Tinawag na Charice, nainsulto… JAKE, IKINUMPARA KAY ICE, NAGALIT

ni Ador V. Saluta @Adore Me! | June 25, 2024

Dahil Pride Month ngayong June, napagdiskitahan ng ilang bashers ang dalawa sa ating celebrity transmen gaya ng dating singer na si Charice Pempengco na ngayo’y kilala bilang Jake Zyrus at Aiza Seguerra na ngayo’y Ice Seguerra na.

Unang pinansin si Jake matapos nitong mag-post ng ilang kasabihan sa Instagram (IG) nitong nakaraang June 20, 2024 mula sa Russian novelist na si Fyodor Dostoevsky.

Nakasaad sa post, “A beast can never be as cruel as a human being, so artistically, so picturesquely cruel. - Fyodor Dostoevsky.”

Nilagyan ito ni Jake ng kanyang dalawang larawan at nakasaad din ang isang kasabihan mula naman sa American writer at human rights activist na si James Baldwin.

Ayon sa mensahe, “The most dangerous creation of any society is the man who has nothing to lose. - James Baldwin.”

Dahil sa kanyang ipinost, isang netizen ang nagkomento. Sey nito ay sayang ang boses ni “Charice”. Ikinumpara pa nito si Jake kay Ice Seguerra na isa ring transman.

Komento ng netizen, “Sayang boses mo, Charice. Bakit si Ice Seguerra, transman pero never binago ang boses. Sayang talaga.”

Inalmahan ni Jake ang komento ng netizen pagkabasa nito.

Tinawag kasi siya ng netizen sa dati niyang pangalang Charice na kanya nang kinalimutan pagkatapos niyang mag-transition, na ang ibig sabihin ay “deadnaming” o pagtawag sa isang transgender sa kanilang birthname gayung kinalimutan na nila ito bilang bahagi ng kanilang pagbabagong katauhan.

Reaksiyon ni Jake sa netizen, “First of all, with respect to my past, keep my deadname out of your silly mouth.”

Tutol din si Jake sa pagkukumpara sa kanila ni Ice at sinabi ni Jake na hindi nagte-take si Ice ng hormone therapy. It’s a huge part of being a transman.

“Maybe there are more important reasons why he hasn’t taken hormone therapy. I am not going to explain the rest because based on your comment you sound ignorant.”

Dahil tila gusto raw ng netizen na maging “center of attraction” ay pagbibigyan ito ni Jake sa pamamagitan ng pagpi-pin niya sa komento nito.

“Google is free, my darling. I’m going to pin your comment because it seems like you love being the center of attention. So let’s give it to you sweetheart. Have a nice day.”

Ayon naman sa isang fan ni Jake, ang komento ng basher ay nagpapakita ng bias nito laban sa mga transgender.

Saad ng fan, “Yikes! Your transphobia is showing sis. Before you comment, maybe you should do some research. The only thing sayang is you coming on here just to write some trash ass comment. Okay, bye have a nice day.”

Buwelta ni Jake, “Right. You support a trans, and bash another trans because of what? Birit?

‘Yun lang? Make it make sense, Sis. Being a transgender is more than just singing high or low notes.

“And the audacity of you to deadname me and properly call Ice his real name. What a joke,” pahayag ni Jake.  

Sa kabila ng lahat, isa namang supporter ang nagpaabot ng kanyang simpatya kay Jake Zyrus. Pinuna rin nito ang basher dahil hinanap lamang daw nito ang account ni Jake upang husgahan ito.

Sey ng isang netizen, “What gives you the right to come on his Instagram to come and judge him? We come on here to show our love and support to Jake, but it’s people like you who are too ignorant to educate yourself. If you don’t have anything nice to say, then don’t say anything at all. Keep your opinions, insults, judgments, etc. to yourself.”

“We love you, Jake, don’t let people like this ruin your day,” pagtatanggol ng fan at supporter para kay Jake Zyrus.

