Intro sa kanila ni Pops sa show, ginawang joke… FYANG, TINARAYAN NI MARTIN

ni Ambet Nabus @Let's See | Jan. 23, 2025

Photo: Martin Nievera at Fyang - FB, IG

Marami ang natuwa at nakisimpatya kay Martin Nievera dahil kahit halatang napipikon na ito ay pasimple nitong “natarayan” si Fyang, ang grand winner ng Pinoy Big Brother (PBB) Gen 11.

Isa kasi sa mga hosts ng isang podcast ang naturang grand winner kasama pa ang dalawang kapwa galing sa Bahay ni Kuya nang maging guests nila ang concert royalties na sina Martin Nievera at Pops Fernandez with Ogie Alcasid.

Obviously, para ito sa promotion ng kanilang mga shows this February, at dahil target din nila ang Gen Z audience, nag-guest nga sila sa naturang podcast.

Ang siste, idinaan sa kung anik-anik na pagpapatawa nu’ng Fyang ang pag-intro kina Pops at Martin, at halatang-halata na hindi nga niya kilala si Pops bilang tinaguriang Concert Queen.

Nakakaloka pa nga ‘yung tinuran ni Martin na, “Where did you get this girl?” remark kahit naka-off mic ito, dahil feeling nga niya ay hindi nag-research man lang sa info nila ang naturang host.

Pakuwela pa nga si Ogie sa pagbibigay ng magandang adjectives kina Pops at Martin, pero itong Fyang na host ay tila idinaan lang sa pagpapakakikay ang pakikipag-usap na may “level-level” pa itong sinabi.

Well, ‘yan na nga ba ang sinasabi namin sa mga gusto lang makahawak ng mikropono. At least man lang sana ay nabigyan ng tamang info ang mga hosts tungkol sa guests nila.

Wala ring ginawa ang dalawang male co-hosts ni grand winner para saluhin man lang ito sa kahihiyang pinagsasabi sa mga bisita nila. ‘Kaloka!

---

Binastos sa Sinulog Festival parade… 

ANDREA, BINIGYAN NG MOTEL CARD NG MALE FAN

Kuwela rin at pinupuri ng netizen ang naging reaksiyon ni Andrea Brillantes sa pinag-uusapang “motel card” na iniabot sa kanya ng isang male fan habang nasa parada ito sa Sinulog Festival sa Cebu City.

Matapos kasing maiabot sa aktres na agad din namang binasa ni Andrea ay mabilis din nitong naihagis pabalik sa nagbigay ang naturang motel card na tumatawa.

“Very game, sport lang,” sey ng netizen sa reaksiyon ni Blythe na tila sinakyan na lang marahil ang male fan na tinawag na “impertinente” o bastos ng mga nakakita ng video.

“Isn’t that a form of sexual harassment, too?” tanong naman ng ilang netizens na nagsabi pang binastos nga ang aktres sa ganoong paraan.

“Tama lang na ibinato n’ya pabalik ‘yung card. Dapat nga, minura pa n’ya, eh,” hirit naman ng mga babaeng nakaramdam ng kabastusan ng lalaking nag-abot ng motel card.

---

After ipagpalit ng mister sa kapwa Pinay sa US…

AI AI, PINAG-IISIPAN NANG BAWIIN ANG GREEN CARD NI GERALD 

Tila pinag-iisipan na umano ni Ai Ai delas Alas ang pagbawi ng green card ng nakahiwalay nitong asawa na si Gerald Sibayan. 

Ito ang nasagap naming tsika mula sa ilang tao na malapit sa aktres-host.

Nag-iipon lang umano ng mas konkreto pang mga evidence si Ai Ai para gumaan naman daw ang loob nito, if ever ngang gagawin niya ang naturang hakbang laban sa dating asawa na tila nag-e-enjoy ng buhay sa Amerika.

Matatandaan kasing last year ay ipinahayag ni Ai Ai na never niyang babawiin ang green card ni Gerald dahil umano may maganda naman silang pinagsamahan.

Pero ngayong 2025 ay tila may mga nagpapatunay na nagkaroon nga ng third party ang naging hiwalayan nila at isang “Pinay” sa USA rin ang umano'y karelasyon ni Gerald.

