Orange and Lemons, siningitan sa show… FRANCINE, LALONG NAGING NEGA, WA’ RAW PAKI SA KAPWA ENTERTAINER

ni Ambet Nabus @Let's See | May 3, 2024

File photo: Orange & Lemons - Francine Diaz / FB

SA mga nakalap naming kuwento sa Occidental Mindoro incident nina Francine Diaz at bandang Orange & Lemons (O&L), lumalabas ngang at fault ang organizer ng event.

Governor's Night ang tawag sa event at sinasabing highlight ng show ang appearance ng batang aktres.

Sa mga naglabasang clips sa socmed (social media), makikitang nasa stage na nga ang bandang O&L nang pinaakyat ng stage si Francine.

Babati lang daw ito as per the event's emcee, pero biglang pinatugtog ang lip sync music nito at nag-entertain na ng crowd.

Doon na nga rin maririnig ang biglang pag-instrument check ng banda kaya't nagkaroon ng tension at confusion.

Nakapag-perform si Francine habang ang O&L na supposedly ay dapat mauna, biglang nahuli. At doon na nga kumuda ang isang member, na umano'y nabastos ni Francine dahil sa pangyayari.

Kung pagbabasehan nga ang mga clips na viral ngayon, masasabing si Francine ang tila naunang 'lumabas' na nambastos dahil nga nasa stage na at getting ready ang banda.

Pero masasabi rin kasing may 'kabastusan' ang pagsasalita ng band member, na puwede namang dumiretso sa organizer to complain or what.

Pero ang pagkakamali talaga ay nasa organizer na sinasabi namang naipit sa request ng handler ni Francine na isingit at paunahin na ito.

So, ang kawawang Francine, lalong naging nega at tila lumabas pang walang pakialam sa kapwa entertainer na nasa stage na at ni hay o hoy na spiel kumbaga ay ‘di na-orient ng sinasabing host o handler. 

Kayo na po ang humusga.

DIREK CATHY, NO SHOW SA BDAY NI KATHRYN, PRESENT KAY DANIEL

ni Ambet Nabus @Let's See | May 2, 2024

File photo: Kathryn Bernardo Official / FB

NAKAKALOKA rin ang mga netizens na pati si Direk Cathy Garcia-Sampana ay hindi iniligtas sa bashing.

Dahil lang sa nagkaroon ng time na pumunta ang ating kumareng tugang Direk Cathy sa birthday ni Daniel Padilla (DJ), aba'y nakatanggap na ito ng bashing?

Ayaw naman naming isiping galing 'yun sa kampo ni Kathryn Bernardo o 'di kaya'y sa kampo ng mga galit na DJ supporters, pero parang wala naman na yata ‘yun sa huwisyo.

Porke ba hindi nakadalo sa birthday ni Kath si Direk Cathy at nagkataon sigurong may time siya nu’ng si DJ naman ang nag-birthday, iba-bash na siya?

We don't think na sa pangyayaring ‘yun ay mas kinakampihan o pinapaboran ni Direk Cathy si DJ. Kilala namin ang aming kumare-tugang at alam din naming kapwa niya mahal ang mga anak-anakan niyang sina DJ at Kath, kahit pa nga naghiwalay na ang mga ito.

Todo-displey din ng lambingan nila ni Kiko… SHARON, 'PAG GUSTONG MAG-INGAY, TODO-PARAMDAM NA GUSTO NANG MAGBABU SA SHOWBIZ

ni Ambet Nabus @Let's See | May 1, 2024

File photo: Sharon Cuneta / Instagram

In na in na naman sa socmed (social media) ang fave nating si Megastar Sharon Cuneta.Ang huling beses na naiulat siya ay nu’ng pupunta si Mega sa States para sa isang posibleng international project.

After that, nabalitaan na lang namin na tila may isyu na naman sila ng anak niyang si KC Concepcion.

Nitong nakaraan ay may pinag-uusapan ang kanyang fandom na may pa-cryptic post umano ito na nagpapahiwatig ng pagreretiro sa showbiz.

Though hindi ito ang first time naming nabalitaan ang naturang isyu, may feeling kaming may pag-iingay na naman si Mega na socmed ang ginagawang venue.

And yes, kasama pala rito ang mga recent posts niyang tila super duper sweet na naman sila ng asawang si Kiko Pangilinan, na balita nating muling tatakbo sa pagka-senador sa darating na 2025 midterm elections.

Hmmm, paulit-ulit na lang ang mga ganitong script, 'noh, hahaha! 

Basta, idol pa rin namin si Mega bilang isang singer at aktres.

We don't think na sa ganitong estado niya gugustuhing magretiro sa showbiz. Dala lang siguro ng sobrang init ng panahon ang mga ganyang ganap kay Mega, hahaha!