Aniya, “You know, people always ask me this. I always say na it’s different working on a TV series just because you need more time –– lots of time –– and a lot more attention to TV series. Sometimes, it doesn’t really last, like for three months lang.” 

Pero, hindi naman daw siya nagsasalita nang tapos.

---

Ilang beses nang nakitang magkasama sa Siargao… DOMINIC AT SUE, MAGDYOWA NA RAW

Dominic Roque at Sue Ramirez - Instagram

Balitang magkarelasyon na sina Dominic Roque at Sue Ramirez, ayon sa source ni Ogie Diaz.

Sa Showbiz Update (SU) sa kanyang YouTube (YT) channel ay ibinahagi ng host ang tungkol sa DomSue na kamakailan ay muling namataang magkasama.

Ani Ogie, ayon sa kanyang source ay mag-on na ang dalawa na ilang beses na ring namataang magkasama sa Siargao.

Wala pa namang pag-amin mula sa dalawa, pero marami sa kanilang mga fans ang natuwa at sumuporta, lalo at pareho naman silang single.

Ilang buwan na rin namang hiwalay si Sue sa long-time niyang karelasyon na si Javi Benitez, gayundin si Dominic sa ex na si Bea Alonzo.

Hmmm... paniwalaan na lang natin na magdyowa na ang dalawa kapag pareho na silang umamin.