Mismong si Ai Ai ay may pa-blind item na post sa kanyang socmed accounts and though never niyang pinangalanan ang dating asawa, lahat ay naniniwalang ito nga ang binabanggit ng komedyana na may “Pinay mistress”.

Lahat nga ng mga comments ng mga netizens ay nag-uudyok kay Ai Ai na bawiin na nito ang green card para raw matikman din nito ang ganti sa panlolokong ginawa kay Ai Ai.

Go!

Ibini-build-up pa namang action star… DANIEL, UMAALIGID DAW SA BAHAY NI KATHRYN, PANIRA NG IMAGE

ni Ambet Nabus @Let's See | Jan. 21, 2025

Photo: Daniel at Kathryn - Instagram

Bagong-bihis, iba ang imahe at action star na action star ang awrahan ngayon ni Daniel Padilla.

Napanood na namin ang ilang episodes ng Incognito sa Netflix though nagsimula pa lang ito sa ABS-CBN platform last night (January 20).

Sa umpisa pa lang ay ipinakita na ang isang matikas at bagong-bihis na Daniel, na bagay naman palang action star. In fact, sa first episode pa lang ay sabak na sabak na agad ito sa action scenes kumpara kay Richard Gutierrez na equally billed kay DJ.

Mukhang magastos ang action series (though halata namang naka-green effect o CGI ang ibang eksena) dahil may iba’t ibang locations ito plus stars na bigatin din naman like Ian Veneracion, Baron Geisler, Kaila Estrada, Maris Racal at Anthony Jennings.

Kenkoy na umaaksiyon itong si Anthony at kung hindi mo talaga iisipin ang pinasok nitong iskandalo, hahangaan mo ang husay nito. We still have to witness Maris dahil sa first three episodes na napanood namin, waley pa siya.

Looking forward kami kina Agot Isidro, Elijah Canlas, Jane de Leon at iba pang cast members na kasama sa series.

May special participation si Belle Mariano na talagang pinaglakad sa gubat nang walang sapin sa paa at ikinulong sa kuwadra kasama ang ilang mga hayop.

Hopefully, ito na nga ang maging jumping board ni Daniel sa action series at sa kanyang solo career.

Magaling na aktor si DJ at artista naman talaga ang kanyang awra. Sayang naman kung ikukulong lang natin siya sa love team-love team.

And please naman, huwag nang lagyan ng anggulo ang promo ng Incognito (if ever na may ganu’ng promo, ‘noh!) na umaaligid umano ito sa subdivision ng dating GF at tandem na si Kathryn Bernardo.

Hindi nakaka-action star ang peg. Hahaha!

---

DEDMA pa rin at wala pa raw reaksiyon si Momshie Karla Estrada sa naging post ni Jellie Aw, ang fiancee ngayon ng kanyang ex-boyfriend na si Jam Ignacio.

Nag-viral kasi ang post ni Jellie kung saan pinangalanan nga nito si Karla sa isang nakakaintrigang post kaugnay umano ng pagdamay sa trabaho ng una.

Pero mas higit ngang pinag-usapan ang pagtawag dito ni Jellie ng ‘mommy’ na isa palang DJ sa isang club.

Ang latest na nasagap namin ay mayroon umanong reply-post si Karla pero mabilis din daw itong tinanggal, kaya’t halos wala raw nakaalam.

May mga nagsasabi namang baka nga hindi pa raw nakaka-move forward si Karla, lalo’t nasaktan nga ito ng kanyang ex dahil sa tagal ng naging relasyon nila ay ni hindi man lang ito nag-propose unlike dito kay Jellie.

May mga unconfirmed reports ding nagsasabi na gumagamit umano ng koneksiyon itong si Karla sa mga friends nito sa business sector, kaya’t kering-keri nitong makialam sa trabaho ng current fiancee ng ex-BF?

Nakakaloka, pero mukhang hindi naman ganu’n ang pagkakakilala natin kay Karla Estrada, ‘noh! Si Karla pa!!!!

---

Dahil sa lumabas na desisyon ng korte sa isyu ni Maggie Wilson laban sa kanyang asawa at custody ng anak, lumutang din ang name ni Marc Nelson.

Nag-testify pala kasi ang dating co-host ni Maggie laban sa kanya kaya naman pinutakti ng bashing ang dating aktor-host na kesyo mapanira ito ng pamilya.

