Excited na raw makasama ang mga sikat na models abroad… ANAK NI PATRICIA, RARAMPA SA PARIS FASHION WEEK

ni Ador V. Saluta @Adore Me! | Sptember 12, 2024

Wala man sa local showbiz, mukhang sa pagiging sikat na modelo mauuwi ang anak ni Patricia Javier na si Robert Douglas Walcher IV, na itinanghal na Mr. Teen International 2023 sa Thailand at kinilala bilang isa sa mga modelo ng U.S.-based Filipino-American designer na si Kenneth Barlis.

Hindi pa rito nagtatapos ang journey ni Robert dahil pupunta siya sa Paris, France sa susunod na buwan kasama ang kanyang pamilya — ang kanyang Mommy Patricia, Daddy Robert Douglas Walcher, at ang kanilang bunso na si Ryan — dahil rarampa siya sa Paris Fashion Week sa Oktubre 4, 2024.

Sa interbyu kay Patricia, “He’s always working out, eating healthy food, and busy rehearsing his runway walk. He’s very excited kasi first time n’yang makakasali sa Paris Fashion Week at makakasama niya ang iba’t ibang mga modelo mula sa iba’t ibang panig ng mundo,” pagmamalaki ng aktres sa kanyang panganay.

Dagdag pa niya, “The event is two days only, but we are joining him—my husband Dr. Rob and our youngest son Ryan. Wala namang conflict sa school nila dahil semestral break kaya we can all go, parang family vacation na rin. 

“We are flying to France on October 1 and we will celebrate the 13th birthday of Ryan there. He’s turning 13 on October 2.”

Ayon kay Patricia, sinusulit lang ni Robert IV ang panahon nito bilang ramp model dahil ang pag-aaral pa rin ang pangunahing priority ng kanyang anak, ang makapagtapos ng college course at kumuha ng kurso gaya ng sa ama na isang chiropractor.

“Robert is serious with his studies. After high school, he will take a pre-med course. Four years ‘yun then another four years for his chiropractic degree in the USA. Pero sinabi ni Robert na gagawin n’ya ang lahat habang nandito s’ya sa Pilipinas, tatanggap pa rin siya ng mga TV guesting, modelling stints, at product endorsements. 

“Madalas din s’yang imbitahan na judge sa mga beauty pageants. Saka tinutulungan nila ako ni Ryan sa mga community charity work ko, like Balik-Eskuwela,” pahayag ni Patricia Javier.

---

Pagkatapos ng kanilang 12 taong relasyon, ikinasal na rin ang TV at movie personality na si Kaladkaren (Jervi Li) sa kanyang British fiancé na si Luke Wrightson. 

Sa pamamagitan ng kanyang Facebook (FB) post noong Setyembre 9, 2024, inanunsiyo ni Kaladkaren ang kanilang kasal noong Setyembre 8 sa ceremonial county ng Scarborough, North Yorkshire sa England.

Lahad niya, “The Wrightsons. 8th of September 2024. Wedding in the clouds.”

Kaugnay ng kanyang post, pangarap daw sana nina Kaladkaren at Luke na isang “sunny day” ang kanilang kasal, pero biglang naging “cloudy” at halos wala nang makita dahil foggy ang paligid. 

Sa kabila nito, naging masaya pa rin si Kaladkaren na pakiramdam niya ay siya ang pinakamasuwerteng babae dahil pinakasalan niya ang “love of my life” niya.

Inanunsiyo ni Kaladkaren ang engagement nila ni Luke sa pamamagitan ng Instagram (IG) noong Setyembre 9, 2020.

Mensahe ni Kaladkaren sa caption, “The man of my dreams asked me to marry him in our own little balcony. It’s OFFICIAL! May… Nagkatuluyan! #Engaged #LoveWins #TransLOVEmatters.”

Nagkaroon naman ng second proposal si Luke kay Kaladkaren noong Hulyo 25, 2024. Sa IG noong araw na iyon, ibinahagi ni Kaladkaren ang mga kuhang litrato ng second proposal sa kanya ng nobyo na nangyari pa mismo sa kalagitnaan ng prenup shoot nila sa London.

