Niño,kahit magdedemanda na… AGA, TAMEME PA SA RAPE ISSUE SA PAMANGKING SI SANDRO

ni Ambet Nabus @Let's See | August 3, 2024

Photo: Aga, Sandro, & Niño Muhlach / IG

Mainit pa ring pinag-uusapan ang Sandro Muhlach rape issue lalo’t may usaping legal nang inihahanda ang pamilya ng batang aktor, sa pangunguna ng tatay nitong si Niño Muhlach.

At sa pagpapalabas nga ng additional official statement ng GMA-7, malinaw na hindi talaga nila kukunsintihin ang dalawang contractors o project talents nila, lalo’t hindi naman bago ang ganitong iskandalo sa kanilang network. In fact, kahit sa ibang outfits gaya ng ABS-CBN, TV5 o mga film productions, marami nang katulad na insidente ang noon pa man ay nagaganap na.

At dahil lumaki na nang lumaki ang usapin, marami tuloy ang nag-iisip na posibleng hindi lang kay Sandro nangyari ang sinasabing panghahalay o pangmomolestiya ng dalawang LGBTQ members.

At ang nakakaloka pa rito, kahit ang naturang komunidad na madalas humihingi ng patas na trato at pagtanggap sa lipunan ay kinondena ang kanilang act.

Hindi pa nagbibigay ng pahayag si Aga Muhlach, ang maituturing na pinakamalaki at maimpluwensiyang member ng Muhlach clan sa showbiz.

Bihirang magpasabog ng pahayag si Aga para sa kanilang angkan, pero kapag nagsalita ito, naku, pag-iingatan o katatakutan mo talaga!

---

Bentang-benta sa fans… MARIS AT ANTHONY, GAGAMITIN LANG DAW NI MEME VICE SA MMFF MOVIE

Photo: Maris Racal & Vice Ganda / IG

Ay, bongga rin ang MaThon o Maris Racal at Anthony Jennings tandem, ha?

Tiniyak mismo ni Meme Vice Ganda na hindi sila magiging pang-dekorasyon lang sa MMFF entry din nilang And The Breadwinner Is….

Ayon nga kay Meme, tailor made for MaThon ang roles nila at kahit ang direktor nitong si Jun Lana ay aminadong fan nina Maris at Anthony, thus making their roles significant and important sa movie.

Sa kuwento pa lang ng co-star nilang si Kuys Jhong Hilario, mapi-feel mo na binibigyan ng importansiya ang tandem ng MaThon.

Sey pa nga nito na laging masaya sa set nila at madaling hingan ng pabor ang dalawa, lalo’t may mga ini-endorse itong mga food at drinks.

Marami kasi ang nang-iintriga na baka raw magaya lang sa mga nakasamang “sikat na tandems” noon ni Meme ang MaThon at magamit lang para ma-attract ang mga audience.

Luh, may ganu’n? Hahaha! 

Uy, box-office phenomenon naman si Meme Vice at dahil na-miss siya ng mga fans, sure namang rarampa ang entry nila sa box-office come MMFF time. Proven na ‘yan!

---

Bongga ang naging script reading nina Bossing Vic Sotto at Papa Piolo Pascual para sa kanilang gagawing MMFF entry na The Kingdom.

Bukod daw kasi sa naging isang bonggang piging ito with all the food and drinks na sagana, naging venue rin ito sa mga Marites na panay tsikahan ang ganap. Hahaha!

But seriously, maayos at masaya raw ang naging bonding nina Papa P at Bossing na first time ngang magsasama sa isang movie.

May dagdag-tsika lang ang aming source na umano’y may request yata ang both camps na isama sa movie ang ilang ‘friends’ nila na umaarte rin on cam aside from being co-investors din sa project.

Sey tuloy ng aming source, “Naku, magsama ba naman ang parehong “frugal”, pagdating sa gastusin at investment, gusto nila, ma-maximize ang investment nila, Hahaha!”

