Kaya bigla raw nanahimik… SANDRO, PINAGDUDUDAHANG NAAREGLO NA SA RAPE CASE

ni Ambet Nabus @Let's See | Oct. 15, 2024

Photo: Sandro Muhlach - FB

Naghihintay na lamang daw ng resolution mula sa DOJ ang kaso ni Sandro Muhlach laban kina Richard Cruz at Jojo Nones.

Marami ang nagtatanong sa kakaibang katahimikan ng usapin dahil noong mga nakaraang panahon, halos naging national issue ito. 

May mga netizens pang sobrang invested sa kaso at nag-aakusa na tuloy ngayon ng sari-saring “baka raw” may ayusan nang naganap. ‘Yung iba pa nga ay bina-bash si Sandro at ang tatay nitong si Niño Muhlach dahil kung gaano raw kaingay ang mga ito na dinala pa sa Senado ang usapin “in aid of legislation” ay siya namang sobrang tahimik ng mga ito ngayon.

“Granting na naghihintay sila ng resolution from DOJ, ‘di ba’t dapat naka-monitor sila sa mga update? Na ‘yung ginagawa nilang pagkalampag sa socmed gaya ng dati ay dapat nand'yan pa rin at ‘di hinahayaang matulog? Nakapagtataka kasi ang sobrang pananahimik nila,” sey ng mga netizens.

Well, baka naman po kasama sa moving-on process at therapy ng umano’y biktima ‘yung pagpaubaya na lang sa tamang venue ng paglutas sa kaso?

---

NAGING usap-usapan kamakailan ang binitawang sagot ni Sen. Bong Revilla, Jr. patungkol sa suportang ibibigay nito sa isa sa mga best friends niyang si Kuya Phillip “Ipe” Salvador, na tatakbo ngang senador sa 2025.

“Mahal ko siya,” or something to that effect ang ipinahayag ng senador, na siyempre ay hindi ‘yun ang ine-expect na sagot para sa isang ‘best friend’ na tatahakin na rin ang mundo ng pulitika.

“Masyado lang eklay,” komento ng mga nakarinig dahil dapat daw isipin ni Sen. Bong na noong mga panahon mula nang magsimula raw ito sa pulitika, nakaagapay na si Kuya Ipe sa kanya.

May sumagot namang, “Baka kasi hindi naman aprub para kay Sen. Bong dahil, as a best friend nga, alam n’ya ang kakayahan nito. At saka, ‘di ba, nasa magkaibang partido sila?”

Nakakaloka namang tunay, ‘di ba? Hindi pa nag-uumpisa ang kampanyahan sa lagay na ‘yan, pero ang mga intriga, hayan na!

Hmmm, let’s see kung paano nga babaguhin, if ever, ang mga ganitong relasyon ng mag-best friend sa darating na 2025 midterm elections. 

Ano rin kaya ang magiging sagot ni Sen. Jinggoy Estrada kapag ito naman ang natanong sa suporta kay Kuya Ipe?

---

AFTER nating mapanood si James Reid, si Maja Salvador naman ang nakita nating nagbalik-ASAP.

Although hindi naman talaga tuluyang nawala sa TV scene si Maja, iba pa rin talaga ang impact kapag nakikita ka sa isang show na sobrang lakas at identified ang isang artista as ‘magaling’. 

Hindi pa rin kumukupas ang husay nito sa dance floor, at kahit isa na rin siyang nanay, pang-single pa rin ang appeal ni Maja.

May mga narinig tayong mas tututukan ni Maja ang mga collaboration projects niya sa ABS-CBN dahil na nga rin sa kanyang estado ngayon. 

May pinatatakbong artist house o artist management team si Maja, plus ine-enjoy nga nito ang motherhood, kaya roon daw iaangkla ang mga projects na gagawin niya.

Kaya nakikisakay sa away… PATALBUGAN NINA HEART AT PIA, PINAGKAKAKITAAN NG MGA PRODUCT BRANDS

ni Ambet Nabus @Let's See | Oct. 14, 2024

Photo: Heart Evangelista, Pia Wurtzbach - Instagram

Hindi talaga maiiwasang magkabanggaan o magkasagutan sa socmed (social media) sina Heart Evangelista at Pia Wurtzbach.

