VICE, PROUD NA IDINISPLEY ANG BAGONG HITSURA

ni Ador V. Saluta @Adore Me! | April 25, 2024

Hindi ikinakaila ni Vice Ganda ang journey ng kanyang buhay mula sa pagtawag sa kanyang 'Totoy' nu'ng siya'y bata pa at pagiging pakalat-kalat sa mga kalye ng Kamaynilaan hanggang sa  nagsimulang hubugin ang kanyang buhay mula sa lansangan ng Blumentritt, Sta. Cruz sa Maynila. 

May kakambal na suwerte si Totoy dahil naramdaman at natuklasan niyang meron pala siyang talento sa pagpapatawa at pagkanta na inumpisahan niyang linangin sa mga comedy bars gaya ng PunchLine, Laffline at iba pang entertainment bars sa Kamaynilaan.

From being a comedy bar host, masasabi ngang itinadhana ang masuwerteng landas ni Vice nang magsimula siyang makilala as comedian-host ng It's Showtime 14 years ago. Hindi man siya kagandahan dati, tanggap ng madlang pipol ang kanyang kakaibang style ng comedy.

Sa mga nakasubaybay dati sa mga pinagdaanang buhay ni Vice, tila isang himala kung bakit malayung-malayo na ang hitsura nito noon sa ngayon. Para na siyang “prinsesa” sa ganda.

Kaya't looking back, proud na ibinida ng Unkabogable Star at It's Showtime host ang kanyang biggest transformation. 

Sa kanyang Instagram post, ibinahagi ni Vice ang dati niyang video nu'ng nagsisimula pa lamang siya sa industriya kumpara sa kanyang hitsura sa ngayon.

With background music na Magasin ng Eraserheads, kitang-kita ang mala-reynang ganda ng dating batang-lansangan noon. 

Hirit niya sa kanyang caption:“GANDANG 'di mo inakala! Ganunyon!” 

Well, sa dami na ng pera ni Vice ngayon, 'di pa ba siya magmumukhang-diyosa?

ECHO, HININGI RAW SI KATHRYN SA ABS-CBN MAKASAMA LANG

ni Ador V. Saluta @Adore Me! | April 21, 2024

Excited naman ang actor na si Jericho Rosales sa kanyang comeback project sa ABS-CBN.  Isang teleserye at bida role ang nakatakdang gawin ni Echo (palayaw ng actor) pero hindi pa sinasabi kung sino ang kanyang makakapareha at kung sinu-sino ang members ng cast.

Sa panayam kay Echo ng ABS-CBN News, ibinahagi niya kung bakit tinanggap ang proyekto pagkatapos ng anim na taon. 

“I'm very excited, sobrang tagal ko nang 'di nakabalik sa ABS-CBN  and it's nice to be back.” sey ng Kapamilya heartthrob.

Aniya, it's an offer that's hard to refuse.

“It's really a good project. For me, timing is everything and it's the perfect project, something that aligns sa goals ko for my film career, TV and streaming .The story is good," paulit-ulit niyang sabi.

Bukod sa nabanggit na teleserye, may inihahanda rin daw na malaking film project ang Star Cinema.

“I'm really happy with this energy now that I'm back in front of the camera, announcing stuff that I've been working on,” ani Echo.

Hanggang sa ngayon, napamahal na rin si Echo sa mga fans na sumuporta sa kanya dati  gaya ng hit seryeng Pangako Sa 'Yo with Kristine Hermosa, Sana'y Wala Nang Wakas, The Legal Wife, at Halik, ang huli niyang teleserye sa ABS nu'ng 2018.

Dahil sa bitin nitong pahayag, nag-a-assume ang mga fans na si Kathryn Bernardo nga ang kanyang makakapareha sa nasabing proyekto. 

Hindi kaya ito ang kanyang deal sa kanyang pagbabalik-Kapamilya — ang makasama ang Asia's Box Office Superstar?

Love team nila ni Belle, masisira… DONNY, BINAWALANG MANLIGAW KAY KATHRYN

ni Ador V. Saluta @Adore Me! | April 20, 2024

Dahil on its last episode na ang Kapamilya hit seryeng Can't Buy Me Love nina Donny Pangilinan at Belle Mariano, lumutang ang balitang nanliligaw umano ang aktor sa Asia's Superstar na si Kathryn Bernardo. 

Sa vlog ni Ogie Diaz noong April 14, 2024, nauna niyang tinalakay ang isyung nanliligaw sina Alden Richards at Jericho Rosales  kay Kathryn.

Pero nitong April 16, naglabas din si Ogie ng blind item tungkol sa isang "young actor" na sumubok ding manligaw kay Kathryn na tila bawal pa noon magsalita ang subject dahil ongoing pa ang serye nito sa kalabtim.

Ayon kay Ogie, naudlot ito sa ‘di malamang dahilan. Una, tila ang Can't Buy Me Love ang dahilan kaya't urong-sulong pa sa panliligaw ang kalabtim ni Belle at bawal sa actor na magsalita tungkol dito.

Mabilis namang nahulaan ng mga fans na si Donny ang tinutukoy ni Ogie na young actor na nagkagusto rin kay Kathryn. 

Ayon pa kasi sa ibang sources, imbitado dapat si Donny sa 28th birthday ni Kathryn sa El Nido, Palawan last May 28, pero dahil baka nga magkaroon ng isyu, minabuti na lang ng aktor na 'wag dumalo.

Napag-alaman naman ng PEP.ph mula sa third source (five sources daw lahat) na nanliligaw din si Donny kay Kathryn.

May "K" daw na manligaw si Donny kahit kanino dahil single ito at walang inaaming karelasyon ngayon kahit may kalabtim sa network. 

Nagtanong pa nga raw ang PEP.ph sa fourth source at nasabi nitong single nga si Donny. 

Nang balikan ng PEP.ph si first source, kinumpirma naman na sumubok manligaw si Donny kay Kathryn, pero huminto rin kinalaunan.

Walang sinabing dahilan si first source kung bakit naudlot ang pagporma ni Donny kay Kathryn, subali't ayon sa tsika, mahigpit na ipinagbabawal sa aktor na humiwalay sa kanilang DonBelle tandem ni Belle.

Sa dami ng nauugnay kay Kathryn, tila "matira ang matibay" ang labanan.

Sa kampo naman ni Kathryn, wala pa silang opisyal na pahayag sa pagkakaugnay sa kanya nina Alden, Jericho at Donny.

Ang sabi naman ng fifth source ng PEP.ph, hindi pa nakakasiguro ang sinumang nanliligaw kay Kathryn kung handa na ba ang dalaga na pumasok uli sa bagong relasyon. Nasabi kasi noon ng actress sa nakaraan nitong panayam na ine-enjoy muna nito ang pagiging free at single.

Isang taong malapit sa pamilya ni Kathryn ang sumang-ayon daw sa obserbasyon ng ilang showbiz insiders na baka naghihilom pa si Kathryn sa breakup nito kay Daniel Padilla.

Kung matutuloy ang KathDon love team, labis itong ikagagalak at susuportahan ng mga Kathryn fans dahil magkakasama sa wakas ang two top moneymakers ng ABS-CBN at Star Cinema.

Ayon sa mga fans, "Sana, sumang-ayon ang Star Cinema. Today, Kathryn and Donny are considered ‘Mine of Gold,’ ng showbiz."