GF, ine-enjoy lang, puro negosyo… CHRISTOPHE, TODO-DENY NA ENGAGED NA SILA NI NADINE

ni Beth Gelena @Bulgary | Nov. 16, 2024

Photo: IG - Nadine Lustre

Nilinaw ng couple na sina Christophe Bariou at Nadine Lustre ang tungkol sa engagement rumors sa kanila.

Ayon kay Christophe sa isang video clip, hindi sila engaged at hindi totoo ang mga rumors tungkol dito. 

Ibinahagi ni Nadine ang mensahe ni Christophe sa social media na nagdulot ng espekulasyon na hindi lang engaged, kundi sila ay kasal na.

Ilang taon na ring magkasintahan ang dalawa, kaya’t ang balita ng kanilang pagpapakasal ay ikinagalak ng marami. 

Kamakailan kasi ay may naging mensahe si Christophe para kay Nadine na “Can’t wait to discover and conquer the world with you,” na ni-reply-an naman ng aktres ng, “Man, oh man, you’re my best friend I scream it to the nothingness.”

Sa ngayon ay ine-enjoy nila ang kanilang relasyon lalo na ang itinatag nilang wine business. Nagbukas din sila ng vegan restaurant. At kamakailan lang ay ipinakilala rin nila ang kanilang plant-based milk brand. 

Ayon kay Christophe, ang pinakamahalaga sa kanilang relasyon ay ang kanilang malalim na pag-aalala sa mga isyung panlipunan, tulad ng katiwalian at ang mga hadlang sa progreso ng bansa. 

Ibinahagi naman ni Nadine ang excitement nila ni Christophe tungkol sa isang proyekto na tatlong taon nilang pinaghandaan.

---

May ibinahaging empowering messages si Jessy Mendiola sa kanyang social media account.

Una ay, “I deserve to be happy, healthy, and fulfilled.”

Second, “I am worthy of love, success, and prosperity.”

At ang pangatlo, “I am deserving of a life filled with joy and passion.”

Aniya, ang mga ibinigay niyang empowering messages ay hindi lang daw para sa kanyang sarili, kundi sa lahat ng mga kababaihan. Puwedeng-puwede raw itong i-apply sa sarili lalo na sa mga babaeng may asawa na. Dapat lang daw ay maging positive thinker nang sa ganu'n ay walang stress sa buhay at makuntento sa kung ano ang meron ka.

Ibang-iba na talaga ang pananaw ni Jessy Mendiola sa buhay magmula nu’ng magpakasal siya kay Luis Manzano at magkaroon sila ng anak na si Peanut.

Pati si Marjorie, todo-suporta sa manugang na hilaw… JULIA, PROUD NA AUXILIARY CAPTAIN NA NG PHIL. COAST GUARD SI GERALD

ni Beth Gelena @Bulgary | Nov. 15, 2024

Photo: Julia Barretto at Gerald Anderson - PCG

Very proud si Julia Barretto dahil na-promote ang boyfriend na si Gerald Anderson bilang auxiliary captain sa Philippine Coast Guard (PCG).

Sina Julia at Gerald ay very supportive sa isa’t isa sa kanilang endeavors, showbiz man ito o outside the entertainment industry.

Aside sa pagiging actor, si Gerald ay active rin sa kanyang duty bilang member ng PCG.

He was admired by many people because this title is not merely something that is attached to his name. 

Kamakailan lang ay tumanggap ang actor ng promotion mula sa Philippine Coast Guard Auxiliary (PCGA) bilang auxiliary captain.

Present si Julia kasama ang ama ni Gerald na si Gerald Randolph Anderson, Sr. sa oath-taking ceremony. 

Maging ang ina ng aktres na si Marjorie Barretto at ang COO for Broadcast of ABS-CBN na si Cory Vidanes ay naroroon din bilang suporta sa actor.

Ang oath-taking ceremony was presided over by Adm. Ronnie Gil Gavan, commandant of the PCG, at ni Sen. Robin Padilla.

Nakapanayam si Gerald after ng ceremony.

Aniya, “More than the rank, it’s just being here with amazing people. Na-recognize tayo ng idol natin sa ganitong sitwasyon and circumstances, ‘di ba? Si Senator Robin Padilla pa ‘yung nag-pass ng resolution for this to happen.” 