Silang dalawa kasi ang laman lagi ng mga fashion events news o updates na naka-anchor sa mga kilalang brands ng damit, sapatos, makeup at iba pang may kinalaman sa fashion world.

Tsika sa amin ng ilang mga friends sa circuit na ito, parang sinasadya na raw ng mga ‘brands’ na lagi silang pagsabungin sa mga international exposures nila dahil marami nga raw Pinoy here and abroad ang masyadong invested sa kanila.

Libreng publicity na nga raw ang nakukuha ng mga brands mereseng negative o positive man ‘yan, lalo’t among the world’s most influential fashion icons sina Pia at Heart.

Kapag meron daw kasing mga ‘paandarang news o updates’ sa kanila, nakakarating daw ‘yun sa mga brands o sa mga nag-i-invite sa kanilang fashion event sa New York man o Paris at ikinatutuwa umano ‘yun ng mga socmed savvy.

Hahaha! Kahit paulit-ulit pa raw ang mga balita.

---

“No choice but to fulfill and meet our obligations,” sey ng isa sa mga closest friends namin sa showbiz na si Direk Albert Martinez.

Lumalagare kasi si Albert sa kanyang mga shooting sked sa bagong show nila ni retired General Rhodel Sermonia (GenRos) na Wonderful Pinas (WP).

Isa itong promotional show na nagso-showcase ng lahat ng ‘wonderful’ sa Pilipinas via travel, food, culture, people, tourism, traditions, etc., na ipinrodyus nila para sa UNTV na umeere every Sunday, 9 AM, at nag-pilot na nga kahapon (Oct. 13).

Nang mag-decide kasi na mag-lay low na sa kanyang mga showbiz commitments si Albert, itong Wonderful Pinas ang kanyang nais gawing priority.

Sa itinagal-tagal kasi sa showbiz ni Albert, marami na raw siyang nakilala, napuntahan at natikmang mga pagkain na nais niyang i-share ang pinanggalingan at saan ito matatagpuan sa bansa. ‘Yung ibang travel shows kasi, puro ganda lang daw ang ipinapakita, kaya’t ‘yung aspetong ‘swak’ sa budget at secured bang dayuhin, plus other educational and informational benefits, ang target din nilang i-highlight sa WP.

Si GenRos ang may adbokasiya sa safety and security habang si Direk Albert ang sa budget at cost efficiency at kasama pa sina Alvin Anson, Dennis Coronel Macalintal at Michelle Gumabao bilang mga guest co-hosts bitbit naman ang kanilang mga advocacies on tourism, sports, etc..

“I decided kasi na mga advocacy projects na lang ang gagawin ko until Lavender Fields got into my lap and I could not say no to such a great project. Kaya ‘yun, naipit na sa mga iskedyul and I got no choice but to be in both projects. 

“Kaya nga nangyayari ‘yung after ng taping ko sa Lavender, sasakay na ‘ko ng eroplano to do shoot for Wonderful Pinas, with only an hour or two of sleep,” kuwento pa ng dedicated at magaling na aktor.

“Hosting is never naman alien to me but in this show, I got to deal with people and places na talagang kahit sinong Pinoy ay makaka-relate. I have been to many areas in Mindanao at talaga namang maiinlab ka sa mga lugar. ‘Yung notion na nakakatakot, tatanggalin namin ‘yun. I went to Basilan and oh my, really amazing. 

“Indeed, one of the best places that I have been sa tanang buhay ko. ‘Di ba ‘pag sinabing Mindanao o Basilan, ‘yung takot agad ang maiisip mo, it’s not true. Wala man lang kaming naramdamang takot o kaba when we set foot there,” sey pa ni Albert.

Napaka-interesting ng show na ito nina GenRos at Albert Martinez. In fact, after nilang magalugad ang mga lugar na never pang nai-feature sa ibang travel shows, dadayuhin naman nila ang ibang bansa para sa mga OFWs natin.