GF, gustong lola ang maghatid sa altar… RURU, NAGSALITA NA SA KASAL NILA NI BIANCA

ni Ador V. Saluta @Adore Me! | June 13, 2024

Ilang celebrities na rin ang pumapalaot sa kasalan, kaya’t naitanong sa showbiz couples na sina Ruru Madrid at Bianca Umali kung kailan sila magpapakasal. 

Halos six years na ring mag-on ang dalawa kaya’t naiisip ng ilang mga netizens kung sa kasalan din ba mapupunta ang kanilang  pagmamahalan?

May pressure ba sa dalawa kung balak nilang sundan sina Carlo Aquino at Charlie Dizon, na lumagay na rin sa tahimik bilang married couple?

Sagot ni Bianca, “Siguro napag-uusapan at napaghahandaan. ‘Yun na lang.”

Sabi naman ni Ruru, matagal na rin nilang pinag-iisipan ni Bianca ang kasal,

“Siyempre, dapat by now, nandu’n na ‘yung pag-iisip namin. Kasi, six years na rin kami, eh. 

“Parang ‘yung mga plano na rin namin, siyempre about sa future namin. Kaya rin namin ito ginagawa at pinagbubutihan.”

Simpleng kasal naman ang pinaplano ni Bianca. 

Aniya, “Ang dream wedding ko, simple lang actually.

“Noon, may dream setup pa ako. Pero ngayon, gusto ko lang maabutan ng lola ko. S’ya ang maghahatid sa ‘kin, dahil siya ang bumuhay sa ‘kin.”

Sagot naman ni Ruru, “Noted ako d’yan.

“Kailangan na pong ikasal. Actually, noon pa man, nakakasa na,” napapangiting pahayag ni Ruru. 

Wala pang takdang date ang nakaplanong kasalan, ayon sa dalawa.

---

LUMIPAD papuntang Amerika nitong June 8 (Sabado) ang aktor na si Albie Casiño para i-meet ang non-showbiz girlfriend niya na si Michellina Marie Dunton o Mickey and of course, para masilayan ang kanyang first baby na si Roman Andrew na ipinanganak nitong April 28 sa Maine, California sa USA.

Sa kanyang Instagram (IG), masayang ibinalita ni Albie na isa na siyang ama sa kanyang ibinahaging video nitong June 11 (Martes) sa San Francisco International Airport kung saa’y sinalubong siya ng kanyang mag-ina.

Agad na kinarga ng actor ang kanyang anak at makikitang excited si Albie habang panay ang halik kay Maine habang karga-karga ang kanilang baby boy. Ito rin ang unang pagkakataon na masilayan ni Albie nang personal ang anak na isinilang nitong Abril.

“A great man told me ‘Being a dad has no days off and retirement.’ I wouldn’t have it any other way. I finally got to meet my son. Hello Roman Andrew the world is yours little man,” sey ni Albie sa kanyang caption.

For personal reasons, nailihim ni Albie sa kanyang mga fans at publiko ang panibagong milestone sa kanyang buhay, pero ‘di lingid sa kanyang mga showbiz friends lalo na sa cast ng seryeng Can't Buy Me Love, ang kanyang pagiging daddy-to-be. 

Gaya ng nakasama nito sa serye na singer/actor/TV host na si Darren Espanto na nagpaabot ng kanyang mensahe, “We can finally talk about it publicly, hahaha!”

Sey naman ni Ruffa Gutierrez, “Congratulations!! Not a secret anymore, Ahia!!”

Ayon naman kay Alexa Ilacad, “Congrats, Albie!!! So happy for you, guys!”

Ilan din sa kanyang mga showbiz friends ay nagpaabot ng pagbati gaya ni Alex Castro, “Congratulations, brother. Sarap ng pakiramdam.”

DIWATA, HINA-HARASS DAW NG MGA MMDA ENFORCERS, PUMALAG

ni Ador V. Saluta @Adore Me! | June 9, 2024

May intriga rin ang isa sa mga artista ng Batang Quiapo na si Diwata dahil nais niyang isumbong ang umano'y pangha-harass sa kanya ng ilang MMDA traffic enforcers. 

