Todo-post ng yakapan sa socmed… MGA ANAK DAW NINA COCO AT JULIA, HINAHANAP SA BAKASYON NILA SA SPAIN

ni Ambet Nabus @Let's See | June 7, 2024

Uy, marami pa rin ang kinikilig sa mga video and photo posts nina Coco Martin at Julia Montes na kasalukuyang nagbabakasyon sa Spain.

Matapos kasing mag-viral ang cooking session ng dalawa bilang pagbibigay-handa sa birthday ng kaibigan nilang si Michael de Mesa, marami ang natuwa sa tila mas open nang pagsasama nila.

Alam naming may grupo sina Coco at Julia ng mga close friends nilang madalas nilang binibigyan ng treat. Pero this time nga ay naipo-post na nila ito sa socmed (social media) at hanggang sa bakasyon nga nila sa Spain, kitang-kita ngang mas masaya and at peace sila sa kanilang mga sarili.

Sa isang photo na nakita namin, very sweet ang kanilang pose kung saan nakayakap si Coco kay Julia. Marami nga lang mga Marites ang nagtatanong kung kasama rin ba ng dalawa ang noon pang napapabalitang “anak o mga anak” diumano nila sa naturang

Spain journey?

Ahhh, basta kami, kasama sa sobrang natutuwa at masaya for them!

Tama naman pala ang naging pagsita… VICE GANDA, BINAWI ANG APOLOGY SA LALAKING NAGTANGKANG MAGNAKAW NG HALIK SA IT’S SHOWTIME

ni Ambet Nabus @Let's See | June 5, 2024

Binawi ni Meme Vice Ganda ang apology na kanyang ibinigay kay Axl Cruz, searchee sa Expecially For You segment ng It's Showtime after ngang mag-post si Christine (ang searcher) na okay naman siya at parang ipinagtatanggol pa nga niya ang umano’y lalaking nagtangkang nakawan siya ng halik.

Kahapon, June 4, bago natapos ang It’s Showtime program, nagbigay ng statement ang programa sa pamumuno ni Vice na after talking to the both parties at ikonsulta sa kanilang resident psychologists, ginawa nga ni Vice ang pagbawi sa kanyang apology.

After all, tama naman pala ang naging pagsita nila sa searchee lalo’t biglang kumambiyo itong searcher na babae na nagkaroon nga siya ng uncomfortable feeling sa sinasabing ‘tangkang pagbeso’ ni lalaki without even asking her permission. 

Nakapagtataka lang na may sarili umanong dahilan si girl kung bakit nagawa niyang mag-post sa TikTok gayung may katotohanan naman pala ang naging obserbasyon nina Vice at mga co-hosts nito.

Nakiusap din si Vice na huwag nang i-bash ang dalawa dahil may mga sari-sarili ring pinagdaraanan ang mga ito.

“Okay lang na ako ang i-bash nila, sanay na ako,” sey pa ni Vice na gusto naming papurihan dahil once again ay nagpakita siya ng pagiging makatao after niyang agad na mag-sorry nang mag-post nga si girl. 

Pero dahil sila naman pala ang ‘tama’ at sa pagkonsulta nila sa kanilang mga bosses sa production at psychologists, pinaboran ng mga ito ang hakbang nilang bawiin ang naunang paghingi ng apology.

‘Yun nga lang, sana raw ay hindi ito parte lang ng isang mas malaking palabas o paandar dahil sa mga kagayang segments na nagbibigay ng opinion at usaping personal (love life), nakabukas ang lahat sa paghuhusga.

Love team, bentang-benta… KIM, KINUHANG ENDORSER DAHIL KAY PAULO

ni Ambet Nabus @Let's See | June 4, 2024

File photo: Paulo Avelino at Kim Chiu

“PUWEDE naman kaming mag-duet ni Kim,” hirit ni Paulo Avelino nang tuksuhin siyang umawit ng isa pa sa grand launch ng Hello, Melo beauty drink under Brilliant Medical Group.

Isa nga si Paulo sa mga endorsers ng naturang clinic alongside Arci Muñoz and this time, duda nga ng marami na kaya kinuha na si Kim Chiu ng kumpanya ay para lalong mag-ingay ang brand.

Sayang nga naman ang solid tandem ng KimPau (Kim at Paulo) kung hindi pa sila magkakasama sa ganitong endorsement. Besides, mataas talaga ang demand for them.

Kaya naman super thankful si Kim sa support nina Paulo at Arci at dahil si Kim nga siya, dapat ay higit na bongga ang pagpapakilala sa kanya.

Halos nasa isang libong distributors ang dumalo sa launch ng bagong produkto ng kumpanya mula NCR, Luzon, Visayas at Mindanao, kaya’t higit itong naging espesyal.

Namudmod din ng bonggang prizes ang company ni Ms. Glenda, from gift checks to cash prizes at brand new cars para sa kanilang mga distributors at resellers.