Pinasusunod pa abroad… JANE, NIYAYA SI JANELLA NA MAGTABI SILA SA KAMA

ni Ambet Nabus @Let's See | July 1, 2024

Hmmm… nakita ng mga netizens ang convo nina Jane De Leon at Janella Salvador tungkol sa pagtatanong kay Jane kung kailan ito uuwi ng bansa?

Sa nasabing convo, maririnig pang pinasusunod ni Jane (na abroad that time) si Janella at puwede naman daw silang magkatabi sa kama dahil malaki ang higaan ni Jane.

Maraming kinilig, marami ring nagtataka at nagugulat. Pero noon pa naman kasi, may mga ganitong “tsikahan” ang dalawa na ewan nga kung parte ng kanilang friendly talks o sadyang nakukulayan nga.

May iba pa silang kumakalat na convo na maaamoy mong baka nga more than friends lang sila, pero hahayaan na lang po natin sa kanila ang anumang pag-amin na meron lalo’t may latest music video si Janella Salvador na si Jane De Leon din ang kasama.

Baka nga naman promo lang, ‘di ba?

---

NAKAKATUWA rin itong si Ryan Bang. 

After nga nitong tila maging laging sawi sa love life niya, aba’y bigla ngang engagement agad ang sumunod sa only published girlfriend niyang si Paola Huyong.

Nag-propose na nga ang actor-host kay Paola last June 29 at base sa aming pagkakakilala kay Ryan, indeed for goods na nga ito, lalo’t tanggap na tanggap ng kani-kanilang pamilya ang bawat isa.

Si Paola rin ang business partner ni Ryan sa kanilang restaurant business at mukhang perfect nga ang tandem nila.

Congratulations!

---

ISANG malaking halimbawa ng entitled netizen ang isang Daniel Padilla fan na tila maraming alam sa buhay ng pamilya nina Daniel, hahaha!

Natawa na lang kami nang mabasa namin ang tila komentong-payo ng isang netizen hinggil nga sa planong pagbebenta ng naipundar na bahay nina Karla at Daniel sa Quezon City (QC).

Kesyo sayang daw at puwede namang patingnan na lang ito sa relatives, lalo’t ‘yun nga raw ang kauna-unahang naipundar ni Daniel from his showbiz works.

Dahil meron na ngang nabiling bagong house sa may South sina Daniel, kaya’t impractical pang mag-maintain ng ibang bahay, kaya’t ibebenta na lang ‘yung sa QC.

Pero mukhang marami ngang alam ang naturang netizen kaya’t ultimo ang planong pagbebenta ng property ay pinanghihimasukan pa. Hahahaha!

Good thing, sinopla ni Karla Estrada ang naturang entitled fan.

Dingdong, todo-dasal bilang suporta… NATIONAL ARTIST NOMINATION NI VILMA, PAG-AARALAN PA

ni Ambet Nabus @Let's See | June 30, 2024

Photo: Dingdong Dantes & Vilma Santos Recto / IG

The obvious officially came out. Sa suportang ipinakita ng mahigit 20+ na organisasyon at institusyon na nag-endorse sa nomination ng AKTOR PH para sa ating Star for All Seasons na si Vilma Santos-Recto bilang Pambansang Alagad ng Sining, wala ngang dudang kasama ang buong bansa (pati mga organized Pinoys abroad) sa award na ito para kay Ate Vi.

Saksi po at bahagi ako ng naging masusing pagdokumento ng mga bagay-bagay na may kaugnayan sa nominasyon, kaya’t sobrang nakakataba ng puso ang ganitong karanasan. 

Sa personal ko pong kapasidad bilang bahagi ng isang core group ay nais kong pasalamatan ang mga institusyong nalapitan ko at nagbigay ng kanilang endorsement letter para sa naturang AKTOR PH nomination headed by Papa Dingdong Dantes.

Nandiyan ang UP College of Mass Communication, Bicol University, Viva Entertainment, MARE-PARE, LADLAD,  MMPRESS, Hon. Cong. Joey Salceda, Hon. Cong Dan Fernandez, Hon. Manila Mayor Honey Lacuña, at ang mga paparating pang iba galing sa Regal Entertainment, Star Cinema, ABS-CBN, GMA-7, Bantayog Film Festival-Camarines Norte, Ako Bicol partylist, at iba pang nakikipag-ugnayan sa inyong lingkod.