Sabi ng “Street Food Sensation”, tanging ang kanyang paresan daw ang laging binabantayan ng mga enforcers. Ang iba niyang kakumpitensiya ay wala namang bantay.

Dahil pinupuntahan at binabantayan siya palagi ng mga enforcers, kinompronta at tinanong niya kung bakit parang ang puwesto lamang niya ang pinag-iinitan ng mga ito.

Napapansin daw niya na palaging sa kanyang puwesto sila nagmamasid at nagbabantay.

Nang hingan ng paliwanag ang mga traffic enforcers, anila’y du’n umano sila naka-assign kaya ru’n rin sila nakapuwesto. 

Nakakatanggap umano sila ng mga reklamo na dahil sa pagdagsa ng mga kumakain sa kanyang paresan, maraming mga sasakyan, jeep at mga motorcycle, maging tri-bike ang nakaparada sa kanyang puwesto na nagiging dahilan ng traffic. 

Bakit nga raw hindi ‘yung mga pagpa-park sa kanilang lugar ang kanilang sinisita?

Ayon naman kay Diwata, wala umano siyang problema sa pagpapatupad ng batas ngunit pakiusap niya sa mga enforcers, sana’y maging patas ang mga ito sa lahat ng mga nagtitinda na nakatalaga sa kanilang area at ‘di lamang ang kanyang paresan ang binabantayan.

---

MERCEDES, GUSTONG SAMPALIN NG FANS SA PAGIGING KABIT

Ilan sa mga inaabangang eksena sa Batang Quiapo ay ang pagiging “mang-aagaw ng asawa” ng actress na si Mercedes Cabral (bilang si Lena Cortez, isang pulis). 

Mahusay na artista si Mercedes dahil nai-portray niya nang epektibo ang pang-aagaw ng atensiyon sa asawa ni Marites (played by Cherry Pie Picache) na si Rigor Dimagiba (John Estrada). Dahil sa kanyang role bilang “kabit”, kinaiinisan lalo si Lena dahil maraming nakikisimpatya kay Marites.

Dahil sa kanyang role, maraming natatanggap na hate comments si Mercedes. Nakakarating din sa kanya ang pamba-bash ng ilang netizens para sa makatotohanang pagganap niya bilang 'kabit'.

Sa isang panayam ng ABS-CBN News sa actress, tapat naman nitong inamin na nakatanggap siya ng mga hate comments dahil sa role niyang “kabit” sa Batang Quiapo.

Aniya, “May mga tao na pinepersonal na ako. Hindi na Lena ‘yung tawag sa 'kin kundi Mercedes Cabral na. So, ako na mismo ‘yung tinitira. But mostly, sa messages ito.” 

May mga instances din umano na nakita siya nang personal na talagang galit na galit sa kanya ang mga tao.

“In person naman, ‘pag may mga nakaka-recognize sa 'kin, they say things like 'Gusto kitang sampalin kasi kuhang-kuha mo 'yung inis ko pero ang galing mo.' So, kapag nakakarinig ako ng mga ganu’ng bagay, that is a huge compliment for me,” ani Mercedes. 

“Ibig sabihin, nagagawa ko nang maayos ‘yung trabaho ko. Nagagawa ko nang maayos ‘yung assigned character sa 'kin.” pahayag ng aktres.

Alam naman daw niya na minsan ay apektado siya sa mga bashers na may sinasabing  negatibong komento laban sa kanya.

“As an actor, it’s your job to give life to a character in a story. At kailangan ‘yung mga characters na tulad ni Lena sa istorya. Sila kasi ang nagbibigay ng conflict sa story, eh. Although sometimes, naaapektuhan ako sa mga sinasabi ng tao, siyempre, tao lang din naman ako, iniisip ko na lang na ang importante, nagagawa ko nang maayos ang trabaho ko,” pahayag ng actress.