After isugod sa ospital dahil sa pagsusuka… GARY V., ITINULOY ANG SECOND NIGHT NG CONCERT SA ARANETA

ni Ambet Nabus @Let's See | Dec. 23, 2024

Photo: Gary V - IG

“I will be at the Araneta today (Sunday) . No weapon formed against me will prosper,” ang bumulaga ngang pahayag ni Gary Valenciano yesterday, Sunday, para sa kanyang second night ng Pure Energy: Once More (PEOM) concert. 

Sa first night kasi last Friday, maagang tinapos ang concert dahil sa pagsusuka ni Gary at hindi nito maayos na kondisyon. Nakaka-ilang kanta pa lang ito nang ianunsiyo niyang tatapusin na nang maaga ang show dahil sa masamang nararamdaman. 

Although may mga doktor naman daw na nakaantabay sa backstage gaya ng lagi nilang practice every time na may concert si Gary, last Friday’s incident was something else.

Marami ang nag-worry, lalo’t isinugod siya sa ospital that night sa pangunguna ni Angeli, his wife na consistently ay nagbibigay ng update sa lagay ng asawa. Good thing na agad naglabas ng medical bulletin at advisory ang kanyang doktor na nagbigay din ng clearance na okey na siya.

Kaya kagabi, Sunday, natuloy nga ang ikalawang gabi ng kanyang Pure Energy show kasama ang A-Team, Manoeuvres Ignite, Gab Valenciano, Kiana Valenciano, Joshua Zamora at mga special guest performers na sina W3, AC Bonifacio, Darren Espanto, Gloc 9, Jay Durias, at ang popular na P-pop group na SB19.

Hindi lang kami sure kung ‘yung mga guests niya last Friday gaya nina

Ogie Alcasid, Regine Velasquez Alcasid, Ice Seguerra, Rayver Cruz, BGYO at iba pa ay muling nag-perform.

Hindi pa rin kami sinagot ng aming napagtanungan kung ‘yung mga nabitin last Friday sa show ay bibigyan ng “once more” date to watch or what?

But for now, lahat ay nagagalak na nasa okey na kondisyon na uli ang Mr. Pure Energy at lubos na nauunawaan ng mga fans ang kanyang sitwasyon.

---

NOONG makasabay namin si Miles Ocampo na tumanggap ng award sa 2nd Southeast Asian Premier Awards (SAPA), tinanong namin ang lagay ng kanyang puso, lalo’t magpa-Pasko.

“Masaya naman, Kuya Ambet at hindi lalamig,” ang kanyang simpleng sagot sa amin.

At dahil nag-viral nga ang ‘kissing moment’ nila ni Elijah Canlas sa mismong kasal nina Jose at Mergene Manalo, aba’y mukha ngang hindi kasama si Miles sa may malalamig na Christmas. Hahaha!

Whether it was a confirmation of their being together or whatever they have right now ni Elijah, makikisaya na lang kami sa kanila dahil alam naming pure at totoo ang ipinakita nilang gesture sa naturang event.

Carried away man sila sa naging sweet moments that time, ramdam naming love is still in the air between them.

Since mabalitaan nating naghiwalay sila, wala namang naging involvement kahit kanino ang either party at nag-remain single sila until now.

What we see is what we get na ‘yan for sure. Hahaha!

At mas sure kaming gagawing date movies nina Miles at Elijah ang Uninvited at The Kingdom (TK). Uninvited dahil kasama ru’n si Elijah Canlas at TK bilang support ni Miles kay Bossing Vic Sotto.

---

After umamin ang BF… SUNSHINE, AYAW NANG MAGKUWENTO TUNGKOL KAY ATONG

Sunshine Cruz - Instagram

“Ay, ‘wag na. Okey na ‘yun,” ang masayang ganting bulong sa amin ni Sunshine Cruz nang pabulong naming itanong dito na baka type niya kaming kuwentuhan sa ginawang pag-amin ni Papa Atong Ang bilang kanyang boyfriend now.

Nagkita kami ni Shine sa lamay ni Kuyang Ed de Leon na isa rin sa mga personal writer-friends ni Shine sa showbiz.

Marami siyang nai-share na tsika about kay Kuyang Ed at kung paano rin siya nito inalagaan at pinrotektahan, kaya’t dapat lang daw siyang magbigay-pugay at ng kanyang respeto rito.

At dahil close nga rin kami rito (pati na sa iba niyang mga pinsan at kaanak), kaswal na tsikahan kami siyempre sa mga nagaganap sa buhay-pag-ibig niya. Hahaha! Eh sinabi pa naming close rin kami kay Papa A (Atong), kaya’t ‘yun na, nauwi sa mas masayang kantiyawan ang kuwento.

Very glowing ang aura ni Shine ngayon. Halatang inlabey din ang napaka-sexy at gorgeous friend natin.

