Sey mo, Gerald? JOSHUA, UMAMING SI JULIA PA RIN ANG GUSTO

ni Ador V. Saluta @Adore Me! | May 26, 2023

Sumabak sa Fast Talk with Boy Abunda ang Kapuso actor na si Joshua Garcia at dito nga ay kinumusta ng King of Talk ang kasalukuyang relasyon ng aktor sa kanyang ex-girlfriend na si Julia Barretto.

Ang sagot naman ni Joshua, "Okay kami."

Sa katunayan, si Julia raw ang gusto niyang maka-partner sa isang project na ino-offer sa kanya ngayon.

Kuwento ng aktor, "Sabi ko sa mga bosses namin, kasi parang okay, secret lang natin ito.

May project na inihahain sa akin and they can't find a partner for me."

Dagdag pa niya, "And then, unang pumasok sa isip ko na bagay du'n sa character si Julia."

Ang wish pa nga ni Joshua, "Pero, 'yung usapan, hindi ko alam kung ano ang nangyayari.

Pero, sana ay payagan ng management si Julia."

Naks! Nakakatuwa namang malaman na maayos pala ang pakikitungo ng dating magkarelasyon na sina Joshua at Julia sa isa't isa.

Sana nga, matupad ang hiling na ito ng aktor at muli nating mapanood ang dalawa sa isang proyekto.

G-FORCE, 'DI KAWALAN SA CONCERT NI SARAH

ni Ador V. Saluta @Adore Me! | May 24, 2023

Usap-usapan pa rin hanggang ngayon ang diumano'y "breakup" nina Popstar Royalty Sarah Geronimo at G-Force Creative Director Georcelle Dapat-Sy after 16 yrs. na pagtatrabaho dahil sa sinasabing "artistic differences" nilang dalawa.

Hindi nga natuloy ang nais ni Georcelle na ang grupo niya ang maging back-up dancers ni Sarah sa ginanap na 20th anniversary concert nito sa Araneta Coliseum last May 12.

May ibang baguhang dancers ang nais na isama ni Sarah sa kanyang 20th anniversary concert upang mabigyan ang mga ito ng break at exposure.

Kaya hindi nagkasundo ang dalawang panig dahil ayaw ipagamit ni Georcelle ang dance steps para sa kantang Tala 'pag hindi ang grupong G-Force ang nasa frontline.

Bukod dito, may isyu pang gusto ni Georcelle na siya ang magdirek ng 20th anniv concert ni Sarah na hindi naman umubra.

Dahil dito, ayaw tumigil ng mga Popsters sa pagkondena kay Georcelle, dahil 16 years nga naman ang pinagsamahan nila ni Sarah, pero bakit daw nauwi sa ganu'n ang relasyon ng dalawa?

Napapaisip tuloy ang mga netizens kung talagang itinuring ba ni Georcelle na kaibigan si Sarah sa loob ng mahabang panahon nilang pagsasama o baka naman strictly-business lang ang lahat para sa kanya?!

'Di ba, may tsika pang nagpadala ng demand letter si Georcelle kay Boss Vic del Rosario ng Viva at nagpapabayad ito ng P150 K para sa choreography na gagamitin sa nasabing concert kapag hindi ang grupong G-Force ang kasama ni Sarah?

Agad naman itong inalmahan ni Georcelle, letter lang daw ang kanyang ipinadala sa Viva at hindi demand letter.

Sey ng isang netizen, "Ganu'n na rin 'yun."

Umakyat na raw sa ulo ni Georcelle ang kasikatang tinatamasa niya.

"Feeling artista na si Teacher Georcelle. Lumaki na talaga ang ulo! Tsk, tsk!"

"Sana ay pumunta man lang si Teacher Georcelle sa 20th anniversary concert ni Sarah para magpakita ng suporta," ani Rommel Chika sa nakaraang May 23 edition ng Cristy FerMinute na napapanood sa YouTube channel ng TV5 na One PH.

Sabi nga ni Direk Paolo Valenciano na tumayo bilang co-director ni Sarah sa kanyang 20th anniversary concert, "Sarah G. is Sarah G. at kahit ano pang kanta, kahit anong sayaw, basta't kinanta na ito ng isang sikat na artista, lalo na si Sarah G. ay tatatak na ito sa mga tao."

Marami ang nag-agree sa sinabing ito ni Direk Paolo na kahit ano pang sayaw o choreography, ibang-iba raw 'pag si Sarah na ang gumawa.

Sa katunayan, kahit binago ang choreo noong gabi ng concert, talagang umapaw pa rin sa dami ng tao ang Araneta Coliseum.

