Kaya raw nagustuhan ng ex mo, Sarah… RICHARD: BARBIE, TOTOONG TAO!

ni Beth Gelena @Bulgary | Jan. 20, 2025

Photo: Barbie at Richard Gutierrez - Instagram

Trending sa social media ang video nina Richard Gutierrez at Barbie Imperial habang magka-holding hands.

Hindi nagbigay ng eksaktong detalye ang Incognito star kung hanggang saan na ang relasyon nila ni Barbie.

Ang sinabi lang niya, “What you see is what you get.”

Kung matatandaan, last May, 2024, Barbie and Richard's official dating was confirmed by Ogie Diaz.

Despite sa kumakalat na rumors sa celebrity couple, nanatiling tahimik lang sila.

Sa nakaraang interbyu kay Richard, ibinahagi niya kung ano ang nagustuhan niya kay Barbie.

“Mabuting tao, maalaga. Nakikita mo na genuine ‘yung intentions n’ya, genuine ‘yung pagkatao n’ya,” ani Richard.

Ipinagtanggol din niya si Barbie na hindi ito third party and not the reason why he and actress Sarah Lahbati ended their marriage. 

Nag-meet umano sila ng aktres after the separation.

According to Richard, they met at a bar they both partnered with and that was where everything started.

---

Nagmamadali…

DANI, TODO-BUSINA SA PARKING, NAGTARAY PA

Dani Barretto - Instagram

Natsitsismis ang eldest sister ni Julia Barretto na si Dani Barretto na diumano’y nagtataray daw ito sa isang parking area.

Nag-react naman ito sa rumor na lumalabas.

Komento ng isang netizen, “Check reddit.” 

Agad namang sumagot si Dani, narinig na rin daw niya ang sitsit.

Aniya, “Yup, heard about it. Malinis kunsensiya ko. It’s so easy to start a rumor, sa bilis ba naman ng tao maniwala ngayon. But ano’ng magagawa ko, ‘di ba?

“Kahit naman sabihin ko hindi totoo, walang maniniwala. Because they choose to believe the negative.”

Ang Reddit user’s post sa alegasyong encounter with Dani ay hindi na makita. 

But according to another post on the platform, “Someone posted here about her encounter with Dani, the post is about her being mataray at panay busina sa parking area dahil nagmamadali s’ya, sabi pa ni OP [original poster], inirapan pa raw mommy n’ya.”

---

Sa panayam kay Rufa Mae Quinto sa Fast Talk with Boy Abunda, inamin ng sexy comedienne na tinanong siya ng kanilang anak ni Trevor Magallanes na si Athena, “When our family will be together?” 

Inamin ni Rufa Mae na may pinagdaraanan ang pagsasama nila ng kanyang asawa. Sinabi niyang marami siyang pinagkakaabalahan kaya nagkukulang siya ng oras para sa kanyang pamilya.

Nabanggit niyang naapektuhan ang kanilang anak na si Athena, na tinanong siya kung kailan magiging buo muli ang kanilang pamilya.  

Wala pa umanong naghahain ng divorce mula sa magkabilang panig, ngunit handa siyang igalang ang desisyon ng kanyang asawa kung nanaisin nitong maghiwalay na sila.  

“Hindi ako magpa-file. Kasi ang dami ko nang file sa kaso. Ang daming file,” aniya sa pabirong tono.  

Masakit din umano para kay Rufa na makita ang kanilang anak na naaapektuhan sa sitwasyon. 

Ikinuwento niyang minsan ay tinanong siya ng anak, “When our family will be together?” Hindi raw niya alam kung paano ito sasagutin.  

“Wala, eh, ang hirap sagutin, ‘di ba?” pahayag niya na may lungkot sa mukha.  

Sa kabila ng lahat, inamin ni Rufa na mahal pa rin niya si Trevor at nais niyang mapanatili ang kanilang pamilya. Hindi niya pipilitin ang asawa kung wala na itong nararamdaman sa kanya.  