May 5 yrs. pa… JOEY, MAGRE-RETIRE LANG SA SHOWBIZ ‘PAG 50 YRS. NA ANG EAT BULAGA!

ni Ambet Nabus @Let's See | Oct. 13, 2024

Photo: Joey De Leon - FB

Nakakaaliw naman ‘yung birthday special ng Eat… Bulaga! (EB!) para kay Joey de Leon last Saturday.

Bukod sa mga close and family friends na bumati rito at naki-join sa saya sa studio, lahat ng segments ng show ay may kinalaman sa kilalang TV host.

Sa Pinoy Henyo (PH), lahat ng categories mula sa tao, bagay, pagkain, etc., nagsisimula o may letter J sa sagot.

Sa Bawal Judgemental (BJ), lahat naman ng apat na pinagpilian ay pawang Joey de Leon ang tunay na name. Amazing ang mga kuwento nila dahil talagang nakakonek sa pamosong Joey de Leon, kung bakit ‘yun ang name nila.

Kahit du’n sa EB Olympics segment, lahat ng questions ay patungkol kay Joey. Nakakatuwa lang talaga ang paghahandang ginawa ng production ng show.

Well, 78 years old na si Joey at very vocal nga ito sa pagsasabing once na umabot na sa 50 years ang EB!, ready na siyang mag-retire sa showbiz work. 

At dahil 45 years old na ang EB!, may 5 years to go pa before he quits showbiz. 

Happy birthday po, Sir Joey de Leon!

---

Sa socmed pa nagpatutsadahan…

HIRIT NG NETIZENS: AJ AT ALJUR, KILABUTAN SA PAGDAWIT KAY LORD SA RESBAK KAY KYLIE

“HINDI ba sila kinikilabutan? Talagang sa socmed (social media) pa sila nagsasagutan at gamit na gamit pa ang Panginoon?” ang isa sa mga nabasa naming reaksiyon tungkol sa isyu pa rin nina AJ Raval at Aljur Abrenica versus Kylie Padilla.

Nagsimula nga sa tila patamang post ni Kylie na gusto naman yatang tapusin nina AJ at Aljur sa maintrigang palitan nila ng posts na may kinalaman sa ‘katotohanan ng hiwalayan nina Kylie at Aljur at kung paanong hindi na lang nagsalita si Aljur dati’.

May pa-“saksi ang Diyos” post pa si AJ na para bang nandu’n siya nang maghiwalay sina Aljur at Kylie.

Kaya ang assumption ng mga nakasubaybay, nai-Marites na marahil ni Aljur kay AJ ang noo’y isyu nila ni Kylie.

Nakakawindang nga lang basahin ang exchange of posts ng magkarelasyong Aljur at AJ na para bang nasa magkalayong lugar sila kung mag-usap? 

Kung may mga nagsasabing tila hindi pa naka-move on si Kylie, may mga naghahamon naman kay Aljur na diretsuhin na rin ang mga pasimpleng “Alam mo naman ‘yun,” reply message nito kay AJ, tungkol nga sa naging hiwalayan nila ng misis.

And yes, marami rin ang nag-agree na kilabutan sana sila sa paggamit ng “Panginoon” dahil sa mata ng Diyos at tao, may mali sa pagsasama nila ngayon.

---

NATAPOS na rin ang pananabik ng mga Echonine fans (Jericho Rosales at Janine Gutierrez) na nakatutok sa Lavender Fields (LF).

Pagkatapos kasi ng mahigit 20 episodes, muling nagbabalik ang karakter ni Tyrone a.k.a. Jericho Rosales.

Sa hinaba-haba ng itinakbo ng kuwento at pag-establish sa mga karakter nina Jodi Sta Maria, Janine Gutierrez, Maricel Soriano, Edu Manzano, Albert Martinez kasama na ang mga bagets dito, na-miss talaga nang sobra si Jericho.

Lalo na ng mga supporters nila ni Janine na kilig na kilig sa bawat socmed (social media) activity nila.

Last October 2 ang birthday ni Janine pero hanggang ngayon ay intrigang-intriga ang marami sa kung anu-ano ang mga gifts na inihandog ni Echo sa aktres.

At ngayong nagbabalik na nga ang karakter ni Echo, expected na siyempre ang mas intense at exciting na eksena sa LF.