Mister na si Archie, kinasuhan ni Rita ng acts of lasciviousness… SIGAW NI GEE: LALABAS DIN ANG TOTOO SA TAMANG PANAHON

ni Beth Gelena @Bulgary | Nov. 19, 2024

Photo: Gee Canlas - FB

Nagbigay ng pahayag si Gee Canlas, ang misis ni Archie Alemania, sa social media matapos sampahan ng kasong acts of lasciviousness ni Rita Daniela ang kapwa Kapuso artist.

Ayon sa post ni Canlas, ang katotohanan ay hindi kailangang ipilit dahil lalabas din ito.

Itinanggi ni Archie ang mga paratang ni Rita at nakipag-ugnayan na siya sa abogado para sa counter-affidavit.

Makalipas ang dalawang linggo mula nang umabot sa publiko ang isyu, nag-post si Canlas nitong linggo, Nobyembre 17, ng isang mensahe na may black background. 

Sa kanyang post, sinabi ni Canlas, “The truth doesn’t need defending; it speaks for itself.”

Dagdag pa niya, “All will be answered in due time.” 

Sa ngayon ay naka-freeze ang actor sa Kapuso Network. Agad-agad siyang tinanggal sa isang serye kung saan magkasama sila ni Rita Daniela.

---

Ifinlex ni Andi Eigenmann ang napakagandang picture ni Ellie, ang kanyang eldest daughter kay Jake Ejercito, sa kanyang Instagram (IG) account.

Napakagandang bata ni Ellie kaya maging ang ina ay hindi mapigilang hangaan ang anak.

Aniya sa isinulat niyang caption: “The girl was looking really lovely. The once little girl has now blossomed into a fine young lady and her glammed-up look is one worthy of being a cover on a magazine.

“My bb (baby) is a lady [heart eyes].”

Hindi naman kasi maitatanggi na tulad ng kanyang ina, napakaganda rin ni Ellie, lalo na ngayong nagdadalaga na siya.

Si Ellie ang naging bunga ng pagmamahalan nina Andi at Jake Ejercito noon. Though maraming sigalot na nangyari sa kanilang relasyon, kung saan may mga nadamay pang tao sa parte ng aktres, ay nalampasan na rin nila ang mga ito.

Maganda ang pagpapalaki nina Andi at Jake kay Ellie dahil co-parenting silang dalawa. Kay Andi pa rin nakatira si Ellie, but there’s a time na may bonding moment din ang mag-ama.

Sigurado, hindi lang sa isang magazine mako-cover ang teen-ager na si Ellie.

Ang tanong, papayagan kaya nina Andi at Jake na pasukin ng kanilang anak ang showbiz?

Masuwerteng bata si Ellie dahil kahit may bago nang pamilya ang ina ay hindi siya pinabayaan nito. Longtime live-in partners sina Andi at Philmar Alipayo but they are engaged now at may dalawa na ring anak.

Itinuring na ring anak ni Philmar Alipayo si Ellie kaya very thankful and grateful si Jake Ejercito sa international surfing champion.

Never daw nag-two-time ng babae, pero… PAOLO, UMAMING NASAMPAL NA NG EX-DYOWA

ni Beth Gelena @Bulgary | Nov. 18, 2024

Photo: Paolo Contis at Boy Abunda - FTWBA

Natanong si Paolo Contis sa Fast Talk With Boy Abunda (FTWBA), kung saan guest siya sa programa ng King of Talk kung may pinagsabay ba siyang girlfriend?

Negatibo ang sagot ng aktor na he’s not guilty.

Ani Kuya Boy, “Guilty or not guilty, may pinagsabay na girlfriend?” 

Tanong pa ng TV host, kung na- experience na ba niyang masampal ng isang girl?

“Yes,” sagot ni Paolo.

Ang Kapuso actor ay may nakarelasyon na dalawang Kapuso actresses na sina Lian Paz at LJ Reyes kung saan pareho siyang may mga anak sa mga ito.

Huli niyang nakarelasyon ay si Yen Santos, kung saan napabalitang hiwalay na rin sila.

Ang tanong, sino kaya sa kanilang tatlo ang nakaranas na masampal ang aktor?

---

Masayang nag-celebrate ng kaarawan ang anak nina Mariel Padilla at Senator Robin Padilla na si Gabriella.

Ipinasilip ni Mariel ang masaya nilang birthday celebration ng anak.

To celebrate the special day, the celebrity couple threw a fun birthday celebration attended by their loved ones, including Kylie Padilla.

Sa socmed (social media) page ni Mariel, ibinahagi niya ang mga lovely photos na kuha sa selebrasyon.

Ang caption ng celebrity mom, “Dearest Gabriela, I do not know anyone sweeter than you, you are the sweetest sweetest sweetest!!! I see so much of me in you. Your cheerfulness, your silliness, your temper, the way you make people feel and everything about you is so special and unique. I’m so lucky. You save me everyday. You are the gift that keeps on giving!!!” 

