Holidays, gustong bawasan, niresbakan… NETIZENS KAY CHIZ: KAHIT 'DI NGA HOLIDAY, TODO-SAMA KA SA FASHION SHOW NI HEART ABROAD

ni Ambet Nabus @Let's See | August 13, 2024

Photo: Chiz Escudero

Marami ang umalma kay Senate President Chiz Escudero sa naging proposal nitong bawasan ang mga holiday sa bansa. 

Though ipinagtanggol siya ni Heart Evangelista sa mga bashers na idinamay pati siya at ang mga out of the country fashion shows and events niya, still, tila hindi nila nakuha ang suporta at simpatya ng madla. 

Kahit ang ilang mga kapatid sa media ay nag-react at nagtanong tuloy sa mahusay na senador kung bakit naman out of the blue 'ika nga ay napagdiskitahan niya ang pagkakaroon ng holidays sa bansa.

Nauwi tuloy sa pagpaparatang sa kanya na kahit nga hindi holiday ay nagagawa nitong magbakasyon para magsilbing alalay sa asawa kapag may mga international events si Heart.

Sey pa ng ilan, “‘Yung mga ordinaryong manggagawa, kakarampot lang ang benefit na nakukuha kapag holidays, tapos babawasan pa, kumpara sa mga gaya nilang papogi at pakinis lang ng balat sa mga air conditioned offices nila.”

Meron pa ngang nagtanong kung gaanong kahabang ‘leave’ (with pay, ha?) raw ba ang nae-enjoy ng mga pulitiko kumpara sa dami ng holidays sa bansa.

Aguy! ‘Yan tuloy.

---

TILA nagiging normal na nga sa mga award-giving bodies o film festivals ang magkaroon ng mga ‘tie’ pagdating sa acting award, lalo na sa Best Actress.

Ibig kayang sabihin nito na sadyang marami nang magagaling na aktres ang showbiz industry, kaya’t hindi ma-break na ‘tie’ ang mga naglalaban-laban sa nasabing kategorya?

Sa katatapos lang na Cinemalaya, kapwa itinanghal na Best Actress sina Marian Rivera at Gabby Padilla for their respective entries na Balota at Kono Basho. 

Mukha namang magagaling talaga sila dahil kahit kami ay hangang-hanga rin sa ipinakitang performances nina Jane Oineza at Mylene Dizon sa mga entries nila na tinalo nga nina Marian at Gabby.

Of course, mainstream actress at itinuturing ngayon na isa sa pinakasikat na aktres si Marian at dahil first time niyang mabigyan ng acting award, iba siyempre ang dating. 

Besides, sadyang kinarir ni Marian ang movie kahit pa nga hindi ito komersiyal gaya ng top grossing movie niyang Rewind.

Pero ayon sa mga nakapanood, sadyang mahirap din daw balewalain ang husay ni Gabby (isang indie actress), kaya’t minarapat ng mga hurado na ibigay din sa kanya ang award.

Proud na proud naman si Dingdong Dantes kay Marian during her acceptance moment. Kahit naman noon pang premiere ng movie ay walang isyu mereseng naging alalay siya ni Marian Rivera.

Congratulations!

---

Nu'ng una, si Sen. Tulfo lang…

IBA PANG SENADOR, TO THE RESCUE NA RIN SA BIKTIMA NG PANG-AABUSO NG TV5 PROGRAM MANAGER

HABANG isinusulat namin ito ay ongoing ang sinasabing ‘hall meeting’ ng TV5 kaugnay ng sumabog na isyu nu’ng weekend. 

Ang News and Current Affairs sa leadership ng boss nitong si Luchi Cruz-Valdes ang namuno ng meeting.

Ayon sa aming nakausap, naging main agendum nga ang usapin hinggil sa naging reklamo ng isang bagitong talent kontra kay Cliff Gingco, program manager ng News Department.

“Masyadong seryoso ang usapan. May mga pag-review ng code of ethics, protocol at iba pang mga patakaran,” sey ng aming source.

Meanwhile, kaabang-abang din naman ang mga susunod na hakbang na gagawin ni Senator Raffy Tulfo, lalo’t may mga senador pa na gustong magbigay ng tulong sa naturang biktima.

Hmmm... parang napanood na namin ang ganitong mga kaganapan. Hahaha!