Asar-talo sa mga IS hosts... PINK BIKE NI KIM, BIGAY DAW NI PAULO

ni Beth Gelena @Bulgary | Jan. 19, 2025

Photo: Kim Chiu - IG

Iniintriga ngayon ang pink bike ni Kim Chiu dahil ang hinala ng marami ay bigay iyon ng leading man at ka-love team na si Paulo Avelino.

Sa recent episode ng It’s Showtime (IS) ay binanggit kasi ni Darren Espanto na bumili raw ng bike si Kimmy.

“Saka bumili ‘yan ng bike, T’yang. Kasi gusto n’ya maging active,” pangangantiyaw ni Darren.

Pumiyok naman agad si Kim at sinabing, “Hoy, may bike na talaga ako… Ibinigay ‘yung bike, bigay ‘yun.”

At hayun na nga, kinantiyawan na si Chinita Princess ng kanyang mga co-hosts.

“Bigay niya?” ang hirit sa kanya na hindi man binanggit kung sino, obvious na si Paulo ang tinutukoy na “niya.”

Tawa lang nang tawa si Kimmy at sey na lang niya, “Hoy, tama na. Presscon?”

Kung sinusundan n’yo ang Instagram (IG) posts ng aktres ay makikita n’yong laging gamit ni Kim ang kanyang bagong pink bike. Una niya itong ginamit noong October, 2024 at pinasalamatan pa niya si Paulo sa caption na kasama rin niyang nagba-bike.

“First ride out with my pink bike!!! (pink heart emoji) Finally after so long of wanting a pink bike, here it is!!!! Yahooooo!!!!! Out with the old, in with the new!!! (wink emoji). Thanks coach @siraoulo best of luck sa race this weekend and coach @anton7reales for the great ride out. Cge na nga, thanks also coach @pauavelino,” ang caption ni Chinita Princess.

---

BUONG pagmamalaking iwinagayway ni Sparkle artist Skye Chua ang Philippine flag sa opening ng 2025 FISU Winter World University Games sa Italy.

Siya ang sole representative ng University of the Philippines (UP) at ng Pilipinas para sa nasabing competition. 

Bago ang 2025 FISU Winter World University Games, nakamit ni Skye ang third place sa SEA Open Figure Skating trophy noong nakaraang taon.

Ipinagmamalaki ni Skye ang pagkakataong magsilbing inspirasyon sa mga kabataang Pilipino at magrepresenta ng bansa sa global stage.

Ang 2025 FISU World University Games ay ang ika-32 edition ng kompetisyong ito, na inorganisa ng International University Sports Federation at ginaganap tuwing dalawang taon.

Dati itong tinatawag na ‘Universiade’, at isa ito sa mga pinakapinapanood at inaabangan na multi-sport competition para sa mga student-athletes.

---

MASAYANG-MASAYA si Coco Martin sa pagdiriwang ng ika-500 episodes ng FPJ’s Batang Quiapo (BQ) noong January 16. At bilang pasasalamat sa lahat ng tumatangkilik sa programa ay maraming sorpresa na inihanda ang aktor-direktor, kabilang na ang mga bigating cast na madaragdag at mga pasabog na eksena.

“Sabi ko talaga, pagpasok ng taon... ipinangako ko ‘to sa mga tao, sa mga viewers. Sabi ko, walang Pasko, walang Bagong Taon, sabi ko, dire-diretso ‘yan,” sey ni Coco sa panayam ng ABS-CBN.

Bagama’t hindi pa inaanunsiyo kung sinu-sino ang mga bigating cast na papasok, ani Coco ay dream cast ito at matagal na niyang nilu-look forward na makasama ang mga artistang ito.

Basta pangako ni Coco, tuluy-tuloy pa rin ang paghahatid ng BQ ng magagandang kuwento ngayong 2025, lalo pa nga’t magdadalawang taon na ang serye.

