After kumalat na break na… LIZA AT ENRIQUE, FOR PUBLICITY LANG ANG PAGSASAMA ULI

ni Ador V. Saluta - @Adore Me! | June 22, 2023

May panibagong update na naman sa sinasabing hiwalayan ng celebrity couple na sina Liza (o Hope) Soberano at Enrique Gil, dahil naispatang nagdi-dinner ang dalawa na tila nagkabati na.

Subali't hindi ito kinagat ng ilang netizens dahil produkto raw ito ng damage control o publicity dahil may mga nakalaan pang proyekto para sa dalawa.

Sabi pa ng suking BULGAR reader na si Jomy Capareda ng Sta. Barbara, San Mateo, Rizal, “‘Wag n'yo na kaming paglolokohin. Pagkatapos maging nega, pababanguhin ulit ang mga pangalan?

Ito namang si Enrique, nagpapagamit? Bakit? Dahil may gagawin siyang project?! 'Di na, uy!” wari'y galit na mensahe ng netizen.

Naisip siguro ng ilang prodyuser na malakas pa rin ang LizQuen tandem, kaya't nanghihinayang sila sa hiwalayan ng dalawa.

Lalo na si Enrique, may nakatakdang project, kaya nararapat na pabanguhin ulit ang kanyang pangalan.

After kasing magdesisyon si Liza na mag-solo at kumawala na sa love team, tila nalaos na rin ang Kapamilya actor.

So, ano kaya'ng masasabi ni Enrique sa akusasyon sa kanya ngayon ng mga fans?

Kaya raw naghiwalay… RICCI, NAHULI SA AKTO NI ANDREA NA MAY IBANG BABAE SA CONDO

ni Ador V. Saluta - @Adore Me! | June 18, 2023

How true na nahuli raw sa akto itong si Ricci Rivero ni Andrea Brillantes na may kasamang ibang girl sa condo nito?

Meaning, ginamit ni Ricci ang condo para ru'n sila mag-bonding o mag-usap ng nasabing girl?

Napa-react nga si Ogie Diaz sa kumalat na tsika, dahil ang akala ng lahat, "one-woman man" ang basketball star.

Si Ogie rin ang nagtsika sa kanyang YouTube vlog ng tungkol sa hiwalayan ng showbiz couple.

Una nilang napag-usapan ang tungkol sa statement na inilabas ni Ricci Rivero na diumano'y kinopya lang sa sikat na artificial intelligence (AI) chatbox ngayon na Chat GPT.

"'Yun ay hindi naman pala si Ricci ang nagpo-post, hango sa Chat GPT," sabi ni Ogie.

Plakado raw na kinopya ni Ricci Rivero 'yung kanyang itinanong du'n sa AI.

Ipinakita rin ni Ogie ang screen sa resulta ng nasabing AI.

Hanggang sa napag-usapan din nila ang tungkol sa natanggap na pamba-bash ni Ricci dahil sa umano'y nahuli nga ito ni Andrea na may kasamang ibang babae sa condo.

Ayon kay Ogie, parang hindi raw ito confirmed.

"Aside from that, bina-bash din si Ricci kasi nahuli raw. Nahuli ni Andrea Brillantes itong si Ricci Rivero sa condo na may babae..." na base pa sa description ni Ogie ay parang matangkad.

"Pero 'yan ay hindi natin confirmed. 'Yan lang ho ang resibo, oh," may pasubali pang sabi ng talent manager-vlogger.

Hintayin natin kung iko-confirm or ide-deny ni Andrea ang balitang 'yan.

DONNY, IPINAGSIGAWANG PROUD NA PROUD KAY BELLE

ni Ador V. Saluta @Adore Me! | June 14, 2023

Kuwento ng aming source, isang oras bago umpisahan ang A.S.A.P. Natin ‘To last Sunday, June 11, nakatakdang magkaroon ng celebration para sa 21st birthday ng Kapamilya actress na si Belle Mariano, pero hindi ma-contact ng production staff ang kanyang on-screen partner na si Donny Pangilinan.

‘Yun pala, paandar lang ito ng Kapamilya actor at alam ng lahat na may inihanda itong sorpresa para kay Belle. Ang siste, habang nasa stage ang actress, dapat ay biglang lalabas si Donny upang sorpresahin siya.

Pero nang magsimula na ngang kumanta si Belle, hindi pa rin nagpapakita si Donny. Na-pressure raw ang buong production staff at todo-tanong kung bakit wala pa ang actor.

Well, ang hindi alam ng lahat ay nagtatago pala si Donny sa isang dressing room malapit sa Studio 10 at naghihintay lamang ng cue para umakyat sa stage.

Nang matapos na ngang kumanta si Belle, saka naman tinawag ang pangalan ng actor.

Nagpaliwanag si Donny na hindi siya na-late, “I was at the dressing room watching her perform.”

Pagkatapos na kantahin ng actress ang dalawang bago niyang kanta na siya mismo ang nag-compose, ang Tanging Dahilan at Sigurado, saka naman tinawag si Donny na may dala-dalang bouquet of white roses.

Nagbigay din ng mensahe ang actor para kay Belle. Proud daw siya rito at sa lahat ng narating nito sa industriya.

Ani Donny, “It's just a flashback of everything that's happened. It's nice to see you here right now celebrating your birthday. It's just so nice that such a young age you have achieved so much. Sobrang proud ako sa 'yo. Alam mo 'yun.”

Sinabi rin ng actor na buo ang suporta niya kay Belle, “I will be here to support you in everything and I’m just so amazed with what you have achieved and I always believe and I know there's so much more that you will achieve and I always believe in you.

“It's so nice that you inspire so many people especially the youth. You have such an amazing voice, not just by singing but a voice in general.”

Pagpapatuloy pa ni Donny, “I'm so sure that 5-year-old Belle will be so proud of you if she saw you right now.”

Ibinahagi ni Belle ang kanyang birthday wish pagkatapos niyang i-blow ang candle sa kanyang birthday cake.

“Siguro, for this year, for the age of 21, I wish this year to be an amazing year for me. A year full of blessings, lessons and growth.”