Batas sa mga iresponsable, isinusulong… IPE, PAOLO, GABBY, JOMARI, ETC., PASOK SA MGA ‘DI RAW NAGBIBIGAY NG SUSTENTO SA ANAK

ni Julie Bonifacio @Winner | Jan. 21, 2025

Photo: Philip Salvador, Paolo Contis, Gabby Concepcion at Jomari Yllana - IG, FB

Tatamaan tiyak ang ilang artista sa isinusulong na batas na pag-penalize sa mga iresponsableng ama na ‘di nagbibigay ng suporta sa kanilang anak.

It’s a bill versus child support violators na pumasa sa House Committee on the Welfare of Children.

Ang hirap kaya para sa mga ina ang ganito, lalo pa’t ang mahal-mahal na ng mga pagkain, pang-enroll, damit at iba pang basic needs ng tao.

Sey ng netizen, “Sa mga buntisero d’yan, malapit na kayong makahon. Hahaha!”

“Parents or irresponsible fathers…”

“Any bill or law should always be fair and non-partisan. This proposed bill should also include irresponsible mothers.”

For sure, may pumasok na agad na names ng mga artistang kilala ng mga netizens na napabalitang hindi nagbigay ng sustento sa kanilang anak.

Isa sa mga nabanggit ng isang netizen na sa tingin niya ay irresponsible parent na taga-showbiz ay ang award-winning actor na si Phillip Salvador.

Pasok din siguro d’yan ang name ni Paolo Contis, na umaming ‘di siya nagbibigay ng sustento sa anak niya kay Lian Paz. 

Pero may itinatabi raw si Paolo para sa anak nila at plano raw niyang ibigay ang naipon niyang pera sa paglaki nito.

There was a time na naging malaking isyu rin kontra kay Jomari Yllana ang reklamo ng dati niyang kinakasama at ina ng anak ang child support.

What about Gabby Concepcion kay KC na anak niya kay Megastar Sharon Cuneta?

Kahit sabihin pang afford na afford ni Mega na buhayin nang solo ang kanyang panganay na anak, iba pa rin kung may suporta si Gabby kay KC Concepcion noon.

‘Di ba?

---

No to palimos daw… OSANG, PABOR SA GINAWA NG GUARD KAY SAMPAGUITA GIRL

Photo: Circulated / Rosanna Roces - IG

Usap-usapan pa rin sa social media ang insidente sa guard ng isang mall at estudyanteng nagtitinda ng sampaguita.

May mga artista at iba't ibang personalities na rin ang umeksena. Majority of them favored ‘yung nagtitinda ng sampaguita.

Pero iba naman ang punto de vista ng FPJ’s Batang Quiapo (BQ) star na si Rosanna Roces. 

Ipinahanap ni Osang, pet name ni Rosanna sa showbiz, sa kanyang Facebook (FB) page ang guwardiyang sinibak ng mall na pinagtatrabahuhan niya dahil sa insidente.

Post ni Osang, “Pahanap nu’ng Guard… tutulungan ko ‘yan. Magiging precedent ‘yan babastusin na lahat ng Guard na ginagawa lang ang trabaho nila. Du’n tayo sa Guard.. nagtatrabaho ng legal ‘yan, hindi nagpapanggap na guard lang. No to palimos at iba pang uri ng pangloloko!”

Maraming netizens ang sumang-ayon sa opinyon ni Osang. 

“20 years in service as guard, so ibig sabihin n’yan ‘di s’ya bad employee, pero nasibak at na-banned agad-agad sa lahat ng SM.. Nakakalungkot na ‘yung pinrotektahan mong company, eh, ang bilis kang bitawan (sad emoji).

“Breadwinner, may anak pero hiwalay sa pamilya. May mga anak at nanay na may sakit na sinusuportahan. Sana mas pagpalain ka pa, Sir (praying emoji).”

Speaking of BQ, viral din sa socmed ang mga breathtaking action scenes na mapapanood sa aksiyon-serye ni Coco Martin sa episodes this week.

Nagpatikim na nga ang serye sa mga pasabog na komprontasyon sa kuwento sa pamamagitan ng isang special plug na inilabas noong Linggo (Enero 19) kung saan nakakuha ito ng walong milyong views sa loob lamang ng 24 hours sa social media.