Dagdag pa ng ina, “Happiest birthday, my sweet sweet Gabriela!!! No one does it like you do, I will say it again, I'm the lucky one. I got so lucky because I have you.” 

Paghihiganti raw kay Daniel… KATHRYN, PALABAN ANG HALIK KAY ALDEN, NAKA-CLOSE-UP PA

ni Beth Gelena @Bulgary | Nov. 17, 2024

Photo: Alden Kath - HLA

Grabe pala ang kissing scenes nina Kathryn Bernardo at Alden Richards sa kanilang movie na Hello, Love, Again (HLA). Iba talaga ang touch ni Direk Cathy Garcia-Sampana, nakuha niya ang kiliti ng mga KathDen fans. 

May komento lang ang mga KathNiel fans, inggit much sila sa napakaraming kissing scenes ng KathDen. 

Noon daw kasi, kapag may mga eksenang halikan sina Kathryn Bernardo at Daniel Padilla, tila ingat na ingat pa si Daniel na lumapat ang labi niya sa labi ng ex-girlfriend. 

Well, napanood namin ang movie, maging kami ay na-shock sa dami ng halikan ng KathDen. Aba, palaban si Kath, ibang-iba na talaga siya, lalo na sa akting. 

Habang tumatagal at nagma-mature ang aktres, lalo siyang gumaganda, plus the fact na humuhusay ang acting ability niya.

Narinig nga naming komento ng isang grupo ng maka-KathDen…

“Grabe na si Kath, lumalaban ng halikan kay Alden. In fairness, nakakakilig sila.”

“Wish ko na sana ay ligawan na ngang tuluyan ni Idol si Kath.”

“Hahahaha! Parang revengeful ang mga halik ni Kath to the point na kino-close-up pa ni

Direk Cathy. ‘Yan siguro ang way ni Kath na paghihiganti n’ya kay Deejay.”

“Inggit much naman si Idol, ang suwerte n’ya dahil ilang beses n’yang natikman ang mga labi ni Kath. Ano'ng sey mo, Deejay?”

Tanong naman ng isang fan, “Panoorin kaya ni Deejay ang Hello, Love, Again?”

That’s a big question mark, sa isip-isip namin.

---

Idinadaan pa sa socmed, Bea… SUE AT DOMINIC, MAY PA-"GOODNIGHT" NA SA ISA'T ISA

Photo: Dominic at Sue / IG

NAGING usap-usapan muli sina Sue Ramirez at Dominic Roque dahil sa kanilang posted IG Story na parehong patulog na.

Maraming nakapag-screenshot ng naturang IG Story ng dalawa.

Sa naturang mga larawan ay tila nagsasabihan sila ng goodnight. Si Sue ay tila ready na para matulog, while si Dom naman ay madilim ang background na tila nasa kuwarto at naka-off ang ilaw. 

Sa post ni Dom ay mababasa sa lower right corner ang salitang “Night.” 

Kinilig ang mga netizens sa sweet goodnight messages ng bagong rumored couple.

Komento nila…

“Lost souls hurt hearts meet.”

“Ayie, bagay naman sila…”

Pagkontra naman ng isa na baka fan ni Bea Alonzo na ex-GF ni Dominic, “Sus! Si Dom umayaw, then s’ya pa nasaktan? Gullible ka rin, eh.”

“Maniwala ka na umayaw, baka hinamon si Bea na mag-break kasi hindi n’ya nakuha ang gusto n’ya, tapos ginamit ni Bea ang utak n’ya and nag-agree na lang si Bea,” espekulasyon naman ng isa.

“Ay, bakit? ‘Pag umayaw ka ba, ibig sabihin, hindi masakit? Hindi mo naisip na baka sobrang sakit na kaya nag-let go na s’ya? Ikaw ang gullible. Oh, come on! Kailan ba tayo magpapanggap na walang mali kay Bea? There’s a pattern na after mag-break, tumatagal naman sa ibang tao mga ex n’ya and nagse-settle na. Mga delulu fans, 'kaloka!” hirit ng isa pa na mukhang nakasubaybay sa love life ni Bea.

“Naging mutual, kasi ayaw ni Bea magpaka-desperada na she will trade her boundaries para lang matuloy ang kasal. May non-negotiable tayong lahat and tama lang na firm si Bea about it. Ang daming marriages na hindi masaya, kaya mas ok ang single life.”

“Ito talaga ‘yung best stage. ‘Yung ligawan stage, sobrang nakakakilig. Tapos, ‘pag naging kayo na, nababawasan na ang kilig. Tapos, 'pag ilang taon na kayo, nakakairita na at buwisit ka na lagi sa partner mo. Hahaha!”

“Bagay sila, single naman parehas. Why not?”

“Yes! Bagay sila. 'Kakilig! Ano'ng uniname nila? DomSue or SueDom? Basta BAGAY sila.”

“Laging naggu-goodnight si Dominic dati pa, kahit walang nali-link. Mahilig mag-post.”

“Parang happy silang pareho, ‘di pilit.”

Oh, ha? May bagong binabantayan ang mga Marites sa socmed.