Pasok sa Bb. Pilipinas… ARIELLA, BILIB NA BILIB NA MAG-UUWI NG KORONA SI HIPON GIRL

ni Vinia Vivar - @Frankly Speaking | May 8, 2022

Speaking of Ariella, masayang-masaya ang beauty queen-turned-actress na nakapasok sa Bb. Pilipinas si Herlene Budol a.k.a. Hipon Girl.

“Actually, si Herlene, very close to my heart bilang nakasama ko sa Wowowin. I’m really, really proud of her,” sabi ni Ariella nang makatsikahan namin sa mediacon din ng Breathe Again.

Nakausap pa raw niya si Hipon Girl bago ito sumali sa Bb. Pilipinas.

“Nagkita kami sa studio. Sabi niya, ‘Ate, sasali ako sa Binibini, puwede ba ako?’ Sabi ko, ‘Oo naman 'no, basta magtanong ka sa akin kapag may question ka,’” kuwento pa ni Miss Universe-Philippines 2013.

Dahil nga komedyante si Hipon Girl, akala raw niya ay nagbibiro lang ito kaya nagulat na lang daw siya nang makita niyang sumali na nga ito.

“In fairness, sobrang nag-bloom siya,” sey pa ni Ara (nickname ni Ariella).

Naniniwala ang former MUP title-holder na kayang-kayang kumuha ng korona ni Hipon Girl kahit either Grand International or International or any title.

“Sabi ko nga, ‘Girl, kung ako sa ‘yo, parang gusto kong mag-grand international ka, tutal naman, 'di ba, ang peg nu’n, talagang ikaw na ikaw? Feeling ko, ilalaban mo ‘tong Pilipinas, saka maloloka sa 'yo si anchor.' So, itodo na natin, 'di ba?” aniya.

So, hindi siya naniniwalang “hipon” si Herlene?

“Ay, ngayon pa ba? No!” natatawa niyang sabi.

Pero aminado siyang nakatulong daw kay Herlene ang bansag na 'Hipon Girl' dahil talagang sumikat ito sa nasabing alyas.

“Talagang sobra ‘yung recall until now sa kanya,” she said.

Mensahe niya kay Herlene, basta kailangan daw ang tulong niya or may tanong ito ay willing na willing siya to help.

Anyway, since nabanggit nga niya si Willie, naitanong din kay Ara kung nagkikita pa ba sila ng TV host. Aniya ay huling kita nila noong finale episode ng Wowowin.

“Binisita ko lang nu'ng finale episode ng Wowowin. Doon po kami nagkita ni Hipon,” tsika ni Ara.

Hindi ba siya niyaya sa Villar network?

“Why not, 'di ba? Join lang nang join. Pero wala pa po nu'ng time na ‘yun, kasi hindi rin namin matanong kung… siyempre, nakakahiya. Wala pa, wala pa po,” saad ng aktres.

Anyway, sumabak na rin si Ariella sa pagpapa-sexy at may mga maiinit nga siyang eksena kina Ivan and Tony dito sa Breathe Again.

Celeste Cortesi, nasungkit ang korona sa Miss Universe Philippines 2022

ni Lolet Abania | May 1, 2022

Nakamit ni Celeste Cortesi ang korona bilang pinakamagandang Pilipina sa Miss Universe Philippines 2022.

Sa kanyang Instagram ngayong Linggo, labis ang pasasalamat ng Filipina-Italian beauty queen habang binabalikan niya ang coronation night at nai-share din niya ang mga naisip nang mga panahong iyon.

“Yesterday, as I was walking on that beautiful stage, all I was thinking [about was my] mom and dad. The strength I got from them is indescribable,” caption ni Celeste sa kanyang IG post.

“I’ve worked so hard for this, I’ve prepared. And I let God do the rest in knowing that whatever is meant for me will never pass me by,” dagdag niya.

Kung ikukumpara ngayon mula sa unang pagdating niya sa bansa, sinabi ng 24-anyos na si Celeste na pinapangarap niya talagang mag-represent ng bansa para sa prestihiyosong pageant na ito.

“I’ve grown so much since I came [to] the Philippines [five] years ago and I really promised myself that I would only join a pageant if I’m ready to take the responsibility of a crown, and I am now,” sabi ng beauty queen.

“Yesterday, [I] received my second chance and I am beyond honored and grateful to be able to represent my country in the Miss Universe stage,” ani Celeste.

Sa nakamit niyang korona, umaasa naman si Celeste na ang kanyang istorya ay magbibigay ng inspirasyon sa marami aniya, “can inspire so many to never give up on their dreams because [through] hard work, perseverance, and faith, you can achieve anything you want.”

3 kandidata sa 2022 Bb. Pilipinas pageant, umatras

ni Lolet Abania | April 27, 2022

Tatlong kandidata ang iniulat na umatras mula sa Binibining Pilipinas competition ngayong taon.

Sa isang statement na na-upload sa social media ngayong Miyerkules, ayon sa Binibining Pilipinas Charities, Inc. (BPCI), “it has officially accepted the withdrawal of Gwendoline Meliz Soriano, Ma. Francesca Taruc, and Iman Franchesca Cristal” mula sa pageant.

“We thank them for their time and wish them well in their future plans. Given this development, we are happy to welcome the new addition to our latest batch of Binibinis: Patricia Ann Tan, Ma. Isabele David and Joanna Marie Rabe,” dagdag ng BPCI.

Matatandaang inanunsiyo ng BPCI, ang kanilang Top 40 candidates para sa Bb. Pilipinas pageant noong Biyernes.

Ayon pa sa BPCI, ang mga magwawagi sa 2022 Bb. Pilipinas competition ay magre-represent sa bansa sa Miss International, Miss Globe, Miss Intercontinental, at Miss Grand International, at sa iba pang pageants.