Maramdamin ang kanyang mensahe sa caption, “Proposal 2.0!!! (crying in tears emojis) Heart is full, hand is heavy! [ring emoji] #TheWrightsons. Luke and I got engaged in the middle of the pandemic, 4 years ago. It was just us two locked down in our apartment and we didn’t even have the chance to have a proper photo shoot until now. 

“I thought it was just an ordinary prenup shoot! Sobrang gulat ko nang muli s’yang nag-propose here in our favorite city at may ring upgrade!!!! Huhuhu. Worth the wait! You make me the happiest, my love!”

No. 1 sa Netflix… SERYE NINA BARBIE, DAVID AT ALDEN, TINALO NG KINA JANINE, ECHO AT JODI

ni Ador V. Saluta @Adore Me! | Sptember 3, 2024

May inianunsiyo ang Dreamscape para sa premiere telecast ng bagong seryeng Lavender Fields (LF) sa ABS-CBN Network kasabay din ng anunsiyong may advance telecast ang seryeng pinagbibidahan nina Jodi Sta. Maria, Jericho Rosales, Janine Gutierrez at Diamond Star Maricel Soriano sa Kapamilya channels at iWantTFC. 

Agad ding naglabas ng talaan na nangungunang programa sa Netflix PH ngayong Setyembre 2, Lunes, ang LF.  

Samantala, nasa pang-apat na puwesto ang Pulang Araw (PA) nina Alden Richards, Barbie Forteza, Sanya Lopez, David Licauco at Dennis Trillo.  

Kaya naman, inaabangan ng mga Kapamilya at Kapuso viewers kung masu-sustain ng LF ang kanilang #1 slot gayung nakaka-unang episode pa lamang ito na nagsimula sa Kapamilya Online ngayong Setyembre 2, Lunes, 9 PM pagkatapos ng Batang Quiapo (BQ). 

Hamon ng mga Kapuso, aabangan nila kung hanggang kailan mananatili sa top spot ang LF na kakaumpisa pa lang habang ang PA ay malapit nang mag-100 episodes.  

---

INANUNSIYO na ni veteran ABS-CBN news anchor Alvin Elchico nitong Sunday, Setyembre 1, ang pagkalas nito sa nakasamang co-anchor sa TV Patrol Weekend na si Zen Hernandez. 

Sa isang emosyonal na pamamaalam nito sa news program na pinagsilbihan ng newscaster for 13 years sa program's weekend edition, nagpahatid ito ng pasasalamat sa mga staff ng news program.  

Mensahe ni Alvin, “Ngayon po ang huling araw ko sa TV Patrol Weekend. At sa loob ng mahigit labingtatlong taon, mula 2011, ito po ang trabaho ko kada weekend, Sabado at Linggo, ang maghatid sa inyo ng mga nagbabagang balita tuwing Sabado at Linggo lang. 

“Malungkot ko pong iiwan ang mahal kong TV Patrol Weekend dahil dito ako nag-grow bilang isang news anchor, dito po ako nahasa sa tulong ng lahat ng staff at production team ng TV Patrol Weekend.”

Nagpaabot din ito ng pasasalamat at gratitude sa lahat ng nasa likod ng programa, sa buong news department, at sa top executives ng network para sa kanilang patuloy na tiwala. 

Papalit si Alvin sa beteranong news anchor na si Henry Omaga-Diaz na magma-migrate na sa Canada temporarily para makasama ang kanyang pamilya.  

Pahabol pa nitong mensahe, “Ipinapangako po namin na hindi namin kayo iiwan at patuloy naming palalakasin at pagagandahin ang pagkalap ng balita at impormasyon para sa sambayanang Pilipino sa Pilipinas at sa buong mundo. Hanggang sa muli, mga ka-weekend!”  

---

MAY sexy scenes o butt exposure si Tony Labrusca sa psychological drama thriller na What You Did (WYD). 