TV exec na inireklamo ng pangmomolestiya, protektado raw ni Luchi… SEN. TULFO, GAME MAG-RESIGN SA TV5

ni Ambet Nabus @Let's See | August 12, 2024

Photo: SS / Raffy Tulfo in Action

Meanwhile, kumbinsido ang aming kausap sa TV5 na seseryosohin nga ni Senator Raffy Tulfo ang hamon nitong magre-resign sa network kung sakaling hindi raw bibigyan ng balanseng pansin ang reklamo ng isang talent.

Isang male talent nga ang lumapit sa programa ni Sen. Tulfo na humihingi ng tulong sa diumano’y pangmomolestiya na ginawa rito ng isang Cliff Gingco, isang top executive ng News Department ng TV5.

Ayon sa lalaking biktima, siya diumano’y ‘nilasing at pinagsamantalahan’ sa isang hotel at kahit nagreklamo na siya sa HR at ilang mga bossing sa network, hanggang sa barangay at police, tila raw hindi siya binigyan ng pansin.

Sa pagharap niya sa show ni Sen. Tulfo, naianunsiyo pang tila pinoprotektahan umano ng big boss na si Luchi Cruz-Valdes si Gingco dahil sa payo ritong huwag magbibigay ng pahayag on air.

Dahil dito, nakapaghamon si Tulfo na magre-resign. Aabangan ng marami ang mga susunod na kabanata.

---

Kinumpirma nga ni Star for All Seasons Vilma Santos-Recto na mayroon siyang sisimulang pelikulang gagawin sa direksiyon ni Dan Villegas kasama si Antoinette Jadaone.

Sa muling pagharap ni Ate Vi sa media nu’ng inagurasyon ng Vilma Night sa Archivo 1984, naikuwento nitong anytime soon ay gigiling na ang mga kamera for the said movie.

Although nilinaw din ni Ate Vi na wala silang hahabuling deadline o playdate, pang-MMFF man o ano dahil aniya, “Ayoko ng pressure. Gagawin ko ‘yung movie dahil maganda at makabuluhan siya, naiiba at hindi ko pa nagagawa ang ganu’n. Abangan na lang natin.”

---

ANG Archivo 1984 ang gallery na personal na pinamamahalaan ni Dr. Marty Magsanoc, isang film enthusiast at collector ng mga memorabilia tungkol sa showbiz.

Galing sa angkan ng mga showbiz and media sector si Doc Marty. Pinsang buo siya ng kapatid-kaibigan nating si Dolly Anne Carvajal dahil anak siya ng pamosong editor-in-chief dati ng pahayagang Philippine Daily Inquirer na si Tita Letty Magsanoc na kapatid naman ng yumaong si Ate Luds o Inday Badiday.

Noon pa man ay hilig na ni Doc. Marty ang mangolekta ng mga movie posters, still photos, paintings, betamax, VHS, CD and DVD to now USB, published articles, magazines, etc. na may kinalaman sa local showbiz.

At dahil isa rin siyang Vilmanian, ang mga hard to find at mga naipon niyang Vilma Santos memorabilia ang una niyang inilagay sa gallery at ngayo’y bonggang-bongga ngang naka-display sa naturang Archivo 1984 sa Makati City.

Kaya para sa mga Vilmanians at iba pang gustong makita ang pambihirang koleksiyon na ito on Ate Vi’s TV and film career form the 1960s to the present, tara na sa Archivo 1984.

Ang ilan sa mga espesyal na friends na namataan namin sa opening ng Vilma Night ay sina kapatid Pipo at Ate Lynn Cruz, Agot Isidro, Dindi Gallardo, Direk Boots Plata, Ed Lingao at ilan pang foreign media na noon pa amazed na amazed sa career ng isang Vilma Santos-Recto.

Kahit sina Andrea at Rabiya ang endorsers… IVANA, KINUHA NG JEWELRY BRAND PARA MAGING PINAY BARBIE

ni Ambet Nabus @Let's See | August 10, 2024

Photo: Ivana Alawi / IG

Halos three years pala ang inabot ng naging negotiation ng LVNA sa Barbie company bago sila naging partner nito.

High-end jewelry brand ang LVNA by Drake Dustin na ini-endorse ng mga celebrities na sina Andrea Brillantes, Rabiya Mateo at Kylie Verzosa.

Pero this time, si Ivana Alawi ang kanilang collaborator at business partner for Barbie by LVNA (may sarili itong branch sa Cebu City).