Hahahaha! Kayo naman, iba naman ang ‘frugal’ o pagiging wise na nagtitipid sa pagiging kuripot, 'noh! Basta ang garantiya ng aming source, never nilang titipirin ang movie dahil may pagka-fantasy adventure ito, na alam nating magastos sa props at costumes pa lang.

Para sure ball ang mga anak… VILMA, UMAMING MENTOR NINA LUIS AT RYAN CHRISTIAN SA PULITIKA

ni Ambet Nabus @Let's See | August 2, 2024

Photo: Luis Manzano / IG - Vilma Santos-Recto & Ryan Christian Santos-Recto / FB

Sa isang bahagi ng speech ni Star for All Seasons Vilma Santos-Recto sa mga opisyal at empleyado ng Department of Foreign Affairs last July 31, nasabi nitong may sisimulan siyang isang bagong movie before the year ends.

Sa dinami-dami kasi ng mga scripts na may “leaning” siyang gagawin dahil bago, exciting at makabuluhan ang mga ito, napipisil nga niyang umpisahan this September ang obrang ididirek ni Dan Villegas.

Nabanggit din niyang excited siya sa nai-pitch sa kanya ni Direk Chito Roño na pagsasamahan nila ni Judy Ann Santos, pero malamang na next year na raw ito, if ever.

Meron pa siyang ibang supposedly projects na binanggit pero as she herself claimed, “Lahat ng mga ‘yan, nasa plano, may proseso pa. Ayaw ko lang i-pressure ang sarili ko at ma-pressure na gawin ang mga ‘yun dahil may deadline, isasali sa MMFF or what. Basta for now, naka-lean ako to do them but at the right time kumbaga,” sey pa ni Ate Vi.

At dahil naimbitahan nga si Ate Vi na maging featured artist cum speaker-lecturer sa Cultural Wednesdays event ng Foreign Service Institute ng Department of Foreign Affairs, dobleng excited ang mga Vilmanians na dumayo sa naturang opisina.

Sa simpleng pag-share ni Ate Vi ng kanyang mga experiences bilang showbiz icon-legend for 62 years at magaling na public servant for 24 years, marami pa ring mga detalye sa buhay niya ang nakakaengganyong marinig.

Dapat ay 20-30 minutes lang siya magsasalita pero inabot ito ng 1 oras at 3 minuto. At ginawa niya ‘yun nang nakatayo sa host room habang naka-focus ang lahat ng nasa audience composed of top officials ng DFA, invited ambassadors-VIP guests and employees ng DFA.

Kuwela, magaling mag-ice breaker, may kakaibang mga adlibs, at punumpuno ng conviction ang bawat life experience na ibinahagi ni Ate Vi, since she started in showbiz at 9 years old at hanggang ngayong 70 years old na siya at sumasabay pa rin sa mga pagbabagong dala ng technology kasama na ang social media o digital world.

Hindi nagbabago ang magic at charm ni Ate Vi sa lahat. Karamihan ng mga audience ay nasa early 30s at 40s kaya’t nakakatuwang makita ang kanilang reactions at emotions na amused na amused at star struck pa rin sa isang Vilma Santos.

As she aptly summarized her mirroring her life experiences in both the showbiz and political worlds, tatlong bagay ang ibinigay niyang ‘guide’. Na sa lahat ng bagay at pakikipagsapalaran sa buhay, pinakaimportante ang hard work, smart work at grace of God kaugnay ng mga priorities niya like ang kanyang family, public service at buhay-showbiz, in that order.

Sa mahigit 30 years na namin sa industry, mga Ka-BULGAR, iilan lang talaga ang mga gaya ni Ate Vi na totoo namang isinasabuhay ang bawat tagumpay at kabiguan sa showbiz at politics. ‘Yung iba d’yan, puro mga paandar lang, mga media savvies, at pagpapasarap lang ang alam gawin. Hahahaha!

“Ako ang magiging mentor nila,” hirit pa ni Ate Vi sa tanong namin kung ano’ng magiging role niya if ever mang tuluyan nang pasukin ng mga anak niyang sina Luis Manzano at Ryan Christian ang public service.