Sa panayam sa writer-director ng movie na si Joan Lopez-Flores sa mediacon noong Agosto 27, sabi niya, “Du’n naman po sa trailer na inilabas namin, I think you’ll get a hint of it. But I want people to see why it’s there, you know—not just the fact that it’s there.  

“It’s something na we discussed also when we filmed na inevitably, the character… ‘wag na, baka mag-spoiler ako. Panoorin n’yo na lang po!”  

Kung bakit pumayag siyang magkaroon ng skin exposure, pahayag ni Tony, “Ako kasi ‘yung type na ayoko ng nasa gitna. It’s either we go all the way or, like… ‘wag na ‘yung pa-cute na lang. So, nu’ng ginawa namin ‘yung scene, sabi ko, ‘Sige, Direk, itodo na natin ‘to!’ Hahahaha! Okey naman.”  

Todo, as in all-out? 

Sagot naman ni Direk Joan, “Ako actually ang nagho-hold back, eh. Kasi, I don’t want the film to be spoken about just because of… oh, my God!” 

Singit ni Tony, “Hindi naman, hindi naman! I don’t think so. We did it really well.”  

Sabi naman ni Direk Joan, “We did it in such a way na it feels palpable. Kumbaga, the scene is powerful enough in that sense, na merong ganu’ng sexy scene.”

Hinamon ng netizens na mag-commute… GOMA, 2 ORAS NA-TRAFFIC, EDSA BUS LANE PINABUBUKSAN

ni Ador V. Saluta @Adore Me! | August 31, 2024

Umani ng samu’t saring batikos ang aktor at Ormoc representative na si Richard Gomez matapos niyang ibahagi sa socmed (social media) ang karanasan niya nang maipit sa traffic sa EDSA. 

Pagkaraan niyang mag-post sa Facebook (FB) tungkol sa hirap sa trapiko nitong Huwebes, August 29, 2024, inirereklamo ng mambabatas ang mabagal na usad ng mga sasakyan sa EDSA, gayung mabilis at maluwag naman daw ang daloy sa parte ng bus lane.

Reklamo ng actor-politician, humigit-kumulang dalawang oras na siyang naiipit sa mabigat na traffic sa EDSA at hindi pa rin siya nakararating sa kanyang patutunguhan, kaya’t suhestiyon ni Richard, bakit hindi na lang buksan ang bus lane para sa ibang mga sasakyan tuwing mabigat ang daloy ng trapiko, para kahit paano ay lumuwag ang traffic.

Ayon sa post ni Cong. Goma, “2 hours in EDSA traffic and counting. From Makati, Ayala, nasa SM EDSA pa lang ako up to now. Eh, QC ang punta ko, 1 or 2 hours pa ba? Ilang bus lang ang gumagamit ng bus lane, bakit ‘di buksan during heavy traffic para mas lumuwag ang traffic?”

Napagtanto marahil ni Richard na 'di makatarungan ang kanyang reklamo sa socmed at agad naman niyang binura, ngunit marami na sa mga netizens ang nakapag-screenshot nito at ini-repost sa socmed. 

Mabilis na nag-viral sa social media ang FB post na ito ni Richard, kung saan marami sa mga netizens ang nadismaya sa anila’y pagiging “entitled” nito. Sabi pa nga ng iba, hindi porke't congressman siya’y may karapatan siyang magreklamo at sundin ng mga enforcers ang kanyang demand.

Tweet ng isang netizen (published as is), “Wow, Richard Gomez. Just wow. Eh, kung sumakay ka nalang kaya ng bus? Nakakahiya naman sa ‘yo na may sariling sasakyan at mas komportable kesa sa amin na nagsisiksikan makauwi lang, ha.”

Sabi pa ng iba, dahil naranasan niyang masangkot sa higpit ng trapiko, imbes na magreklamo, bakit hindi na lang magpasa ng batas na makatutulong sa matagal nang pinoproblema ng libu-libong commuters sa Metro Manila dala ng traffic?

