Todo-post ng sexy pic sa socmed… CRISTY: KATHRYN, TINATAKAM LANG SI DANIEL

ni Ador V. Saluta @Adore Me! | January 27, 2024

Maraming na-shocked sa latest photo na ipinost ni Kathryn Bernardo kung saa'y naka-bikini ang Asia's Superstar. Kuha ito sa isang beach resort habang kasama ang ilang true friends sa panahong nagpapalipas ito ng mga pinagdaanang 'di magaganda sa kanyang buhay-pag-ibig.

Kung may mga natuwa na nagpapa-sexy na si Kathryn, merong nagbubunyi at meron ding kontra. 

Kontra ang ilan dahil may magandang imahe ang aktres sa mga fans, lalo na't brokenhearted ito sa ngayon at halos 90 percent ng mga KathNiel ay kampi sa kanya. 

Nakapagbigay tuloy ng kanyang advice ang radio anchor at dating kolumnistang si Cristy  Fermin kay Kathryn, "Hindi naman natin masasabing nagwawalwal si Kathryn, pero piliin, anak. Piliin ang dapat ipakita sa publiko, para hindi ka nakakatanggap ng mga negatibong pahayag at komento."

May punto si Tita Cristy, ang mga paseksing larawan ay para lamang daw sana sa kanyang pribadong gamit. "For Your Eyes Only" nga lamang dapat. 

"'Yung kay Kathryn Bernardo, hindi kagandahan, ano? Hindi kagandahan itong mga huling nababasa natin, nasusulat, at saka 'yung mga komentong tinatanggap niya," pansin nito kay Kathryn sa latest episode ng kanyang show na Showbiz Now Na!.

"Salungat din ito sa kasabihang, 'If you have it, flaunt it!' Pero sana, sa takdang panahon dahil siya'y nursing a broken heart at ang intindi ng iba'y tinatakam lamang nito ang kanyang ex na si Daniel Padilla." 

Aniya pa kay Kathryn, "May mga 'di nakakaunawa kay Kathryn ngayon dahil sabi nga natin, ngayon pa lang niya sinasamantala ang panahon para siya ay makapaglibang at mapatunayan at maranasan ang pagiging babaeng malaya," pagtatapos ni Tita Cristy.

Video ng ‘secret’ na usapan, kumalat… VICE, PUMALAG NA NAWAWALAN NG PRIVACY SA IT’S SHOWTIME

ni Ador V. Saluta @Adore Me! | January 20, 2024

Tila 'di nagustuhan ng It's Showtime host na si Vice Ganda ang laman ng content ngayon sa TikTok na ipinapakitang nagli-lip read sa mga hosts ng noontime show habang hindi nakatutok sa kanila ang camera at hindi naka-on ang kanilang mga mic.

Kung tatanungin si Vice, hindi raw ito maganda dahil lilikha lang umano ito ng mga rumors na baka kung anu-ano na lang ang sinasabi ng mga tao tungkol sa kanila. 

Ayon sa host, “May mga madlang people na nagbi-video, tapos inili-lip read tayo sa TikTok. That’s so bad." 

Bukod sa pagiging delikado umanong content nito, inihayag din ni Vice na deserve rin ng mga hosts na magkaroon ng privacy dahil personal na discussion nila 'yun at hindi dapat isapubliko.

Aniya pa, nakakatakot daw na baka mali ang 'ilagay sa bibig' nila at ikalat. 

“Ang nakakatakot kapag mali 'yung sinasabi, tapos kakalat," ani Vice. 

Agree sa comment si Dani kay @ladyvicey sa X (dating Twitter) na nagsabing, “Siyempre, nakaka-offend sa part namin kasi siyempre, deserve rin naman namin ng privacy at mag-usap-usap bilang magkakaibigan.

"Boundaries, guys. Hindi lahat, kailangang alam at malaman natin," 

Together again sila ni Bianca… "REUNITED AND IT FEELS SO GOOD" — SHERWIN

ni Ador V. Saluta @Adore Me! | December 30, 2023

Sa gitna ng kontrobersiyang kinakaharap ngayon ng kanyang karelasyong beauty queen-actress na si Bianca Manalo, hindi nagpapatinag si Sen. Sherwin Gatchalian sa mga bashers na pumupuna sa kanilang samahan.

Kahapon, Biyernes (December 29), nag-post ang senador sa Instagram na magkasama sila ni Bianca sa picture. Kasalukuyang nasa bakasyon sa Vancouver, Canada ang dalawa spending the Holiday Season.

Ang kanyang caption: "Reunited and it feels so good."

Maraming friends from showbiz ng dalawa ang nag-comment at isa na nga rito si Ruffa Gutierrez na isa sa mga artistang close kay Bianca. 

Aniya, "Naks! Kasalan na!@stgatchalian74@biancamanalo".

Matatandaang nasangkot sa isyung 'pangangaliwa' si Bianca dahil kay Rob Gomez, ang co-star ng beauty queen-actress sa dating GMA afternoon series na Magandang Dilag.

Starring role sa seryeng nagtapos na si Herlene Budol na sangkot din sa kontrobersiya dahil sa pagkakalantad ng maseselang convo o pag-uusap nila ni Rob.

Sa mga panayam kay Senador Win, tila 'di ito apektado sa isyu ng kasintahan kay Rob at sabi'y mga fake news lamang daw ang mga naglalabasang ulat.

Sa limang taon nilang pagsasama ni Bianca, ngayon lang nadamay sa isyung tulad nito ang beauty queen-actress.