Ang ibang mga nagbigay ng kanilang resolusyon-suportang institusyon na kinarir ng ibang mga kasama sa core group ay ang: Philippine Association of State Universities and Colleges, Fashion Designers Association of the Phils., Society of Filipino Archivists for Film, UST Dept. of Communication and Media Studies, Hundred Islands Film Festival, Montanosa Film Festival, Vilma Santos Solid Intl., Association of Millennials for Vilma Santos, Vilma Santos Recto, ang The Star for All Seasons group, Silent Incomparable Legit Vilmanian Intl., Friends Forever Vilmanian, Vilma Santos Friends Forever Inc..

Ang lahat po ng iyan ay ilalabas namin sa opisyal na website ng Vilma Santos for National Artist, kasama na rin ang napakaraming mga messages of support mula sa mga kapwa artistang naniniwala kay Ate Vi.

Nahingan ng inyong lingkod ng tulong sina Gabby Concepcion, Alden Richards, Yorme Isko Moreno, Julie Anne San Jose, Rayver Cruz, kapatid Tirso Cruz at Lyn Cruz, Papa Piolo Pascual, Aga Muhlach, kapatid Arnell Ignacio, Baron Geisler at marami pang iba.

As per the NCCA, after ng June 30 deadline of submission ng nomination, magtatalaga ang NCCA ng research group na non-government at non-partisan na sasala, mag-e-evaluate, magtse-check at magbe-verify sa loob ng six months ng lahat ng mga dokumentong isinumite bilang attachments sa nomination ng walong disciplines na susuriin kasama ang Film, Music, Dance, Architecture, Literature, Visual Arts at iba pa.

Then, may another six months na mangyayari para sa 3 level ng pagsusuri ng mga NCCA Commissioners at members ng board sa bawat kategorya.

At kapag mayroon nang mga napili ang NCCA, saka pa lang ito isusumite sa Pangulo ng bansa, na may kapangyarihan na aprubahan o i-reject/i-deny ang naturang selection ng NCCA sa lahat ng kategorya.

Kaya sagot nga ni Papa Dingdong sa tanong kung ano pa ang gagawin ng AKTOR PH after ng opisyal na nomination, “Patuloy na ipagdarasal at pagsulong ng mga related events sa industriya na may kaugnayan sa isang Vilma Santos.”

There it goes!

Binigyang-kulay ang vlog nila ni Harry Roque… RONNIE: “WALANG HUBARANG NAGANAP.”

ni Ambet Nabus @Let's See | June 26, 2024

Napakinggan namin ang pagtutuwid na ginawa ni Ronnie Liang sa isyung nagbibigay ng kakaibang kulay sa pinag-usapang interview niya sa dapat ay vlog ni dating Spokesperson Harry Roque.“Two years ago pa po ‘yun. Nagtataka lang po ako kung bakit ngayon ito pinag-uusapan,” bahagi ng paliwanag ni Ronnie sa programa nina ‘Nay Cristy Fermin at Romel Chika sa TV5.

Bukod sa matagal na pala iyon na may kaugnayan sa imbitasyon sa kanya during an event para sa mga nasalanta ng bagyo, “edited” na pala ang naturang video.

“Nasa pampang pa lang kami, magkakasama na kami nu’ng ibang officers. Marami po kami du’n at walang hubarang naganap,” dagdag pa ni Ronnie na nagbiro pang sana raw ay ginamit na lang din ng kung sinong nag-upload ang kanta niyang Ngiti bilang background.

Klinaro rin niyang wala siyang personal na kaugnayan kay Harry Roque maliban sa naimbitahan siya nito sa nasabing vlog.

In the end ay nagpasalamat pa ang soon to be commercial pilot na aktor-singer dahil kahit paano raw ay napag-usapan siya. ‘Yun nga lang, sana raw ay kinuha ng video uploader ang side niya.

---

Kahit umulan uli, tuloy pa rin…

DANIEL, PANAY KANTA SA MGA MINI CONCERTS

TILA ini-enjoy na lang muna ni Daniel Padilla ang pag-appear sa mga mini concert.

Nauna na nga diyan ang inulan niyang pag-awit sa isang political rally sa Davao. Then nasundan ito ng isang maliit na katuwaan gig sa isang parte daw ng General Santos City.

At ang latest nating nalaman ay nitong June 23 kung saan sa okasyon sa Pola, Mindoro ay muli nitong hinarap ang ulan sa gitna ng napakaraming mga tao na gusto siyang marinig kumanta.

Sey ng mga netizen, “Proud kami kay Deejay (Daniel), kahit talaga madalas s’yang sundan ng ambon at ulan kapag may performance, kering-keri pa rin n’ya ang magpasaya at magpakilig.”

Bongga!