“Ba” ang term of endearment… JANINE, NAIPAKILALA NA NI ECHO SA MADIR

ni Julie Bonifacio @Winner | Apr. 14, 2025

Photo: Echo at Janine - Instagram

Dahil ‘di matatawaran ang iniwang legasiya ni Asia’s Queen of Songs Pilita Corrales sa entertainment industry, almost everybody, if not all, ay may kani-kanyang post bilang tribute sa yumaong icon.

And that includes actor Jericho Rosales na nababalitang boyfriend ng apo ni Pilita na si Janine Gutierrez.

Nu’ng last birthday celebration for Pilita ay nandoon si Jericho. And for sure, that was not the only time na nagkita sina Pilita at Jericho dahil mukhang palagay na sila sa isa’t isa sa mga kumalat na video and photos nu’ng party sa socmed (social media).

Nag-post si Echo ng same picture ni Pilita sa post ni Lotlot de Leon at video ng ina ng aktor na kinakanta ang isa sa mga pinasikat na kanta ng Mamita ni Janine.

Sa video ay masisilip na may babaeng nakasuot ng white t-shirt at short hair habang kumakanta ang ina ni Echo.

Obviously, si Janine ang babaeng nakasuot ng white t-shirt at short na buhok. Meaning, naipakilala na ni Echo si Janine sa kanyang ina.

Sa comment section ng latest IG post ni Echo ay makikita ang message ni Janine sa rumored boyfriend niya.

Comment-post ni Janine, “Thank you, Ba (white heart emoji).”

Kino-confirm na kaya ni Janine ang tunay na relasyon nila ni Echo at “Ba” ang kanilang term of endearment?

‘Kakakilig!

Well, si Jericho Rosales na nga sana ang matagal nang wini-wish na boyfriend ni Janine Gutierrez.

---

Madamdamin ang mensaheng ipinost ni Lotlot de Leon sa pagpanaw ng dati niyang mother-in-law, ang Asia’s Queen of Songs na si Pilita Corrales sa Instagram (IG) ng aktres last Saturday.

Of course, knows ninyo na si Ramon “Monching” Christopher ay anak ni Pilita at dating mister ni Lotlot.

Ipinost ni Lotlot ang black and white photo ni Pilita sa kanyang IG.

Caption ni Lotlot, “She loved her family like there’s no tomorrow. She would move heaven and earth just for them, for Ate Jacqui, for VJ, for Mon and most definitely for her grandchildren.

“She’s the kind of grandmother anyone would wish for.

“And I know that if she can just give and gift her family with so much more, she would. Everything that belonged to her in a heartbeat she would pass on to those who are precious to her.

“Her family was her number one.

“My children are very blessed to have and receive that kind of love. For that I am truly, truly grateful.

“Rest in paradise, Mamita.. A million thanks to you (white heart emoji).”

May mga tsika dati na nagkaroon ng iringan between Lotlot and Pilita pagkatapos ng hiwalayan ng aktres kay Monching.

Napawalang-bisa ang kasal nina Lotlot at Monching, hanggang sa naikasal muli si Lotlot sa kanyang mister ngayon na si Fadi El Soury.

Wala nang balita kung nagkaayos na sina Pilita at Lotlot. Although, very close ang mga anak nina Lotlot at Monching sa kanilang “Mamita” o grandmother.

Ex-GF, easy to get daw kaya pinagsawaan agad… MATURE NA NON-SHOWBIZ GIRL, IPINALIT NI KOBE KAY KYLINE

ni Erlinda Rapadas @Teka Nga | Apr. 14, 2025

Photo: Kobe Paras - Instagram

Patuloy ang paglutang ng bali-balitang break na sina Kyline Alcantara at Kobe Paras. Itinatanggi naman ito ng kampo ng aktres at wala pang official statement tungkol sa breakup nila. 

Gayunpaman, ipinagtataka ng mga fans kung bakit binura na ni Kobe ang mga larawan nila ni Kyline sa kanyang mga social media accounts. Kaya marami ang nagsasabi na 80% sure na tapos na ang relasyong Kobe at Kyline.

Balita na rin ngunit hindi pa kumpirmado na ang ipinalit ni Kobe kay Kyline ay isang mas mature na non-showbiz girl.