“Happy Holidays, Ambet,” ang text pa nito sa amin after niyang makaalis sa lamay.

Kay Bossing Vic lang ang puwede… MAINE AT ATASHA, ‘DI MAKAPAG-PROMOTE NG MOVIE NINA ARJO AT AGA SA EAT BULAGA

ni Ambet Nabus @Let's See | Dec. 22, 2024

Photo: Maine at Tash - Instagram

“Ganyan talaga ang kalakaran. Everybody needs to understand,” ang tila may himig hinampong emote ng mga supporters ni Maine Mendoza.

Sa halos buong promo season daw kasi ng pag-promote ng MMFF entry na The Kingdom (TK) sa Eat…Bulaga! (EB!) show, ni hindi raw nagawang maisingit man lang ni Maine ang entry ng kanyang asawang si Arjo Atayde.

“Hindi naman siguro s’ya pinagbawalang banggitin o ano, pero siyempre, dahil talent lang s’ya ng show, kung ano lang ang ipagagawa sa kanya, ‘yun lang ‘yun,” komento pa ng mga fans ni Maine.

Sa ilang pagkakataon daw kasing binisita ni Papa Piolo Pascual ang show, talagang bugbog sa promo ang TK and nothing but the film entry lang ang topic ng diskusyon o kuwentuhan ng Dabarkads. 

Lahat kumbaga ay obligado na sumali sa promo ng entry nina Bossing Vic, Piolo, etc.. Ni hindi talaga makasingit man lang na i-mention ang title ng kahit anong entry except nga ang TK. 

Kaya nga raw dedma na rin siguro si Atasha Muhlach na banggitin ang movie ng kanyang daddy na si Aga dahil feel din nitong hindi siya pagbibigyan na banggitin ang Uninvited film ng ama.

Kani-kanyang teritoryo lang ‘yan, ‘ika nga.

---

Napanood na namin nang buo ang Green Bones (GB) kasama ang mga bida at mga VIP guests ng GMA Network. 

As expected, hindi kami nagkamali sa pagsasabing worth our time and effort ang panonood namin dahil napakaganda ng movie.

Kahit ang mga award-winning journalists gaya nina Jessica Soho, Atom Araullo, Howie Severino, Kara David at mga big bosses led by Ma’m Annette Gozon, Ma’am Lilybeth Rasonable at ang mahal naming tugang na National Artist Ricky Lee ay halatang-halatang umiyak sa ganda ng movie.

Dedmahan na lang kami sa pagpunas ng aming mga luha dahil tunay namang nakakaantig ang kuwento, napakasimple pero ‘yung execution at treatment ni Direk Zig Dulay ay very relatable naman talaga.

Hindi man ito perpekto sa teknikal na aspeto, pero sa husay nina Dennis Trillo at Ruru Madrid, Alessandra de Rossi, ‘yung batang babae na gumanap na Ruth, sina Wendell Ramos, Nonie Buencamino, Ronnie Lazaro and the rest of the cast, hindi mo na papansinin ang maliliit na lapses. 

Shoo-in for Best Actor si Dennis dito dahil ibang klase ang pag-atake niya sa role niya with matching sign language pa at tunay namang heartfelt. 

Maging si Dennis ay nakita naming umiiyak at namumugto ang mga mata after the movie, pati ang asawa niyang si Jennylyn Mercado na kasama niya sa premiere.

Bigla naman naming naisip ang award-winning performance ni Charito Solis sa Karnal sa husay ng pagka-narrate ni Ruru Madrid. Hindi rin kami magugulat kung magwagi siya ng award for Green Bones.

Well, mahusay talaga ang mga mata ni Direk Zig sa mga locations na nagsasalita — mapa-dagat man o bundok. ‘Yung tree of hope na ginamit, wow na wow ang importansiya sa kuwento.

Naku, kulang ang aming espasyo upang ilarawan ang kabuuang husay at ganda ng GB.

Basta inirerekomenda naming isa ito sa inyong unahing panoorin come December 25 at hindi kami mapapahiya sa inyo. 

Magbaon lang kayo ng tissue dahil tiyak na iiyak kayo. Hahaha!

---

Gaya rin naman sa It’s Showtime (IS) na kahit nasa GMA-7 ay hindi rin daw nakitaan na isali man lang kahit sa spiels ang Green Bones (GB) entry na produced by GMA Pictures.

Teritoryo nga naman ‘yun ng And The Breadwinner Is… (ATBI) ni Meme Vice Ganda, kaya’t priority at malamang na exclusive rin ang film entry sa show na siya rin ang pinaka-bida.

Napansin nga rin ng ilang netizens ang naging guesting ni Eugene Domingo sa show kamakailan. Parehong kasali sa dalawang MMFF entries si Uge, pero ang ATBI lang ang puwede niyang banggitin sa IS.

