Sa ilong tumubo, namaga… NIÑO, ISINUGOD SA OSPITAL DAHIL SA TAGHIYAWAT

ni Ador V. Saluta @Adore Me! | April 12, 2024

Saglit na nahinto ang teyping ng Batang Quiapo kung saa'y kasama sa eksena sina Niño Muhlach, Ivana Alawi at Niko Natividad. 

Isinugod sa ospital ang dating Child Wonder dahil kumikirot ang ilong na tinubuan ng taghiyawat.

Sa kanyang Facebook live nito lamang Miyerkules (April 10) ay ibinahagi ng actor na sobrang sakit umano ang nararamdaman ng kanyang ilong dahil sa tumutubong pimple. 

Nagpaalam na raw siya sa taping ng Batang Quiapo dahil hindi na raw siya makaarte nang maayos sa sobrang sakit. 

Kitang-kita sa kanyang live video na siya'y sakay ng kanyang kotse na nakasunod sa ambulance na pag-aari ng production team. 

Bakit nga ba hindi siya sumakay sa ambulansiya?

"Ayoko. Nabalitaan ko, maraming namatay sa ambulansiyang 'yun," biro pa ni Niño.

Panay naman ang daing niya habang itinatakbo sa ospital. 

“Sobrang sakit na ng ilong ko. May taghiyawat sa loob, ayan, namamaga na po.

“Wala na, sobrang sakit talaga. Hindi ko na kayang mag-dialogue tsaka hindi na ako makaarte nang maayos,” dagdag niya. 

Matapos ang gamutan ay bumalik din naman agad si Niño sa taping.

"Guys, nakabalik na po ako dito sa shooting namin ng BQ (Batang Quiapo). Thank you po, Dra. Ortiz & Paul Ed Ortiz of Ortiz skin clinic," pasasalamat ni Niño Muhlach.

Echo, todo-papansin… ALDEN, DEDMA SA POST NI KATHRYN

ni Ador V. Saluta @Adore Me! | April 11, 2024

Nitong nakaraang Sunday, April 7, ibinahagi ni Kathryn Bernardo ang isang photo collage kasama ang kanyang fur baby. Maraming showbiz friends ng actress ang nag-comment especially ang nali-link sa kanyang si Jericho Rosales, na kamakailan lamang ay naging bisita ni Kathryn sa kanyang ika-28th birthday sa El Nido, Palawan.

Agad na nag-viral ang reaction ni Jericho sa post ni Kathryn na ang nakalagay sa caption ay: "My bb."

Umabot sa 1,026,680 likes ang naturang post ni Kathryn, pagpapatunay na siya pa rin ang most followed celebrity sa social media.

"Oh my gahd," sabi ni Jericho sa kanyang comment. 

Hinihintay naman ng mga maka-Alden Richards kung magko-comment din ang aktor sa post ni Kathryn but so far, wala pang comment ang Pambansang Bae.

Todo-pakiusap sa staff… JANINE, INSECURE, AYAW MAKASAMA SA STAGE SI KIM

ni Ador V. Saluta @Adore Me! | April 5, 2024

Sa nakaraang episode ng Cristy Per Minute, napag-usapan ng showbiz columnist na si Tita Cristy Fermin at co-host na si Romel Chika ang pagtanggi ni Janine Gutierrez sa role ni Juliana sa teleseryeng Linlang na napunta kay Kim Chiu.  

Sino nga ba ang mag-aakalang pumatok ito sa mga viewers at naging hit serye pa ito?

Totoo man o hindi, masasabing mas sumikat at napag-usapan si Kim dahil sa Linlang.

Mistulang nananahimik naman ang career ni Janine dahil pagkatapos ng Dirty Linen, pahinga muna ang actress.                                                                  

Sabi nga ng mga netizens, Janine's loss is Kim's gain. Naging pasaporte rin ito ni Kim para siya ang kuning bida sa Pinoy adaptation ng Korean series na What's Wrong with Secretary Kim.

Naging usap-usapan din sa social media ang chikang nabanggit para kainsekyuran ni Janine ang It's Showtime host. 

Ayon sa ilang source, at ayon na rin sa topic na pinag-usapan sa Cristy Per Minute, kinakausap umano ni Janine ang ilang production staff ng Sunday's longest variety show na ASAP na huwag silang pagsabayin ni Kim sa ASAP stage.

Bukod umano sa insecurities ni Janine kay Kim, isa pang isyu ay ang chismis na tila sinasalo raw ni Kim ang mga dapat ay kay Janine. 

Although hindi pa confirmed na mag-on na sina Kim at Paulo Avelino, pero kitang-kita ng mga viewers ang ka-sweet-an ng dalawa on and off cam nu’ng mag-guest sa programang It's Showtime si Paulo weeks ago. 

Part man ‘yun ng promo ng What's Wrong with Secretary Kim?, wala raw 'wrong' with Kim at Paulo na maging couple dahil parehong single ang dalawa.