Blind item, sinagot… RUFFA, NAGSALITA NA SA PINALAYAS DAW NA MGA KATULONG NA 'DI RIN PINASUWELDO

ni Ador V. Saluta - @Adore Me! | July 10, 2022

Sinagot ni Ruffa Gutierrez ang alegasyon ni dating COMELEC Commissioner at P3PWD Partylist Representative Rowena Guanzon na una'y tila blind item patungkol sa isang amo na pinalayas ang kanyang mga helpers without no reason and without paying their salaries.

Unang sabi ni Rep. Guanzon, “My friend has to rescue two household helpers who were thrown out of a first class village by their employers without paying their salaries. Where is your compassion?"

Mula sa nauna niyang tweet, binanggit na ni Rep. Guanzon ang pangalan ni Ruffa, asking whether the allegations were correct or not.

Nang makitang itinag siya ni Guanzon, Ruffa quickly responded. Agad niyang pinabulaanan na ang mga allegations tungkol sa kanya ay totoo at aniya, ang mga kasambahay niya ang may gustong umalis.

Sinabi rin niyang ang mga abogado na niya ang bahalang mag-resolve ng sitwasyon privately.

Paliwanag ni Ruffa, “Let me make it clear po. I did NOT fire anyone. They wanted to leave on their own accord."

Kalmado lamang ito sa isyu at sa mga sunod niyang panayam, mas pinili pa ni Ruffa na magsalita tungkol sa kanyang upcoming movie bukod sa pagiging hurado ng Sexy Babe segment ng It's Showtime.

Ipinaliwanag pa niya na bihira lamang siyang nag-i-stay sa kanyang bahay dahil sa sobrang busy o higpit ng kanyang mga schedules, especially inuumpisahan na niyang i-shoot ang bago niyang film project.

Bago pa ang isyung pagpapalayas nito sa mga maids, sinabi ni Ruffa na may kaganapan sa kanilang bahay na gusto niyang i-share sa public –– na 'yung dalawang house helpers were fighting her senior mayordoma.

Patuloy niya, pagkatapos ng insidenteng 'yun, security from the village was called to make sure her children were safe.

“Nang-aaway po sila sa ibang mga kasamahan sa bahay nang wala po ako. They were demanding to leave the house, which I said they were able to do AFTER I returned home from work, so I could talk to them before they leave."

Naikuwento rin ng single mom that she has been generous with her helpers and already considered them as part of her family.

Some of her helpers have been with her for 35 years and according to the actress, through thick and thin, they were there with her.

Ex-misis, friend na ngayon… JODI, NINANG SA ANAK NINA IWA AT PAMPI

ni Ador V. Saluta - @Adore Me! | July 9, 2022

Bilang patunay na all's well between her and her ex, Panfilo "Pampi" Lacson, Jr. at sa kinakasama nitong actress na si Iwa Moto, dumalo si Jodi Santamaria sa binyag ng anak ng mga ito na si Caleb Jiro.

Makikita sa larawang ibinahagi ni Iwa sa kanyang Instagram account nitong Biyernes, July 8, ang pagdalo ni Jodi kasama ang anak nito kay Pampi na si Thirdy.

"Thank you ninong and ninangs!!! We love you!!" caption ni Iwa.

"CJ you are lucky that you are surrounded with people that love you so much. Anak, alam mong mahal na mahal ka namin. And we will always be here for you. Always and forever. To infinity and beyond," dagdag pa ni Iwa.

Makikita rin sa photos pagkatapos ng baptismal ceremony ang reception ni Caleb Jiro na may temang Safari.

Matatandaang naging maayos ang relasyon ni Jodi sa kanyang ex pagkatapos nitong mag-reach-out kay Iwa nu'ng ipanganak ang kanilang daughter ni Pampi na si Hiromi Aiko Lacson.

Dating magkalaban… IT'S SHOWTIME AT LUNCH OUT LOUD, SANIB-PUWERSA NA!

ni Ador V. Saluta - @Adore Me! | July 8, 2022

Maraming natutuwa sa nalalapit na pagsasanib-puwersa ng dalawang noontime shows, ang ABS-CBN’s It’s Showtime at TV5’s Lunch Out Loud sa darating na mga araw sa Kapatid Network.

Nauna nang ibinalita ng TV5's showbiz anchor na si MJ Marfori sa kanyang TV5’s newscast na Frontline Pilipinas nitong July 6 ang nasabing collaboration ng dalawang giant shows, subali't wala pang anumang detalye o petsang inilahad sa pagtatambal ng dalawang shows bagama't may espekulasyong baka maganap ang pagsasanib-puwersa ngayong Hulyo.

Ayon pa kay MJ, ang “back-to-back" na pagsasama ng Lunch Out Loud at It’s Showtime ay magdaragdag-lakas para sa noontime entertainment at aniya pa, “Ang dating magkatapat, ngayo’y magkapatid na.”

Sa kasalukuyan, ang It’s Showtime ay napapanood lamang sa A2Z Channel 11 on free TV simula nang mag-shutdown ang ABS-CBN’s free TV channel noong July 2020.

Sa magaganap na sanib-puwersa, solid pa rin sa It's Showtime family ang mga main hosts na sina Vice Ganda, Anne Curtis, Vhong Navarro at Karylle, habang may kani-kanyang segments sa programa sina Kim Chiu, Ryan Bang, Amy Perez, at Jhong Hilario.

Ngayon, ang inaabangang $64 question mula sa madlang pipol ay kung ano kaya ang magaganap kapag nagkaharap-harap na ang It's Showtime hosts at ang kanilang lumayas na direktor na si Direk Bobet Vidanes?

Si Direk Bobet ang namamahala o creative director ngayon ng Lunch Out Loud, produced by Brightlight Productions, kung saa'y kasama ang ex-It's Showtime member na si Billy Crawford at Kapamilya host na si Bayani Agbayani.

It's Showtime is the next ABS-CBN Entertainment title to air on TV5, following ASAP Natin 'To, FPJ: Da King, the whole Primetime Bida block of ABS-CBN, and Idol Philippines.