ZANJOE AT DANIEL, OUT SA POSTER NG STAR MAGIC ALL STAR GAMES 2024

ni Ambet Nabus @Let's See | May 9, 2024

File photo: Zanjoe Marudo

Hindi pa kami binabalikan ng aming napagtanungan hinggil sa pagkakawala sa poster nina Daniel Padilla at Zanjoe Marudo para sa upcoming Star Magic All Star Games 2024.

Nakatakda itong idaos ngayong June 2 sa Araneta Coliseum at napansin nga ng mga netizens ang biglang pagkakaalis ng photos ng dalawa.

Sa latest poster, sina Gerald Anderson, Ronnie Alonte at Donny Pangilinan ang nasa pinakaitaas at nawala nga sina Zanjoe at DJ.

Una naming naisip na baka merong prior commitment ang dalawa dahil panahon nga ito ng mga fiesta, pero, alam din naman nating naka-calendar na ito sa mga artists/participants ahead of time.

Hmmm... ano kaya ang inside kuwento dito mga Ka-BULGAR?

Iba na 'to, Daniel... ALDEN AT KATHRYN, NANOOD NG SINE SA BGC

ni Ambet Nabus @Let's See | May 8, 2024

File photo: Kathryn at Alden / Niceprint Photo

Well, kung ano mang nabubuong 'deeper' relationship between Kathryn Bernardo and Alden Richards ay isang magandang balita para sa kanilang mga taga-subaybay.

Sa halos sunud-sunod kasing balita sa kanila, aakalain mo talagang meron ng magandang ganap ang dalawa.

Ang latest nga ay ang panonood nila ng sine sa BGC (Bonifacio Global City), kasama ang beshie ni Kath na si Alora Sasam. Kung date man ‘yun or what, basta masaya, gora na hahaha.

On the marketing side, iisipin na lamang naming nag-iinvest ang dalawa ng maganda at positive vibes para sa kanilang upcoming movie to be shot abroad. Mauuna nga daw na kunan ang ilang eksena sa Hongkong, then sa Canada na ang rest of the movie.

Nakaka-pressure nga namang higitan ang unang tambalan nila noh, kaya aabangan natin ang mga susunod na ganap.

Mister, wa' paki… MATTEO, DYULALAY NI SARAH SA SHOW

ni Ambet Nabus @Let's See | May 7, 2024

File photo: Sarah Geronimo at Matteo Guidicelli

Naging bahagi kami ng bonggang-bonggang selebrasyon ng Bicol Loco Festival 2024 sa Albay mula May 2-5, 2024.

Inilunsad ang Hot Air Balloon Festival na talaga namang dinagsa ng mga tao sa halos lahat ng lugar from Bicol, at mula rin sa iba pang panig ng bansa, pati ng mga foreign visitors from UK, USA, Italy, France, Korea at iba pa.

Grabe, pasabog talaga ang project ng Ako Bikol Partylist sa pamumuno ni Cong. Zaldy Co at asawa nitong si Ma’am Mylene Co.

Nagkita rin kami ng aming kumpareng si Cong. Joey Salceda na part din ng selebrasyon pati na rin ng iba pang local media friends natin.

Naging highlight ng selebrasyon ang concert nina Sarah Geronimo at Bamboo nu’ng unang gabi. Dahil dito, umabot ng nasa 80 thousand ang tao sa crowd na dumating sa old airport ng Legazpi na siyang venue ng okasyon.

Solid ang performances nina Sarah G at Bamboo, winner na winner ang collaboration nila sa kantahan at sayawan to the delight of the Uragon fans.

Naging surprise guest din si Apl.de.Ap nang bigla itong umakyat on stage at nakipag-jamming kina Sarah at Bamboo.

Ang mahusay na program host na si Robi Domingo ang nag-host nu’ng day one ng festival. Gustuhin man niyang mag-host uli sa second night ay hindi na rin puwede dahil grand finals 'yun ng The Voice at kailangan na nilang bumalik sa Manila.

Nagmistula ngang The Voice show ang first night minus Lea Salonga (mga OG coaches) dahil kina Robi, Sarah G., Apl.de.Ap and yes, kay Maestro Louie Ocampo na siyang musical director ng show, hahaha!

Well, gusto rin naming bigyan ng credit si Matteo Guidicelli, na nagsilbing “PA” (personal assistant) ni Sarah bukod sa pagiging hands-on “technical guy” nito sa backstage. Alalay kung alalay talaga ang guwapong asawa ng pop royalty, kahit pa sabihin nating meron din naman itong sariling career at followers.

Hinangaan din namin si Sarah na walang kaarte-arteng ginamit ang “portalet” na nasa area ng kanilang tent. Kung sa ibang pa-diva 'yun, sure kaming magre-request pa ng totoong CR o toilet ang management o mismong artist, mereseng nasa open grounds nga ang event.