Ang ending, bigla tuloy naglabasan ang mga lumang isyu ni Marc na noong ‘90s ay isa talaga sa mga pinaka-promising na hosts at hunk model-actors.

Isa na nga rito ang kanyang gender identity, ang pakikipagrelasyon sa kapwa lalaki (hindi pa ganu’n kabulgar noong mga time niya), ang mga escapades nito abroad at iba pang bagay na iniwasan niya sa showbiz.

At sa pagkatig ng korte pabor kay Maggie, tila kinatigan din ang dating beauty queen at aktres ng mga netizens laban naman kay Marc.

Ang latest na balita ay nasa isang Asian country ang model-host at bisi-bisihan umano ito sa negosyo.

Mga palabas, malaswa raw, kinastigo… JANNO, MAY RESBAK KAY SEN. JINGGOY DAHIL SA VMX

ni Ambet Nabus @Let's See | Jan. 17, 2025

Photo: Janno GIbbs at Sen. Jinggoy Estrada - IG, FB

Nagpahayag ng opinion si Janno Gibbs kaugnay ng minsang naging privilege speech ni Sen. Jinggoy Estrada tungkol sa VMX content and artists.

May bago kasing gag show na si Janno ang bida at kasama niya ang napakaraming mga baguhang magaganda at seksing VMX stars, plus ilang nagkapangalan na rin dahil dito.

Ayon kay Janno, “It’s a different platform. It’s indeed private in nature at kung hindi ka subscriber, ‘di ka naman magkakaroon ng access. Meron din s’yang child lock feature to secure na nasa mga edad na ang puwedeng makapag-subscribe.”

Tahasan kasing sinabi ng senador na nagiging venue ng kalaswaan o pornographic content ang VMX, kaya't pinag-aaralan daw nila kung paano ito masa-sanction kahit nasa isang platform ito na hindi sakop ng MTRCB.

Susog naman ni Janno na bukod sa trabahong naibibigay ng VMX sa mga taong nasa harap at likod ng kamera, maayos at matino naman ang “for adults” content ng mga ito. 

“There may be some bad eggs, but still nasa discretion ‘yan ng manonood o subscriber,” dagdag pa ng aktor.

Segue naman ng mga oldies na kasama namin, “Dapat sigurong mas tingnan at paigtingin ng mga mambabatas natin ‘yung mga isyu sa values education sa mga schools, rules sa mga opisina, at i-implement ang matapang na batas sa mga rapists, sex offenders at magkaroon ng programa sa mga parents, guardians and the likes ang bawat community tungkol sa pag-guard sa values at edukasyon ng mga minor sa usaping sex, etc..”

Samantala, naninindigan si Janno na wala siyang nakikitang bastos o mali sa bago nilang palabas sa VMX. 

Bagama’t naughty, nagpapakiliti at nagpapakilig sila, pero nasa receiver na raw iyon kung paano nito ii-interpret ang mga jokes, language, dialogues, kilos at arte nila.

---

Kung hindi pa na-hack ang socmed account ni Angel Locsin, hindi pa tayo makakarinig ng balita tungkol sa aktres.

Sa halos apat na taon (o mahigit ba?) na inactive si Angel sa showbiz, talagang napanindigan nito ang i-isolate ang sarili at hindi makipag-communicate.

Kung meron man tayong nababalitaan tungkol sa kanya, pawang galing ‘yun sa mga taong lubos niyang pinagkakatiwalaan. 

At nito ngang huli ay ang husband niyang si Neil Arce ang nag-anunsiyong na-hack ang kanyang X account hanggang sa muling mai-activate ito.

Although may mga nagsasabing gimik lang ito ng aktres para sa kung anumang pakulong pagbabalik nito in the future, tila wala na rin umanong gaanong pumansin maliban sa mga fans niya.

May mga netizens pa ngang imbes na intindihin ang pagkaka-hack ay humirit pa na kung wala rin naman daw ibabalita o ire-relay na something new sa socmed ang mag-asawa, might as well daw na panatilihin na lang nilang “private citizens” sila.

Aguy, nakakaloka na talaga ang mga pakialamerang netizens, ‘noh! Hahaha!