Herbert, binanatan sa rally ni Leni… KRIS: 'WAG N'YONG IBOTO, SAYANG LANG DAHIL 'DI MARUNONG TUMUPAD

ni Ador V. Saluta - @Adore Me! | March 25, 2022

Maraming pumuri kay Kris Aquino na kahit nagpapagaling pa sa kanyang karamdaman, pinilit pa ring dumalo sa isinagawang people's rally sa Tarlac nitong nakaraang araw.

Bukod sa pag-eendorso kay VP Leni at sa mga KakamPinks na senatoriables, hindi pinalampas ni Kris ang pagkakataong sumbatan ang isang kumakandidato ring senador na dati niyang "ka-close" at nasa kalabang partido ngayon.

Sa kanyang speech, pinasaringan niya ang naturang kandidato na walang 'palabra de honor' o hindi marunong tumupad sa napag-usapan.

Hindi man nito binanggit ang pangalan ng kandidato, maraming Assumptionista (mga assuming at Marites) ang humuhula na si Senatoriable Herbert Bautista ang kanyang tinutukoy.

'Di nga ba't nagkaroon ng saglit na relasyon sina Kris at Herbert na bagama't hindi nila inaamin ay wala namang nagdedenay sa dalawa ukol sa kanilang pagkakamabutihan?

Ani Kris habang kausap si Angel Locsin sa naturang rally, "Sinabi mo (Angel) 'yung may karelasyon. 'Di ba, 'yung isa, nasa UniTeam, 'yung ex?"

Dagdag pang paalala ni Kris, "Oh, 'wag n'yo iboboto 'yun, ah? Sayang ang boto dahil hindi naman marunong tumupad sa mga ipinangako. Dedma, please?"

Pahulaan tuloy kung ano ang naipangako sa kanya ng kanyang tinutukoy na kandidato.

Sey ng mga 'Marites', baka 'yung tila naipangakong 'kasal' na hindi na nga natuloy ang ipinagsisintir ni Kris Aquino?

Parehong lasing nang bugbugin ang GF… KIT, TUTULUYAN NG PAMILYA NI ANA

ni Ador V. Saluta - @Adore Me! | March 20, 2022

Sa latest update sa kaso, desidido raw ang pamilya ni Ana Jalandoni na panagutin sa batas si Kit.

Sa pagpapatuloy ng imbestigasyon, nakikipag-ugnayan na ang Tagaytay Police sa nasabing hotel kung saan nangyari ang insidente at nalamang alas-6 ng gabi nu'ng Huwebes, March 17, nag-check-in sina Kit at Ana para sa overnight stay.

Ayon sa imbestigasyon ng Tagaytay Police, "Pareho silang nakainom, so para bang nakakaramdam na 'yung babae (Ana) nang hindi maayos kaya tinawagan niya 'yung friend niya. Kaso nga lang, nu'ng pagtawag niya sa friend niya, poor signal kaya umakyat siya ru'n sa 3rd level hallway (ng tinutuluyang hotel). It so happened siguro, nakatulog siya. Noong makita siya ng lalaki, binuhat siya at ibinalik sa room nila. Doon na nag-start," pahayag ni Tagaytay Police Chief Rolando Baula.

Nakialam na rin ang Calabarzon police sa pamumuno ni Police Chief Antonio Yarra na tututukan nila ang isyu dahil sa kasong karahasan sa babae.

Sey ni Yarra, "Ang mga ganitong klaseng violence ay hindi dapat isinasawalang-bahala lamang. I will take this chance to call on other women who were victims of violence not to be afraid and report immediately to the nearest police station their situation. Kagaya lang po ng biktima sa insidenteng ito, agad na nabigyan ng aksiyon at hindi na umabot pa sa mas marahas na sitwasyon."

Ayon sa ilang netizens, mukhang hindi papabor kay Kit ang sitwasyon dahil pasok ito sa kasong violence against women na mahigpit na ipinanukala sa Kongreso, unless may mamagitang isang mabuting puso para magkaroon ng amicable settlement.

Ibinuking ni Rey PJ… TOM, NAG-IIYAK NA BALIKAN NI CARLA

ni Ador V. Saluta - @Adore Me! | March 17, 2022

Pagkatapos ipagtapat ng dating aktor na si Rey "PJ" Abellana sa isang panayam kay 'Nay Cristy Fermin sa kanyang programa nitong nakaraang linggo na wala umanong third party sa hiwalayan ng anak na si Carla Abellana at ng asawa nitong si Tom Rodriguez at one-night stand lamang ang naging pagkakamali ng manugang, kaagad ding binawi ni Rey “PJ” ang kanyang naunang pahayag.

Sa 24-Oras news program, nilinaw ni Rey PJ na nagbigay siya ng payo kina Tom at Carla.

Pahayag ng aktor, ipinaliwanag niya sa mag-asawa ang kahalagahan ng komunikasyon upang maayos ang problema.

“Importante na may communication silang dalawa, i-work-out na nila 'yan. So much the better ma-normalize na uli sila. Maipagpatuloy na nila ang buhay-mag-asawa nila."

Mismong si Tom naman umano ang lumapit kay PJ upang ipaliwanag ang kanilang problema ni Carla at aniya'y umiiyak si Tom habang ipinapaliwanag nito sa kanya ang nangyari. Gusto na umano ni Tom na muling makasama ang kanyang asawa.

“When he came over to talk to me and explain his side, he would cry along with his explanations and everything and he keeps on saying na he wants his wife back. He wants Carla back. He loves Carla very much that's why they settled down,” sey ng ama ni Carla.

Nakarating umano kay Carla ang naging pahayag ni Rey PJ na nakipag-one-night stand ang asawa, ngunit nauna na umanong sinabi ni Tom na wala itong katotohanan.

“At first, nalaman ni Carla na may issue na one-night stand na involved si Tom. Si Tom naman already able to explain kay Carla na wala naman din pong katotohanan ito at naiwasan naman din niya na mangyari 'yun.

“Wala pong natuloy na one-night stand according to Tom's side naman. 'Yun po ang scenario sa issue roon sa one-night stand,” paglilinaw pa ni Rey PJ.