Well, may mga netizens ang nagsasabing umiral na naman ang pagiging chickboy ni Kobe Paras. Nagsawa na raw ito kay Kyline kaya naghanap na ng bago.

Ikinukumpara tuloy si Kobe ngayon kay Gerald Anderson na magaling lang mambola at magpaasa ng babae. Ang dali raw kasing napasagot ni Kobe si Kyline Alcantara. At sobra-sobrang pagmamahal ang ibinigay ng Kapuso actress. Hindi na-challenge si Kobe dahil hindi siya pinahirapan nang husto ni Kyline.

Pero tiyak na magtatanong ang mga fans ng aktres kung bakit ganoon lang kadali tumagal ang relasyong KyBe? Sino ang dapat sisihin?

---

Kaya todo-resbak kay Dennis… MARJORIE, TAKOT MAGING NEGA AT MATALONG KONSEHAL

MARAMING netizens ang naghihinala ngayon na kaya hindi na pinalagpas ni Marjorie Barretto ang pag-iingay ng kanyang dating mister na si Dennis Padilla sa nangyaring kasal ng anak nilang si Claudia Barretto ay dahil natakot ang dating aktres na maging nega siya sa mga residente ng Caloocan kung hindi niya maidedepensa ang sarili.

Tumatakbong konsehal ng Caloocan si Marjorie at malaking epekto nga naman sa kanyang kandidatura kung iisipin ng mga botante na minamanipula niya ang kanyang mga anak kaya nawalan ng papel si Dennis sa kasal ni Claudia.

Pero kahit na nilinaw na ni Marjorie na hindi niya bine-brainwash ang mga anak na magalit kay Dennis, marami pa rin ang naniniwala na bilang ina, siya ang dapat na maglapit ng loob ng mga anak sa ama ng mga ito.

Ikinukumpara tuloy si Marjorie kay Sunshine Cruz, na bagama’t hiwalay na rin sa dating mister na si Cesar Montano ay naging malapit ang loob ng 3 nilang anak sa kanilang ama.

Hindi kailanman siniraan ni Sunshine si Cesar sa kanilang mga anak. Ibinigay pa rin nila ang nararapat na respeto sa kanilang ama. 

Ngayong midterm elections ay tumatakbong konsehal sa First District ng Caloocan si Marjorie Barretto. Let’s see kung papabor pa rin sa kanya ang mga botante ng Caloocan.

---

MARAMI ang nagpapayo kay Barbie Forteza na dapat ay kumuha na siya ng sarili niyang glam team, lalo na’t sikat na siya ngayon.

Marami ang nakakapansin na medyo conservative pa rin kung manamit si Barbie at hindi siya gaanong concerned sa glam team na mag-aalaga sa kanya tuwing may event siyang pupuntahan.

Kaya naman pinipintasan at bina-bash si Barbie dahil sa “old style” niyang wardrobe.

Hindi raw nababagay sa kanyang stature ang style ng kanyang mga damit. 

May kinikita naman daw si Barbie, kaya dapat ay may budget din siya sa kanyang wardrobe na sunod sa uso. 

Big star na si Barbie, kaya deserve niya na magkaroon ng sariling stylist at make-up artist. Iniidolo pa naman siya ngayon ng maraming kabataan kaya dapat ay presentable ang kanyang hitsura at total look.

---

DUMARAMI na ang endorsements ng Mommy Grace ni Miguel Tanfelix, na karamihan ay mga produktong ginagamit sa pagluluto. Damay sa kasikatan ni Miguel ang kanyang mom na patok ang cooking vlog.

Marami rin ang naaaliw sa tandem ng mag-inang Grace at Miguel. Sa halip na ang nobyang si Ysabel Ortega ang makasama niya sa commercial, mas pinili ng mga netizens ang mom ni Miguel. At hindi sila makapaniwala sa bilis ng mga pangyayari.

May sarili na ring career ngayon ang Mommy Grace ni Miguel Tanfelix.

Binata pa rin sa edad na 30… DOC KENNETH, HAPPY NA CRUSH SIYA NI KATHRYN

ni Ambet Nabus @Let's See | Apr. 14, 2025

Photo: Dr. Kenneth Hizon at Kathryn Bernardo - Instagram

Maramio ang kinikilig na mga fans at supporters ni Kathryn Bernardo sa nabalitaan nilang ‘first crush’ din pala noon ni Dr. Kenneth Hizon ang dalaga.