Buwelta ng isang netizen, “Hello, Richard Gomez also known as Cong. GOMA. Ba’t kaming commuter pa mag-a-adjust? What if mag-propose kayo ng bill na hindi pahirap sa mga commuters? Please, guys stop voting entitled and out of touch politicians. Take the bus challenge please for @1richardgomez1.”

Sabi pa ng isa, “Nakakahawa ang pagiging TRAPO. ‘Yung isang araw mong naranasan, araw-araw na kalbaryo ng ordinaryong Pilipino. Kulang pa nga ang bus lane kung tutuusin para ibigay ang nararapat sa Filipino commuter. Ibang klase ka, Richard Gomez.”

Hamon pa ng ilan sa kongresista, subukan nitong mag-commute gaya ng ginagawa ng karamihan para maranasan niya ang hirap, pagod at pasakit sa ilang oras na pananatili sa kalsada dahil sa mabigat na trapiko.

“At dahil sa EDSA traffic rant ni Richard Gomez, dapat talaga required mag-public transport once a week ang LAHAT ng public officials. ‘Wag TNVS (Transportation Network Vehicle Service), ha? Jeep, bus, MRT, tignan natin ilan sa kanila ang magra-rant na pagod na bago pa makarating sa opisina,” sey ng isa.

---

BFF pa ni Kris ang todo-tanggol… JAMES, TAMEME LANG SA PAMBA-BASH NA BADING SI BIMBY

Ayon sa malapit na kaibigan at tagapagtanggol ng pamilya Aquino na si Dindo Balares, dating Entertainment editor ng Balita, pinaninindigan nito ang pagiging “straight” ng anak ni Kris Aquino na si Bimby Yap base sa kanyang post sa Instagram (IG) noong August 23, 2024. 

May ilang netizens kasi ang pumupuna sa pagiging “malamya” ng anak ni James Yap kay Kris, subalit pinangangatawanan at ipinaglalaban ni Dindo na nakasubaybay sa paglaki ni Bimby na walang dudang straight ang 17-anyos nang binata.

Nakapag-react si Dindo matapos lumabas sa Facebook (FB) ang ilang larawan ng gay couple na ang isa ay kamukha umano ni Bimby, habang naghahalikan sa tabi ng beach. 

Aniya, hawig lang ni Bimby ang guy sa photo at hindi si Bimby mismo.

Depensa ni Dindo, “Pati mga kaibigan ko sa entertainment media, nagme-message at nagtatanong tuloy sa ‘kin (kahit madaling-araw) kung si Bimby daw ba talaga ang nasa photos sa lumabas na fake news. Imagine, kung pati journalists nga, nagdadalawang-isip at halos makapaniwala na ng fake news, eh, di lalo na ang publiko.

“Sa comment threads (@), as usual, andami nang homophobic condemnations, judgments, at mahahalay na sinasabi. Sa photos na galing pala sa post na kuha sa engagement sa beach ng masayang gay couple, parang may hawig kasi kay Bimb ang isa dahil sa built ng katawan, eyeglasses, at pati gupit ng buhok. Kagamit-gamit para kumita sa social media.

“Pero ‘di si Bimb ‘yan. Napakarami kong kaibigang gays at madalas silang magkuwentuhan kung tunay na lalaki o closet queen ang isang minchung. (Ang lumang word, hahahaha! Sorry na agad, mga kapatid! Hahahaha!)”

Ayon kay Dindo, noong baguhan pa lamang siya sa showbiz ay naranasan din niyang “ma-scrutinize muna ng mga batikan at beteranong showbiz writers kung straight ba talaga o "ateng" din. At sa tagal na raw niya sa entertainment beat, natuto na rin siya kung paano “umamoy ng closet queen”. Pinangangatawanan ni Dindo, “Straight si Bim.”

Well, napuna lang namin, mabuti pa si Dindo at naipagtanggol si Bimby, pero bakit kaya si James Yap, nananahimik lang at 'di man lang maidepensa ang anak sa mga bashers nito?