Lalaban sa Uganda… NATIONAL COSTUME NI HERLENE, NA-CHOP-CHOP SA AIRPORT, NAIWAN PA

ni Ador V. Saluta - @Adore Me! | November 6, 2022

Nagkaroon ng ilang aberya ang Uganda trip ng ating pambato sa nalalapit na Miss Planet International 2022 title na si Herlene "Hipon Girl" Budol na gaganapin sa darating na November 19, 2022 sa Kampala, Uganda.

Kahapon (November 5), nagbahagi si Hipon Girl sa kanyang Instagram account ng ilang naganap na kapalpakan para ipaalam sa lahat ang kanyang pagkadismaya sa late na pagdating ng ilang bagahe niya sa Entebbe International Airport.

Paliwanag ni Herlene, bago pa ang kanilang boarding, sinabihan na sila ng airline staff tungkol sa kanilang mga 'overweight' na baggage.

Ani Hipon Girl, "Pagdating ng airport, ayaw ipakarga (ang bagahe), kesyo oversized daw.

Then no choice na rin kami at hinayaan na lang naming chinop-chop nila at binaklas buong box.

"Ang masaklap, 'yung pinaka-body ng (national) costume, hindi nakarating ng UGANDA."

Tuloy, stranded sila sa Uganda Airport, waiting for the rest of the baggage to arrive.

"Buong araw na kami sa airport at tinengga oras namin at pinangakuan kami na darating ng gabi. Pero 2:30 AM na at wala na silang paramdam," reklamo niya.

Herlene tagged the airlines under her post saying, "Please help me!!"

Sa isa pang Instagram post, makikita naman ang picture ni Herlene at ng kanyang manager na si Wilbert Tolentino na masaya dahil ang seats nila sa airplane pa-Entebbe, Uganda ay upgraded pagdating nila sa Addis Ababa, Ethiopia — their next stop after Manila.

Habang isinusulat namin ito, wala pang update mula kay Herlene. Pero dasal ng mga netizens, sana ay nakuha na rin nila nang buo ang kanilang luggage or else, alam naman nating "fighter" ang manager ni Herlene na si Wilbert.

But despite sa na-encounter nilang aberya, dalangin naman ng mga Pinoy na maiuwi nito ang korona sa beauty pageant na gagawin sa Nobyembre 19 sa Uganda.

HERLENE, HUMINGI NG DASAL PARA SA MISS PLANET INTERNATIONAL 2022

ni Nitz Miralles - @Bida | November 5, 2022

Lumipad na pa-Uganda si Herlene Budol para sumali sa Miss Planet International 2022 at sa kanyang pag-alis, ipinakita ang mga dala at kung ilang maleta ang kanyang bitbit.

“Hindi biro ang pagsabak ng isang pageant. 'Yung preparasyon na dapat, kumpleto (ang) susuotin pang-araw-araw. Limang maleta at isang box na National Costume. Grabe, bigla kong naramdaman ang pressure. Otsentang delegates ang makakalaban ko sa patimpalak ng @missplanetinternational. Cheer n'yo ako, mga Ka-Squammy, Ka-Hiponatics at Ka-Budol ko d'yan. 'Yung pagmamahal, suporta at pagdarasal ay malaking bagay sa aking panibagong journey,” post ni Herlene.

Ipinost din niya ang mga damit, gamit, sapatos at lahat ng dala niya. Makikitang nakalagay sa plastic ang bawat item para isang dampot na lang niya. May katulong din siya sa pagpa-pack sa dami ng dala.

Bago umalis, dinalaw muna ni Herlene ang puntod ng lola niya para humingi ng guidance para sa bago niyang journey. Pati hindi supporters ni Herlene, natuwa sa gesture nito at kasama na sila sa mga magdarasal para siya manalo.

Dahil sa sasalihang beauty contest, tigil muna ang taping ni Herlene sa launching series niya sa GMA-7 na Magandang Dilag. Ang alam nga namin, magsisimula uli ang taping pagbalik niya dahil hindi raw nagustuhan ng mga bossing ng network ang ilang eksenang nakunan na, partikular ang prosthetics ni Herlene.

Kung bakit may prosthetics sa series si Herlene, malalaman natin kapag umere na ang Magandang Dilag kung saan leading men niya sina Benjamin Alves at Rob Gomez.

Kasama rin sa series sina Sandy Andolong at Christopher de Leon.

JENNY RAMP, 'DI MAPUNTAHAN ANG NAMATAY NA PADIR DAHIL SA LABAN SA MISS EARTH 2022

ni Reggee Bonoan - @Sheet Matters | October 18, 2022

Ngayong Nobyembre na gaganapin ang Miss Earth 2022 at ang ating kinatawang si Jenny Ramp na nanalong Miss Earth Philippines ay nagsasanay na sa nalalapit nitong pagsabak para makuha ang international title.

Pero masamang balita dahil namatay ang daddy ni Jenny two days ago na nasa ibang bansa at hindi naman siya makaalis para masilip ito dahil sa nalalapit na kompetisyon.

Sa Instagram post ni Jenny, nandu'n ang mga larawang kasama niya ang ama mula noong bata siya hanggang nu'ng manalo siyang Miss Earth Philippines.

Ang caption ng 19-year-old lass from Tarlac City, “Rest easily, daddy. If you had just held on for a little longer you would’ve seen me complete my dreams, representing our Philippines on the international stage. I hope to make you proud up there on all my future endeavors. I love you.”

Kamakailan ay nakatsikahan namin ang Fil-Am beauty queen bilang special guest sa ginanap na launching ng GLUTANEX Skincare mula Korea na dinala rito nina Ms. Mary Grace Juliano, CEO of PINK VENTURES INC. (The Exclusive Distributor of GLUTANEX in the Philippines) at Mr. Alain Chan, vice-president.

Ang endorser ng nasabing produkto na si Korean actress Song Ji Hyo ay nakatakdang pumunta ng Pilipinas sa 1st quarter ng 2023 sa pakikipagtulungan ng NEXUS PHARMA/GLUTANEX TEAM na binubuo nina Sung Seung Je (president),

Hyun Yoo Jin (CEO Global Business), Jene Hong (Marketing head), Jee Yun Lim (Sales Manager of Asia); Jeon Wong Kim (Sales Manager of Asia) at Seoho Hyo (Sales Representative for Asia).

Going back to Jenny, aminado siyang bilang beauty queen ay kailangang alagaan niya ang kanyang skin at inaming sumubok ng maraming produkto pero ang Glutanex ang pinaka-effective sa kanya.

Aniya, “Skincare is a priority because there will be lots of restless nights. Every day there’s going to be an activity. We’re going to be sweaty, we will feel dirty, and we’re going to be wearing a lot of makeup, so it’s really important to have a proper skincare routine."

Dagdag pa niya, “Wear a lot of makeup and on some days, it’s heavier than what I am wearing now. So It’s really important to take care of my skin and I use these amazing products from Glutanex. I'm so thankful that skincare products like this exists."