Ex ni Mavy… KYLINE, TINAWAG NA AMBISYOSA, FEELINGERA, PA-VICTIM AT MALANDI

ni Ambet Nabus @Let's See | June 1, 2024

File photo: Kyline Alcantara / IG

Usapang young star pa rin.

Natuwa rin kami sa make-up challenge ni Kyline Alcantara na pinag-uusapan ngayon sa socmed.

Talagang halos lahat na lang yata ng mga negatibong bansag o salita na ipinukol kay Kyline ay sumambulat sa frame ng post gaya ng “Ambisyosa, feelingera, pa-victim, malandi, clout chaser, etc. etc.,” pero positibo niya itong tinanggap at tila ginawang inspirasyon para sa transformation niya.

Maganda ang konsepto ni Kyline na tila na-misunderstood sa showbiz at laging ang pagiging nega ang nakikita sa kanya ng marami, lalo na matapos ang breakup nila ni Mavy Legaspi.

Well, nakakatuwa ‘yung make-up challenge at nakaka-good vibes siya dahil despite those negative words na tila ini-interpret at ini-internalize ni Kyline via showing her emotions and facial expressions, nagbubunga ito ng positive effect.

Kumbaga sa production number, very interpretative ang datingan, hahahaha!

Kahit deserving naman, nabudol pa rin… P.5 M, KAPALIT NG PARANGAL NG AWARD-WINNING PERSONALITY

ni Ambet Nabus @Let's See | June 1, 2024

BLIND ITEM:

Uy, gaano kaya katotoo na halos kalahating milyong piso diumano ang ibinayad ng isang award-winning personality sa isang grupo ng namahala ng isang award-giving body-event?

Ayon sa aming ka-Marites, dahil nga raw sa pang-eengganyo ng ilang members ng grupo na kakilala nitong award-winning personality ay nakumbinse itong mag-sponsor kapalit ng awards.

Yes, take note, awards, ha? 

Kasi pala ay tila nai-lobby din ng ilang members ng grupo na isabay na ang pagpaparangal sa kasamang bida ng personalidad na hindi na nga raw pagdududahan dahil multi-awarded nga rin ito. Kumbaga, two-in-one ang atake kaya’t push na. 

So, nangyari nga ang gusto ng ilang members ng grupo pero nawindang diumano si award-winning personality dahil last minute raw ay hindi nagpakita ang multi-awarded co-star niya.

Ang tsismis kasi, humihingi ng “something” si multi-awarded co-star para ganahan daw itong mag-ayos, magpa-parlor, magbihis at pumunta sa venue kahit may napapabalitang may karamdaman ito.

And yes again, ang diumano’y ‘something’ na hinihingi ni multi-awarded co-star ay halos hindi nalalayo sa talent fee niya sa movie. 

Kaya ang ending, mag-isang tinanggap ni award-winning personality ang award eliciting questions tuloy from the showbiz insiders. 

Kawawa naman kahit mukhang deserving naman siya talaga.

'Kalokahhhh!!!

Aktor, bumati sa madir ng ex… JANINE, INIWASANG MAKASABAY SI PAULO SA BUROL NG MANAGER

ni Ambet Nabus @Let's See | May 30, 2024

File photo: Grace Yang / FB - Sarah Lahbati / IG

Sinadya man o hindi, the best na nga marahil na hindi nagkita sina Paulo Avelino at Janine Gutierrez sa burol ng manager nilang si Leo Dominguez.

Ayon sa mga common friends naming nandu’n sa lamay, naunang dumating si Paulo.

Inabutan pa nga raw nito si Lotlot de Leon, nanay ni Janine na nasa stable rin ni Leo.

Ayon pa sa mga kuwento, binati ni Paulo si Lotlot pero ‘di naman daw nag-usap nang matagal.

Wala na si Paulo nang dumating si Janine kaya’t may mga nang-iintrigang mukhang sinadya raw nitong magpa-late o paunahing magbigay ng last respect sa manager nila ang aktor.

Well, kesa nga naman lalong bigyan ng kulay o intrigahin sa lamay kung sabay silang nandu’n, mabuti na nga sigurong sa magkaibang oras sila dumating.

Ganu'n!

---

Game sa political rally… 

DANIEL, TAKOT MA-BASH AT MA-BULLY, ATRAS SA STAR MAGIC ALL-STAR GAMES

Naging desisyon ni Daniel Padilla na huwag nang maglaro sa June 2 para sa Star Magic All-Star 2024 Games.

Bukod sa hindi raw ito makakapagpokus sa paglalaro, wala nga namang inspirasyon si Daniel unlike before. Tapos, maiiwasan pa raw ang mga bashers o bullying lalo’t uso o common sight ‘yun sa basketball.

Kaya nga magpopokus na lang daw si Daniel sa political rally sa Davao this June 6 naman.

Siya ang leading celebrity na babandera sa naturang rally at dahil nasa dugo nga raw ni Daniel ang politics, tila ito na ang unti-unting hakbang ng kanyang possible entry dito soon!

Ano sa palagay ninyo, mga Ka-BULGAR?