Understandable naman but come to think of this, kapag ang mga artista ang nagsasabing may collab na wala nang network war at mga kagayang kuda, nagiging kapani-paniwala pa ba sila with this kind of actions?

Ay, hindi nga ba’t may kumakalat na isyu na diumano'y pinakiusapang umalis at mag-cover ng isang presscon ang isang taga-TV5 correspondent  dahil hindi nga raw ito “feel makita” ng nagbibida sa isang MMFF entry not because of him/her as a correspondent, kundi dahil sa network na umano’y nire-represent niya?

‘Yun, oh!!!

Sa dami raw ng na-link sa businessman… CESAR, HAPI NA INAMIN NI ATONG ANG SI SUNSHINE

ni Ambet Nabus @Let's See | Dec. 21, 2024

Photo: Cesar Montano, Sunshine Cruz at Atong - IG

Marami naman ang humanga sa ibinigay na reaksyon ni Cesar Montano patungkol sa ginawang admission ni Atong Ang sa relasyon nito kay Sunshine Cruz.

Bilang ex-husband ni Shine at tatay ng mga daughters nila, humanga raw si Cesar sa naging deklarasyon ni Atong. Basta kung masaya raw si Shine at masaya ang mga anak nila, masaya na rin siya.

For the very first time nga naman kasi since magkaroon ng involvement ang kontorbersiyal na negosyante sa mga magagandang artista at celebrities, first time ngang marinig o mabalitaan ng mga tao na may inamin si Atong na kanyang karelasyon.

Hindi na namin babanggitin pa ang ilang mga kilalang artistang na-link sa kanya pero ang pinaka-kontrobersyal nga ay si Gretchen Barretto, for na tila dedma lang sa lumabas na tsikang masaya na si atong with Sunshine Cruz.

---

Tsugi ‘pag nilangaw… MMFF ENTRIES NA WALANG BIG STARS, KONTI LANG ANG SINEHAN

“Hindi talaga magiging equal at all. Sana noon pa ‘yan pinag-aralang mabuti ng MMFF (Metro Manila Film Festival) Committee at MMDA handling the MMFF,” sigaw ng mga netizens na nag-re-react sa hindi nga parehas na distribution ng mga sinehan among the ten (10) entries.

Naging very obvious daw kasi na may mga film entries na napaboran sa pagkakaroon ng maraming sinehan at magagandang locations.

At dahil nationwide ang showing ng lahat ng MMFF entries, may possibility raw talagang ‘yung ilang entries na walang box-office stars ay hindi mapanood sa ilang lugar. That’s the fact and that’s part of the business ika nga nila.

Kaya raw po asahan na natin ang pagkakaroon ng hati-hating screening time ng mga movies sa mga locations or malls na merong dalawa o iilang sinehan lang.

But then again, huwag naman daw maging sobrang swapang ang mga theater owners and distributors na kapag fully booked halimbawa sa isang sinehan ang isang screening time ay ililigwak nila ang isang entry na less lang ang taong bumili ng ticket to accommodate same film na may mataas na demand?

Hay, naku! Sa totoo lang, never talaga itong magiging parehas at kawawa talaga ang mga entries na walang word of mouth, good or bad and yes, big stars na pang-hatak sa box-office.

---

Pagpapalabasan, kokonti lang… 

ENRIQUE, KABADONG MATSUGI AGAD ANG MMFF MOVIE SA SINEHAN

Isa nga iyan sa mga naging worries ni Enrique Gil, ang co-producer at bida sa Strange Frequencies: Taiwan Killer Hospital (SF: TKH) entry.

“We don’t have quite good number of cinemas kaya sagad-sagaran ang promo namin. But we can only do much. Still nasa mga tao kung agad na papanoorin ‘yung entry namin,” sey ng guwapong bida.

As an actor, nagawa na raw ni Quen ‘yung dapat niyang ginawa but as a co-producer, siyempre iisipin din niya iyong naging investment niya.

“I really wanted this to succeed,” hirit pa nito na nag-anunsiyong may mga future film projects pa siyang gagawin in 2025, including na nga yung TV series na co-prod niya with ABS-CBN.

Nag-level up na ang maturity ng teen heartthrob dahil isa na nga rin siyang negosyante at nais magbigay trabaho sa iba.

“I’m happy naman. Balanse lang,” sagot nito sa simpleng tanong namin kung ano ang estado ng puso niya sa ngayon, lalo’t magpa-Pasko.

“Medyo malamig,... malamig, ang panahon,” ang natatawa nitong hirit sa ipinukol naming tanong kung kasama ba siya sa mga taong may malamig na pasko ngayon.

O ‘ayan ha, hindi malamig ang Pasko ng isang Enrique Gil.