Sayang nga lang dahil hindi namin nahintay ang seksing aktres dahil nagkaroon daw ng miscommunication ang organizer sa oras ni Ivana, kaya’t na-late ito.

But just the same, ang kumpanya ni Drake Dustin Ibay ay tunay namang masaya sa pakikipag-partner nila kay Ivana.

Biniro pa nga namin itong sila siguro ang reason kung bakit nag-final babu na sa Batang Quiapo ang Bubbles character ni Ivana dahil magiging si Barbie na siya. Hahaha!

“Ay, hindi po, three years na po kaming may negotiation at naghintay lang talaga kami ng final confirmation and approval from Barbie brand,” sey ni Sir Drake na 3 years din ang nakuhang partnership with the said famous doll brand.

Seven years na sa industriya ang LVNA at asahan daw nating may mga pasabog sila sa taong ito by getting more celebrity endorsers and yes, by having KEN, ang male counterpart ni Barbie.

Hmmm... bukod kay Ivana, feel naming bagay din kay Andrea Brillantes ang matawag na Barbie. Pero curious kami sa kung sino'ng lalaking celeb ang mapipili nilang Ken. 

Abangan!

---

“SEE the difference?” ang bonggang reaksiyon ng maraming netizens na naka-witness sa pag-handle ng Eat… Bulaga!, particularly nina Bossing Vic Sotto at Miles Ocampo, sa nag-viral na male contestant ng Peraphy portion, kung saan makikitang tila sinumpong (sabi ng kanyang kasama) ang lalaki at pinuntahan nga nito si SQ Anne na may hawak na card. 

Sa aktong tila yayapos ito, maagap na nasaklolohan nina Bossing Vic at Miles at na-address ang sitwasyon nang walang paghuhusga o negatibong nangyari.

Inatake pala ng ‘anxiety’ ang lalaki na napag-alamang may kondisyon nga kapag sobrang ninenerbiyos o nae-excite.

Marami ang pumuri sa show sa paraan nila ng pag-handle ng ganu’ng sitwasyon. Kalma lang si SQ Anne na hindi naman sumigaw na na-violate ang kanyang pagkababae. 

Maliksi at mahusay namang naitawid ni Miles ang daloy ng programa habang maagap na natawag ni Bossing Vic ang floor director at ibang mga staff ng show at ipinadala sa medic ng TV5 ang lalaki.

“What a pro, kitang-kita ang diperensiya sa pagiging sanay at bihasa sa mga ganu’ng kritikal na kondisyon. Kung sa ibang show ‘yan, naku po, ‘yung nega agad ang makikita at paiiralin ang pagiging judgmental at mga anik-anik na usapin sa human rights, violation of women, etc. Kudos sa Eat… Bulaga!,” sigaw pa ng isang netizen.

---

Ngayong Sabado, August 10, ay pasisinayaan ni Queenstar for All Seasons Vilma Santos-Recto ang Vilma Night sa Archivo 1984 Gallery sa Makati City.

Sa pamumuno ng mga curators na sina Erwin Romulo at Jerome Gomez, makikita sa gallery ang mga memorabilia, posters at ephemera ng mga movies at iba pang naging activities ni Ate Vi sa showbiz sa loob ng anim (6) na dekada.

Naka-display sa naturang gallery ang mga naging iconic roles ni Ate Vi gaya ng Darna, Dyesebel, Wonder Vi hanggang sa mga critically-acclaimed roles niya gaya ng Sister Stella L., Relasyon, Dekada ‘70, Burlesk Queen at iba pa.

Ang pamangkin ng yumaong si Ate Luds o Inday Badiday na si Dr. Juan Martin Magsanoc (anak ni Tita Letty Magsanoc, dating PDI editor-in-chief) ang founder ng Archivo 1984. Bago pa man siya naging doktor ay mahilig na siya sa pagkolekta ng mga souvenirs from movies o may kinalaman sa entertainment industry.

And today nga, ang ating Queenstar Vilma Santos at mga nagawa nitong nasa mahigit 200 movies ang featured artist sa naturang gallery.

Personal itong pupuntahan ni Ate Vi na sobrang elated sa matatawag na parangal na ito. Imagine, six decades ang lalakbayin ng mga photos, memorabilia, etc. kaya’t talagang blast from the past ang happening na ito.

Tiyak magpapabonggahan ang mga Vilmanians sa pag-reminisce at pag-act out ng mga favorite movies nila ni Vilma Santos-Recto.