3 candidates, naalis sa Miss Philippines Earth

ni Lolet Abania | July 15, 2022

Matapos ang diskwalipikasyon ni Miss Philippines Earth candidate na si Michele Angela Okol ng Surigao, dalawang pang beauty queen ang inalis sa pageant ng mga organizers nito dahil hindi naabot ang itinakdang height requirement.

Bukod kay Okol, ayon sa organizers, ang singer-model na si Cess Cruz ng Antipolo at model Renee Coleen Sta. Teresa ng Batangas dahil sa pagkabigo ng mga ito na makapasa sa kinakailangang taas ng isang kandidata.

Sinabi ni MPE organizer na si Lorraine Schuck, pinaninindigan nila ang naging desisyon sa tatlong kandidata sa kabila ng mga batikos na kanilang natatanggap.

Nakasaad aniya na ang height requirement ay dapat may minimum na 5’4” ang taas ng kandidata.

Isinagawa ang aktuwal na pagsukat ng height ng mga kandidata sa MPE, base rin sa Carousel Mansion sa Mandaluyong City, bago nila ianunsiyo ang top 20 na sasabak sa 22nd edition ng Miss Philippines Earth na broadcast live sa pageant’s Facebook at YouTube pages ngayong Biyernes, Hulyo 15 ng alas-8:00 ng gabi.

Naglabas naman ng kanilang pagkadismaya ang mga tinanggal na kandidata sa kani-kanyang social media post dahil anila, nasayang ang kanilang oras at panahon na iginugol para makasali sa pageant.

Sa Instagram post ni Angela, “My family, team, and I have worked hard to build up all the materials and requirements for this pageant since earlier this year. However, we seem to have forgotten about one factor -- my height.”

“I was told that my height does not fit their pageant’s standards and that their organization would get bashed if they let someone below 5’4” push through the top 20 hence, being grounds for disqualification,” sabi pa ni Angela.

“I discovered this morning that I am measured 5’3.5” when the minimum height requirement starts at 5’4”. I had always thought I stood 5’4” as this was indicated in my past commercials and projects,” post naman ni Cess. “I am still at a loss for words as this is my first national pageant, and I tried — did my best, and have come this far.”

“The time, costs, and efforts I’ve dedicated up to now, only to be told that I’m ineligible before the announcement of the Top 20 delegates tomorrow, is disheartening. I deeply apologize for not meeting everyone’s expectations, and I respect their final decision,” pahayag ng kandidata na taga-Antipolo.

Sa Instagram post din, sinabi naman ni Renee Coleen, “very ready to make you proud…

but has been cut short because I learned a while ago that I did not meet the height requirement.”

“Though I am extremely heartbroken, my heart is still full of gratitude for the love and support that you’ve shown me for the past months,” saad ng beauty queen ng Batangas.

“I hope that somehow I was able to instill my advocacy to you. It has been an honor to be your Miss Philippines Earth-Ibaan Batangas,” dagdag pa ni Renee Coleen.

Nilinaw naman ni Schuck na kahit na marami ang nananawagan na alisin na ang height requirement, hindi nila ito gagawin dahil aniya, matagal na itong ipinapatupad at higit na kailangan ito sa naturang pageant.

Pinasalamatan din niya ang mga tinanggal na kandidata habang tiniyak na mananatili ang mga larawan at videos ng mga ito sa Miss Philippines Earth websites at sa kanilang social media pages.

Gwendolyne Fourniol, itinanghal na Miss World Philippines 2022

ni Lolet Abania | June 6, 2022

Nasungkit ni Gwendolyne Fourniol ng Negros Occidental ang korona bilang Miss World Philippines 2022 sa ginanap na coronation night sa Mall of Asia Arena nitong Linggo.

Si Fourniol ang itinanghal na national winner mula sa 35 naggagandahang kandidata at siyang representative ng bansa para sa Miss World 2022 pageant.

Sinundan niya si Tracy Maureen Perez na kinoronahan bilang Miss World Philippines 2021, kung saan umabot naman sa Top 12 sa naturang international pageant na ginanap sa Puerto Rico nito lamang Marso.

Sa final round ng question and answer segment, tinanong si Fourniol kung paano ang bansa ay makakabawi mula sa education deficit na nangyayari dahil sa pandemya.

Para sa kanyang sagot, ani Fourniol, “As an advocate of education, I do agree that during the pandemic, we have suffered the most but the children who have the lack of access to education have suffered the greatest and working hand in hand with ERDA Foundation who empowered the marginalized Filipinos, I believe by uniting benefactors and encouraging our children and allowing them to go back to school especially during this pandemic will make this world a better place because education is the greatest weapon against poverty.”

