TIRSO, TUTOL SA MANDATORY DRUG TEST SA MGA ARTISTA

ni Ador V. Saluta - @Adore Me! | October 5, 2022

Tulad ni Sen. Robin Padilla na nagsabing hindi lang ang mga artista ang dapat isailalim sa mandatory drug test kundi maging ang mga nagtatrabaho sa gobyerno, hindi rin sumasang-ayon ang Film Development Council of the Philippines chairman na si Tirso Cruz III sa panukalang mandatory drug test sa mga kapwa niya artista.

Ani Pip (palayaw ni Tirso), ang nasabing drug testing ay "greatly discriminatory" sa mga taga-industriya.

Nagpalabas ng kanyang mensahe si Pip pagkatapos i-propose ni Cong. Barbers ng Surigao del Norte ang nasabing panukala.

Mensahe ni Chairman Tirso, "The fight against trafficking and use of illegal drugs should be everyone's concern as law abiding of the country. We find it greatly discriminatory however that actors and performers from the entertainment industry are being singled out for drug testing."

Dagdag pa niya, "Worse, there is a strong move making producers shoulder the extra cost for all performers' drug test. This is outright unfair and burdensome coming from a pandemic that left so many of us out of work, and getting back on track remains a huge challenge," sabi pa ng FDCP chair.

Ayon pa kay Pip, the industry needs all the support it could get and not oppressive policies, gaya ng nasabing panukala.

Dagdag pa raw ito sa mga 'di makabuluhang bayarin o gastos and paralyzing the industry even more.

Ang nasabing mandatory drug testing ay inihain ni Surigao del Sur Representative Barbers, ang head ng House Committee on Dangerous Drugs, matapos maaresto ang actor na si Dominic Roco noong nakaraang Sabado kasama ang apat pa sa isang buy-bust operation sa Quezon City.

Sey pa ni Barbers, "Hinihiling at hinihikayat ko ang hanay ng ating movie industry na tumulong sa kampanya laban sa droga sa pamamagitan ng pag-police ng kanilang ranks at i-subject ang kanilang mga talents sa drug test bago bigyan ng pelikula," sey ng lawmaker.

Tanggap na maraming bashers… VICE SA MGA GALIT SA KANYA: LOSERS!

ni Ador V. Saluta - @Adore Me! | October 1, 2022

Muling bumanat ang It's Showtime host na si Vice Ganda sa kanyang mga bashers sa social media. Sa nakaraang episode ng Everybody Sing, naikuwento ng isang contestant na lagi raw niyang ipinagtatanggol si Vice sa tuwing may namba-bash sa Unkabogable Star.

Himutok ni Vice, "Sa social media, laging bina-bash ako. Ako 'yung the most followed personality in social media pero ang dami ring namba-bash sa akin."

May kasabihan nga na you can't please everybody, kaya't iniintindi na lamang niya ang mga pumupuna sa kanya.

"Kahit ano pang sabihin ko, 'di naman naniniwala 'yan, 'di ba? Kasi nga, hater ko sila, mga basher ko sila (at) never ko silang mapapaniwala kahit ano pang explain ko. Never, kasi to begin with, you don't like me. So whatever I do, tama man o maganda 'yan, you will never like it," aniya sa mga bashers niya.

"Because you don't like me," dagdag pa niya.

Kaya no point daw para siya'y mag-explain pa.

"And you know, bashers and haters, all of them are losers. And I don't want to talk to losers," mariin pa niyang sambit.

Nagpapasalamat naman si Vice sa kanyang mga supporters na ipinagtatanggol siya gaya ng nasabing contestant sa ES.

Nakikita ng mga Pinoy… JAKE ZYRUS, PALAGING LASING, NAGWAWALA SA TATE

ni Ador V. Saluta - @Adore Me! | September 29, 2022

May panibagong update si Tita Cristy Fermin tungkol sa kalagayan ngayon ni Jake Zyrus, ang dating si Charice Pempengco.

Sa online program na Cristy Ferminute, ikinuwento ng beteranang kolumnista na hindi raw maganda ang kalagayan ngayon ng transman-singer.

Marami umanong kababayan natin sa Amerika ang nakakakita kay Jake na laging naglalasing at nagwawala raw sa US.

Sa naging usapan, napuna ni Fermin sa kanyang online program ang singer, "Uy, pag-usapan natin si Jake Zyrus. (Kung) Ano na ang nagaganap kay Jake? Ang daming mga Pilipino na nagkukuwento sa iba't ibang lugar sa Amerika na parati siyang nakikitang lasing. At kapag naglalasing na, nawawala sa sarili, nagwawala."

Sundot naman ng isa sa dalawang co-hosts ni Tita Cristy, baka raw may mabigat na pinagdaraanan ngayon si Jake.

"Naku, mukhang mabigat ang mga pinagdaraanan nito. Mukhang maraming iniisip ito," ani Rommel Chika.

Sey pa ni Tita Cristy, "Matindi ito. Matindi ito. Kasi 'yung pag-inom, okay lang 'pag may okasyon.

Pero kapag nakainom na, eh, teka muna, ba't nagwawala? Ano ang kanyang malalim na problema?

"May malalim na problema itong si Jake. Dapat na niyang anuhin, talagang ayusin," sey pa ng beteranang kolumnista.

In fairness, nakakaramdam kami ng pagkaawa sa dating sikat na singer. Matatandaang nitong taong ito, tatlo sa mga kamag-anak ni Jake ang pumanaw.