Habang ini-interview si Gerald ay nakatayo sa kanyang tabi ang girlfriend. Kinuhanan din siya ng pahayag sa bagong achievement ng boyfriend.

“More than anything, I’m very proud to have been part of the celebration, to witness this milestone for him. I am so proud of him because he really does his duties and really goes out there. Love to help,” pakli ng aktres.

Dugtong pa niya, “At the end of the day, I really am just his partner who will always have his back.”

---

Viral ang entry ni Andrea Brillantes para sa 2024 Makeup Challenge Rewind.

Ipinost niya ang video sa kanyang socmed account where it immediately gained thousands of reactions from her followers.

Ang caption na kanyang inilagay: “2024 was definitely the year for makeup trends! I wanted to join all of them, but I was busy filming Senior High at that time. So last April, I decided to wait until the end of the year and do a little rewind of some of the big trends I missed. Here’s my first entry!!!”

Nilapatan niya ito ng background music na famous theme song ng isang popular TV series na Marimar.

Komento ng mga netizens:

“The Marimar we've always wanted but never got.”

“Super-bagay.” 

“Gandang Marimar naman ni Blythe.”

“Excited ako sa Marimar trend.”

“She’s an icon, my original musically queen & princess of Philippine dramas.”

Piktyur nila, nag-viral after kumalat ang kissing video nina Dominic at Sue… BEA, INAMIN NA ANG RELASYON SA KASAMANG LALAKI

ni Beth Gelena @Bulgary | Nov. 14, 2024

Photo: Bea Alonzo / IG / Circulated

Nagsalita na si Bea Alonzo matapos mag-viral ang picture niya kasama ang isang lalaki sa social media. 

Direktang sinabi ng Kapuso actress na ‘just a friend’ lang umano ang guy na nagngangalang Joset Fores.

Ang nasabing viral photo ni Bea with a guy ay kuha pa last October na si Bea pa umano ang kumuha ng larawan. 

Napag-ukulan lang ng tsismis nang mag-viral ang kissing video naman ng kanyang ex-boyfriend na si Dominic Roque at ng aktres na si Sue Ramirez na kuha sa Siargao.

Ang dami tuloy nagtatanong kung ano ang relasyon ni Bea sa guy.

Sa Instagram (IG) ng aktres, kinlaro niya kung ano ang connection niya sa non-showbiz guy.

Aniya, “Okay, this is getting out of hand. Can we all relax? WE ARE JUST FRIENDS. And the stories are getting ridiculous! Kalma lang po tayo.”

Ayan po ang clarification ni Bea Alonzo sa sinasabi nilang rumored boyfriend ng aktres.

---

Binati ni Joross Gamboa si Sandara Park sa 40th birthday nito.

May post ang actor ng throwback photos nila noong sila ay magkakasama sa Star Circle Quest (SCQ) 2004.

Naging bahagi si Sandara ng sikat na K-pop girl group na 2NE1 noong 2009 matapos magsimula ang kanyang showbiz career sa ‘Pinas. 

Ani Joross, “Happy 20th (40) birthday to our BFF Sister na ‘di tumatanda at ‘di tumataba!” 

Biro pa niya, tila hindi tumatanda ang Korean star na kilala rin bilang “Pambansang Krung-Krung.”

May kalakip din na isang throwback photo ni Sandara, na ayon sa kanya ay paborito niya. 

Dagdag pa niya, “We are always here for you! Kitakits this weekend, God bless!” 

Tinanong pa ng aktor ang kanyang mga followers kung alin sa mga larawang ibinahagi ang paborito nila mula sa kanyang post.

Nagsimula ang pagkakaibigan nina Joross at Sandara nang magkasama sila sa reality show na SCQ noong 2004 kung saan doon na rin nagsimula ang showbiz career ni Sandara sa Pilipinas.

Nang bumalik siya sa kanyang bansa, ang South Korea ay sumali siya sa K-pop girl group na 2NE1 na sumikat sa buong mundo noong 2009.

Maraming netizens at kapwa celebrities ang nagpaabot ng pagbati kay Sandara, pinupuri ang kanyang youthful appearance at positibong pananaw sa buhay. 

Samantala, nagpapasalamat naman sa mga bumati ang actress/singer at inaasahang magkikita silang muli ni Joross Gamboa sa nalalapit nilang weekend celebration.