Narito ang kumpletong listahan ng mga nagwagi sa Miss World Philippines 2022:

Miss Supranational Philippines 2022 - Alison Black ng Las Piñas City

Reina Hispanoamericana Filipinas 2022 – Maria Ingrid Santamaria ng Parañaque City

Miss Eco Philippines 2022 – Ashley Subijano Montenegro ng Makati City

Miss World Philippines Tourism 2022 – Justine Beatrice Felizarta ng Marikina City

Miss Eco Teen Philippines 2022 – Beatriz McLelland ng Aklan

Second Princess and Miss World Philippines Charity 2022 - Cassandra Chan ng San Juan City

Para sa special awards na nakamit sa kompetisyon ay ang mga sumusunod:

Miss Photogenic Award – Ashley Subijano Montenegro (Makati City)

Miss Not Fungible Beauty Award – Alison Black (Las Piñas), Maria Gigante (Cebu), at Maria Ingrid Santamaria (Parañaque)

Miss Kumu World – Kristal Marie Gante (Davao del Norte)

Miss Silka Award – Gwendolyne Fourniol (Negros Occidental)

Miss Love Your Skin Award - Gwendolyne Fourniol (Negros Occidental), Justine Beatrice Felizarte (Marikina City)

Best in Swimsuit – Alison Black (Las Piñas)

Best in Evening Gown – Gwendolyne Fourniol (Negros Occidental)

Mga dapat malaman bago mag-skin care

ni Mharose Almirañez | May 29, 2022

“Hiyangan lamang ang skin care,” sabi nila.

Agree naman ako r’yan, beshie. Pero knows mo bang puwede mo rin namang malaman ang hiyang na produkto sa ‘yo kung aalamin mo lamang ang iyong skin type? Yes, beshie, tama ang nababasa mo.

Kaya kung baguhan ka pa lamang sa pag-i-skin care, narito ang mga pangunahing impormasyon na dapat mong malaman before ka mag-hoard ng napakaraming products sa drug store:

1. ALAMIN ANG IYONG SKIN TYPE. Sa halip na bar soap o matatapang na facial wash, gumamit ka ng gentle cleanser sa paghihilamos. Pagkahilamos, ‘wag na ‘wag ka munang mag-a-apply ng kahit anong products sa ‘yong mukha. Hayaan mo lamang ito na kusang matuyo at obserbahan sa loob ng 30 minuto upang ma-determine ang iyong skin type.

• Oily skin- kapag naging malagkit o makintab ang iyong mukha

• Dry skin - kapag pakiramdam mo ay ang gaspang-gaspang ng iyong mukha

• Sensitive skin - kapag naging mapula o iritable ang iyong mukha

• Combination skin - kapag ang ibang parte ng mukha mo ay malagkit, magaspang o namumula, kumbaga, nag-combine ‘yung reactions

• Normal skin - kapag walang nangyari sa mukha mo

2. SUNSCREEN. Ito ang magsisilbing proteksyon ng ating balat laban sa ultraviolet (UV) rays na nanggagaling sa araw. Inirerekomenda ng mga dermatologist ang paggamit ng SPF 30 hanggang SPF 50. Mas mainam din anila kung may naka-indicate na ‘broad spectrum’ o ‘PA RATING (PA++++)’ sa label ng sunscreen.

3. MOISTURIZER. Gamitin mo ‘yung moisturizer na bagay sa iyong skin type. May iba’t ibang klase ng moisturizer, kaya bago ka bumili ng product ay basahin mo muna ang label o mag-research. Maaari ka ring manood ng product reviews sa YouTube.

4. SERUMS. Nakakatulong ito para mawala ang ating dark spot, acne scars, signs of aging, breakouts atbp.

5. MAGPA-DERMA. Sa tulong ng partner institutes ng Philippine Dermatological Society (PDS), maaari ka nang kumonsulta sa mga dermatologists for free! Mangyari lamang ay bisitahin ang pds.org.ph o ang kanilang Facebook page upang makapag-inquire.

Kung gusto mo talagang ma-achieve ang clear skin, dapat ay maging consistent ka sa pag-i-skin care every day and night. Hindi ito parang magic na porke ginamit mo ‘yung ine-endorse na product ng sikat na artista ay magiging kamukha mo na siya. ‘Wag kang assuming, beshie!

Bonus DIY tips na rin ang pag-steam o paglanghap ng usok mula sa pinakuluang tubig sa loob lima hanggang 10 minuto, dalawang beses kada buwan. Bukod sa naaayos ng steaming ang ating blood circulation ay nakakatulong din ito para mabuksan ang ating pores. Maaari nitong mapalabas ang mga nakatagong whiteheads, black heads, acne, pimple, dead cells at iba pa. Mainam itong gawin matapos mag-exfoliate.

Habang nakabukas ang pores ay madali nitong maa-absorb ang kahit na anong produkto na ipapahid natin sa ‘ting mukha at ‘yun ang crucial part, kaya siguraduhing hiyang sa ‘yo ang mga ia-apply na product.

Matapos mag-steam, puwede kang magbanlaw ng maligamgam na tubig.

Habang ang yelo naman ang magsasara ng bumukas na pores. Siguraduhing nakapag-adjust na sa temperature ang iyong mukha upang hindi ito mabigla sa lamig. Idampi-dampi mo lamang ang yelo sa paligid ng iyong mukha.

Sa huli ay puwede kang mag-apply ng serum, moisturizer o facial mask.

Ilang vloggers, TikTokers and artists na rin ang gumawa at nagrekomenda nito. But again, hindi porke hiyang sa kanila, hiyang din sa ‘yo. Magkakaiba kayo ng balat. Sabi nga nila, “If symptoms persist, consult your doctor.”

Okie?