So malinaw, hindi totoo ang tsikang magtatapos na ang BQ na napapanood gabi-gabi ng 8 PM sa Kapamilya Channel, A2Z, TV5, iWantTFC, at Kapamilya Online Live.

Misis, kaya binubuwisit na lang… MISTER NI RUFA MAE, WA’ RAW PAMBAYAD SA DIVORCE

ni Beth Gelena @Bulgary | Jan. 19, 2025

Photo: Rufa Mae Quinto - Instagram

Nananatiling optimistic ang comedienne-actress na si Rufa Mae Quinto sa kabila ng kasong isinampa sa kanya na paglabag sa Sec. 8 ng Securities Regulation Code at sa hindi magandang relasyon nila ngayon ng estranged husband na si Trevor Magallanes.  

Kahit may pinagdaraanan, very lovable pa rin si Peachy (pen name niya).  

Komento ng mga netizens:  

“Sana magkabalikan kayo. These days, ang bilis sumuko ng mag-asawa. Marriage is 90% commitment. Meron at meron talagang bagyo na darating sa buhay n’yo pero it doesn’t mean na it’s forever.”

“True! Sana hindi sumuko agad.”  

May kontra rin naman:  

“‘Di kayo ata updated sa mga messages ng lalaki kay Peachy. The guy is an absolute narcissist, some women are better off alone than to stay with someone who abuses them most especially mentally and emotionally.” 

“Walang may gusto na mag-sacrifice sa kanila. Mas mabuti hiwalay na lang.” 

“Si Rufa Mae, kahit may pinagdaraanan, light pa rin. Mabait talaga s’yang tao.” 

“Walang nag-file ng divorce kasi walang pang-file si Trevor. Kaya ‘yun, binubuwisit na lang niya si Peachy para siya ang maunang mag-file at gumastos.”

“In short, puro dakdak lang pala asawa n’ya. Sabi ongoing na ang divorce, waley naman palang nag-file.”  

“Waley pang-file or impulsive ang lalaki. In short, may pitik. ‘Di nag-iisip sa mga sinasabi.”

“Inspired by Rufa Mae’s humility and kindness.”

---

Ibinahagi ni Neil Arce ang nakakaaliw na conversation nila ni Barbie Imperial matapos mapanood ang panayam ni Ogie Diaz kay Richard Gutierrez.  

Parehong napanood nina Neil at Barbie ang interbyu sa aktor ni Papa Ogs.  

Sa unang pagkakataon, sinagot ni Richard ang tungkol sa kanila ni Barbie at sa paghihiwalay nila ni Sarah Lahbati, ang kanyang estranged wife.  

Sa convo nina Neil at Barbie, nagbiro ang mister ni Angel Locsin, “Chardgel pa rin.”  

Ang tinutukoy ni Neil ay ang tambalan ng misis niyang si Angel at ni Richard (Chardgel) sa mga sikat na teleserye noon ng GMA-7.  

Sumang-ayon naman si Barbie at nagkomento na bagay na bagay talaga sina Angel at Richard.  

Dagdag pa niya, kitang-kita ang grabe nilang chemistry na nagbigay-buhay sa kanilang mga iconic roles noon.  

Matapos mapanood ang panayam kay Richard, nag-post si Neil na tila nagpabalik-tanaw sa mga fans sa tambalang Chardgel habang ipinapakita rin ang kanilang masayang bonding bilang magkakaibigan.  

---

VERY proud si John Estrada sa anak nila ni Janice de Belen na si Kaila Estrada sa natanggap nitong award sa Chicago.  

Si Kaila ang itinanghal na Best Supporting Actress dahil sa stellar performance nito sa TV series na Linlang.

Post ng aktor sa kanyang Instagram (IG) Stories, “Soooo proud of you, my baby.”

Kalakip ang screenshot kung saan makikitang si Kaila ay recognized and awarded as the Best Supporting Actress.

It was awarded during the 2024 TAG Awards Chicago, an annual event organized by the Fil-Am community based in Chicago.