Sa panayam sa doktor ng TV5, nabanggit nga niyang minsan din niyang kinagiliwan ang pagiging masayahin ni Kath, lalo na ‘yung pagka-bright nito.

Ayaw daw niyang mag-assume na siya nga ‘yung ‘Kenneth’ na sinasabi pero since naging classmates nga sila sa Christian Montessori School sa Cabanatuan, Nueva Ecija noong Grade 2 sila, baka nga siya na. Hahahaha!

Masaya na45man daw siya sa nabalitaan dahil aniya, “Sino ba naman ang hindi matutuwa sa sinabi ng isang Kathryn Bernardo?”

Kaya naman ang mga shippers-fans ni Kath ay nagpaplano nang pagtagpuin sila at i-reconnect dahil anila, “Baka may something nga para sa kanila ang tadhana. Kaya Doc, pagalawin mo na ang baso.”

At 30 years old, binata pa raw at walang commitment ang doktor kaya lalong kinilig ang mga netizens.

---

Marjorie, rumesbak, naglabas ng resibo…

DENNIS, BUKING NA SINUNGALING, TODO-DRAMA PARA KAAWAAN SA SOCMED

BIGLA nga ring ini-off ni Dennis Padilla ang comment section ng kanyang socmed (social media) account.

Hindi na marahil makayanan ni Dennis ang grabeng batikos sa kanya ng mga netizens after magsalita si Marjorie Barretto.

Sa dami kasi ng inilabas na detalye ni Marj na may kasamang video at photo, napatunayan ngang tila may pagsisinungaling sa panig ni Dennis.

Sa naturang mga videos at photos kasi ay makikitang nag-e-enjoy makipaghuntahan at makipagpiktyuran si Dennis sa mga bisita, kasama na ang pamilya ng napangasawa ng anak na si Claudia.

May isang photo pa kaming nakita na masaya ring nag-uusap ang nanay ni Dennis at si Marj, katabi si Dennis.

Naging higit na kapani-paniwala rin ang sinabi ni Marjorie na may bitbit na videographer si Dennis na tila nabigyan ng instruction sa mga kilos at galaw ng father of the bride sa nasabing wedding. 

“Siyempre, magagamit nga naman sa socmed ang anumang nais nilang ipalabas o ipakita,” sey pa ni Marjorie.

Ang kaibigan ni Dennis na si Janno Gibbs na nagpahayag lang ng simpatya sa kaibigan ay nakipagbardagulan din sa socmed matapos itong i-bash at tawaging ‘enabler’ ng mga netizens.

Si Kier Legaspi naman na tatay ni Dani Barretto ay nagpahayag din ng pang-unawa sa sinapit ni Dennis at naikuwento pa nito ang noo’y pagtira sa bahay niya ni Dani matapos itong maglayas kay Marjorie Barretto.

Hmmmm… mukhang hindi pa rito matitigil ang usapin, ‘noh?

---

NGAYONG yumao na si Mamita Pilita Corrales, matutuloy pa kaya o itutuloy pa ni Janine Gutierrez ang noon pa niyang nakaplano na pag-produce ng documentary movie tungkol sa lola niya?

Minsan na nating naibalita rito na nakipag-usap na si Janine kay Direk Baby Ruth Villarama (ng Sunday Beauty Queen fame) na napipisil niyang magdidirek ng naturang documentary tungkol sa Asia’s Queen of Songs.

In fact, nu’ng naging sila na ni Jericho Rosales na lagi pa niyang isinasama sa mga weekend meet nila with Mamita at iba pang okasyon like noong Christmas at New Year, mukhang naging interesado si Echo na makipag-collab bilang co-producer ng nasabing docu project.

Sana nga, ituloy nila ito dahil more than being a good project para sa isang icon at haligi ng industriya ng music, TV and film, magsisilbi itong napaka-appropriate na tribute at legacy ng isang Pilita Corrales.

Magsisilbi rin itong magandang reference material para sa future use ng mga darating na generation ng mga mag-aaral ng Phil. entertainment industry.