In fairness sa mga baguhang back-up dancers ni Sarah, mas bongga ang bagong grupong nakasama niya sa Big Dome at tila tinalbugan pa ang dati niyang back-up dancers na G-Force.

Kaya raw ang buong Big Dome, nagmistulang party house dahil sumasabay sa pagsayaw ng singer ang mga tao dahil sobrang astig ng mga bagong dancers niya.

Sa totoo lang, ang dami talagang magagaling na dancers na hindi lang nabibigyan ng break dahil sa tinatawag na "connections."

MICHAEL, AMINADONG 'DI MASAYA KAHIT MARAMING PERA

ni Ador V. Saluta @Adore Me! | May 19, 2023

Sa isang eksklusibong panayam ni Julis Babao sa kanyang YouTube channel sa pangalawang anak nina Pambansang Kamao Manny Pacquiao at Jinkee Pacquiao na si Michael Pacquiao, ibinahagi nito ang kanyang mga naranasang pambu-bully habang siya ay nag-aaral sa isang exclusive school sa General Santos City, hometown ng mga Pacquiao.

Akala raw ng kanyang mga schoolmates at kaklase na siya ay mayabang at maarte dahil sa nakaugalian nila sa bahay na pagsasalita ng English at maging sa exclusive school na kanyang pinanggalingan. Hindi alam ng marami na si Michael ay nag-aral ng elementary sa isang exclusive school sa Laguna.

"I couldn't fit in, kasi Pacquiao, eh. So, they thought inglesero lang. So, people thought na ano, na maarte ako, and then wala akong masyadong ano ru'n, eh, friends."

Tinutukso at tinatawag daw siyang pangit at maitim, malayo raw ang hitsura niya sa kanyang mga kapatid.

"I was bullied because of my appearance. I’m not guwapo. No one really wanted to talk to me, because of my name also. They were afraid.

"Most of the time in school, I would hear... make fun of me, saka they would make fun of my face, my name, saka backstab me, talk behind your back."

Ang masakit pa raw, ang gumawa sa kanya nito ay ang inakala niyang mga kaibigan.

"They were pretending to be [my] friends because 'yung name ko. People were nice to me because they just wanted something from me. Ilibre ko sila, like that. In reality, they don't really genuinely like me for who I am," ani Michael.

Nakaramdam daw siya ng malasakit at simpatya sa itinuring niyang dalawang tunay na mga kaibigan noong nasa high school siya.

"I was thankful that I had two actual friends there. They were genuinely there for me. Blessed ako ru'n. I could talk to them, they would ask me, 'Are you okay?'"

Kaya naman, ang payo ni Michael ay huwag nang papansinin ang mga nambu-bully dahil magdudulot lang ito ng away.

"If you listen, didibdibin mo siya, you'd dwell on it, you would start to believe them. They would be dictating who you are and you would lose yourself.

"You shouldn't listen to them. Have someone to talk to like relatives, friends. Cancel out the noise.

Believe you are not what they say you are. Who are they to judge you?" katwiran ni Michael.

Dahil sa mga naranasang depresyon noon, tinangka pa raw niyang magpakamatay.

Hindi raw ito alam ng kanyang mga magulang. Pero natauhan naman daw siya at hindi nga itinuloy ang balak.

Instead, sinabi niya kina Manny at Jinkee ang pinagdaraanan at kinausap siya nang masinsinan.

Itinuon daw ni Michael ang atensiyon sa fitness, tulad ng boxing at paggawa ng musika kaya unti-unti na niyang na-overcome ang depression.

Samantala, naibahagi rin ni Michael ang kalagayan ng mga magulang, si Manny na isang bilyonaro at in-acknowledge ng Forbes Magazine na isa sa mga pinakamayaman sa Pilipinas.

Aniya, "Marami raw kasi ang nag-aakalang mas magiging masaya ang buhay kung 'Kasingyaman ko si Pacquiao.'

"It's funny when people say that. They don't know talaga... just because na mayaman kami, wala nang problems, 'cause money doesn't solve all problems.

"I still have many problems personally. I'm glad I have people beside me to help me go through."

Aniya pa, "It’s not fulfilling based on my experience now. There was a time I would ask my mom or I would just buy whatever I want.

"I thought it would make me happy, make me satisfied, make me fulfilled. But it's not the case. It's not permanent."

Dagdag pa ni Michael, nagbibigay-kasiyahan daw sa kanya ang mga simpleng bagay sa mundo.

"In my experience, the most satisfying, the most enjoyable things that I've done were the most satisfying, like hang out with friends. 'Yung mga simple lang... I like food outside,"

pagtatapos ng batang Pacquiao.