Para sa mga anak… RICHARD AT SARAH, NAGKIKITA NA ULI

ni Ador V. Saluta @Adore Me! | May 17, 2024

File photo: Richard Gutierrez at Sarah Lahbati

Muli umanong nagkita ang naghiwalay na mag-asawang sina Richard Gutierrez at Sarah Lahbati. 

Ibinahagi ito ng columnist-radio anchor-host na si Cristy Fermin sa May 15 episode ng kanyang show na Cristy Ferminute.

Ayon kay ‘Nay Cristy, “Ako’y maligayang-maligaya para sa mga anak nina Richard Gutierrez at Sarah Lahbati. Kasi ‘yung kanilang si bunso, si Kai, ay nag-moving up. Eh, siyempre, dapat nandu’n ‘yung mga magulang para ipakita sa kanilang mga anak na proud sila.”

Komento naman ng kasama nitong si Rommel Chika, “‘Yan ang nakakatuwa, 'Nay. Hindi sila bumibitiw sa kanilang mga anak sa kabila ng hindi pagiging buo ng kanilang pamilya, co-parenting sila.”

“Totoo ‘yan, totoong-totoo ‘yan. At nakakatuwa po, si Richard Gutierrez ay talagang napakaresponsableng ama. Manang-mana sa kanyang tatay, si Tito Eddie Gutierrez,” hirit pa ni Cristy Fermin. 

Good news ito, malay natin, baka ito ang maging daan para magkaroon ng pagkakataong makapag-usap uli ang dalawa at magkabalikan.

Fans, kilig to the bones… KATHRYN, PINUSUAN SI ALDEN

ni Ador V. Saluta @Adore Me! | May 9, 2024

File photo: Alden Richards at Kathryn Bernardo

Marami na namang mga netizens — lalo na ang KathDen (Kathryn Bernardo at Alden Richards) fan base — ang kinilig matapos mapansin na pinusuan ni Kathryn Bernardo ang isang Instagram post na cover ng Preview magazine May issue si Alden Richards.

Laking-tuwa ng mga netizens matapos matupad ang kanilang wish dahil ni-like ni Kathryn ang naturang post na ibinahagi sa Instagram ng Preview Ph at kay Alden.

Komento ng ilang netizens… “Hinihintay kong i-like ito ni Queen Kath.”

Masayang sagot naman ng isang netizen, “Ni-like na n’ya.”

Sabi pa ng ilang fans, “Ay, wow, kinikilig ako.” 

“Whoah! Best of friends, relationship ‘yan. Supporting each other.”

---

Samantala, maraming fans ng Asia's Superstar na si Kathryn Bernardo ang masaya sa natatanging pagkilala sa actress mula sa pamunuan ng FAMAS. 

Nakatanggap ng maraming nominations ang A Very Good Girl sa 72nd Famas Awards ngayong buwan ng Mayo.                                                                                                                                 

Kabilang sa mga nominasyon ay:

Best Picture - A Very Good Girl

Best Actress - Kathryn Bernardo

Best Supporting Actress - Dolly de Leon

Best Director - Petersen Vargas

Best Cinematography - Noel Teehankee

Best Editing - Benjamin Gonzales Tolentino

Best in Production Design - Cheska Salangsang

Best Musical Score - Andrew Tolentino

CEDRIC, NASA BILIBID NA, DENIECE, SA CORRECTIONAL NAMAN

ni Ador V. Saluta @Adore Me! | May 5, 2024

File photo: Denice Cornejo - Cedric Lee

HINDI sa National Bilibid Prisons (NBP) Muntinlupa unang dinala ang akusadong si Cedric Lee after na mahatulang “guilty beyond reasonable doubt” ng Taguig Regional Trial Court last May 2 sa kasong serious illegal detention for ransom na inihain ng It's Showtime host na si Vhong Navarro.

No show kasi sa promulgation si Lee, kaya ang kapwa akusadong si Simeon Raz lang ang unang nadala sa NBP, habang ang isa pang akusado na si Ferdinand Guerrero ay patuloy na nagtatago hanggang ngayon. 

Si Deniece Cornejo naman ay nakapiit na umano sa Correctional Institution for Women sa Mandaluyong City. 

Sumuko rin naman agad si Lee sa NBI kinabukasan at ngayon ay nasa kustodiya na rin ito ng NBP.

Dahil sentensiyado na sila ng Taguig RTC last May 2 ng habambuhay na pagkakakulong, “persons deprived of liberty” o PDL na ang tawag kina Lee, Raz, Guerrero at Cornejo.