Kung naging mentor daw niya si Sec. Ralph Recto during her public service years, this time ay titiyakin niyang maipapasa niya ang ganu’ng legacy kina Luis at Ryan.

“Ramdam na ramdam ko na nandu’n na ‘yung puso nila sa paglilingkod, hinog na. Proper guidance at pagsisiguro na hindi sila maliligaw na ilan siguro sa mga maise-share ko sa kanila,” sey pa ni Ate VI.

“Naghihintay pa tayo ng sign. Ipagdarasal natin ‘yan at bubusisiing mabuti,” sagot naman nito sa kanyang political plans.

Lumusong sa baha, Julia… GERALD, PINATATAKBO SA PULITIKA

ni Ambet Nabus @Let's See | August 1, 2024

Photo: Gerald Anderson / IG

Sa biglaan naming pagkikita ni Gerald Anderson kamakailan, naitanong namin dito kung totoong may mga grupong humihimok sa kanya na kumandidato sa susunod na eleksiyon. 

Though wala naman daw direktang grupo na lumapit sa kanya, ang isinagot nito, “Naku, ‘di para sa ‘tin ang mga ganyan.”

Napabalita kasing may mga grupo umano from both the cities of Marikina at Quezon na hinihikayat siyang mag-pulitiko.

Matapos kasing gawing example ang aktor after nitong mag-viral nu’ng nakaraang bagyo dahil sa paglusong niya sa baha bilang isang legit na tumutulong at dumadamay sa kapwa kahit walang media, marami nga raw ang na-inspire na nasa public service na i-encourage itong pasukin ang pulitika.

Well, matagal na naming kilala na naturalesa ni Gerald ang maging matulungin at maaasahan may kalamidad man o wala.

And yes, agree rin kaming hindi niya kailangan ang pulitika para magawa ito.

Ang dapat sigurong pakatandaan ng mga botante ay ‘yung ibang artistang nasa pulitika nga, pero wala namang silbi pagdating sa tunay na kahulugan ng public service. Hahaha!

True.

---

Nanliligaw daw sa aktres, GF pa rin si Mika Reyes… 

MAYOR MARK, BUKING NA GAMIT NA GAMIT SI KATHRYN PARA SA PULITIKA

Photo: Gerald Photo: Mark Alcala & Kathryn Bernardo / FB

May ilang kaibigan naman tayo from Lucena City at ibang kalapit na lugar sa Quezon Province na tinaasan lang ng kilay ang napabalitang diumano’y nanliligaw kay Kathryn Bernardo si Mark Alcala, ang poging mayor ng Lucena.

Bukod daw kasi sa laging present sa naturang lugar ang volleyball player na si Mika Reyes, na ayon sa aming mga kausap ay girlfriend pa rin ng mayor, meron pa ring napapabalitang isang babaeng negosyante mula sa angkan ng mayayaman sa Quezon na may koneksiyon din sa showbiz, ang umano’y idine-date nito?

“Naku, tigilan na ‘yang paggamit kay Kath, 'noh! Nag-iingay dahil may paparating na eleksiyon? Napaka-trapo naman n’yan na tila ang hilig-hilig sa showbiz,” sey ng mga netizens.

Naging girlfriend din ni Mark from showbiz si Ashley Ortega bago pa man ang volleyball player na si Mika.

Hmmm, mukhang obvious ngang mahilig sa mga kilalang personalidad ang naturang mayor na dati na rin palang nag-try mag-showbiz?

Pero teka lang, mas naintriga kami sa tsikang may kakaiba raw sa pagiging banidoso nito, to the point na ginagawa nitong kapatid diumano ang mga alcohol, lotion at iba pang disinfectant kapag humaharap sa maraming tao.

Kahit itanong pa raw natin kay Kim Chiu na minsan na ring naging bisita sa naturang lugar at nakahalubilo at beso-beso si Mayor.

Ay, true kaya ‘yan? Hahaha!