Available ang latest episodes nito sa loob ng 21 na araw matapos silang unang ipalabas sa Kapamilya Online Live sa YouTube (YT).

Trying hard maging happy… RUFA MAE, HAGGARD NA HAGGARD SA SABAY-SABAY NA KASO

ni Erlinda Rapadas @Teka Nga | Jan. 21, 2025

Photo: Rufa Mae Quinto / IG

Kahit pinipilit ni Rufa Mae Quinto na maging masaya kapag humaharap siya sa kamera, kapansin-pansin na mabigat ang problemang kanyang dinadala. Haggard na haggard ang kanyang hitsura at halos wala nang bakas ang dati niyang ganda.  

Hindi rin niya maitago ang kanyang kalungkutan, lalo na’t sumabay ang kanilang family problem sa mga kasong isinangkot siya. 

Ganunpaman, nananatiling positibo ang pananaw ni Rufa Mae at naniniwalang malilinis din ang kanyang pangalan. Wala raw siyang niloko.

Tungkol naman sa pakikipaghiwalay sa ex-husband niyang si Trevor Magallanes, sinabi niyang hindi na niya ipipilit ang kanyang sarili kung ayaw na sa kanya. Ang mahalaga ay may mga kaibigan pa rin siyang handang tumulong at dumamay.  

Ang anak niya ang nagbibigay sa kanya ngayon ng lakas ng loob upang malagpasan ang lahat ng pagsubok.

---

Hindi raw naniniwala ang Kapuso actor na si Ruru Madrid sa sinasabi ng marami na dapat ay sikapin ng magkarelasyon na malagpasan ang pitong taon upang maiwasan ang paghihiwalay, tulad ng nangyari kina Barbie Forteza at Jak Roberto na nag-break after 7 years ng kanilang relasyon.

Paniwala ni Ruru, dapat ay laging iparamdam ng magkasintahan ang pagmamahal nila sa isa’t isa upang manatiling matatag ang kanilang relasyon. Pairalin ang pagtitiwala at respeto, at iwasan ang pagiging seloso at insecure.

Ayon pa kay Ruru, malaki ang binago ni Bianca Umali nang dumating ito sa kanyang buhay. Nagkaroon siya ng direksiyon sa kanyang career at na-inspire siyang i-level-up ang kanyang pagiging aktor.

Samantala, bonggang-bongga ang pagbabalik ng action-seryeng Lolong na pinagbibidahan ni Ruru Madrid. Fifty plus ang mga artistang bubuo sa cast na may kani-kanyang role.

Malalaking artista ang susuporta kay Ruru, at doble ang effort na ibinigay niya sa kanyang character sa Lolong.  

Ilan sa cast ay sina Shaira Diaz, Jean Garcia, Paul Salas, Mikoy Morales, Rochelle Pangilinan, Alma Concepcion, Maui Taylor, at Nikki Valdez.

May special role rin sina John Arcilla, Rocco Nacino, Martin del Rosario, Klea Pineda, Tetchie Agbayani, atbp.. 

Maraming daring at mahihirap na eksena ang ginawa ni Ruru sa Lolong. Pero naging running joke ng lahat ang sinabi ni Ruru na mas takot siya kay Bianca kesa sa buwayang si Lolong. 

---

SOBRANG pag-aalaga ang ibinibigay ni Mikael Daez sa kanyang preggy wifey na si Megan Young. Ibinibigay ni Mikael ang anumang pagkain na gustong kainin ni Megan at

sinasamahan pa niya ito kung gusto nitong mag-walking o jogging.  

Kaya naman, nag-e-enjoy si Megan sa kanyang pagbubuntis. Para siyang baby na ini-spoil ng kanyang mister na si Mikael.

Kaya marami ang natutuwa sa tuwing nagpo-post sila sa social media para mag-update ng latest tungkol sa pregnancy journey ni Megan.

Napaka-supportive raw na husband ni Mikael, kaya hindi masungit ang naglilihi niyang misis. Parehong excited sina Megan at Mikael sa pagdating ng kanilang “little angel”.

‘Di na puwedeng tumakbo uli… 10 TAON KULONG KAY HERBERT

ni Reggee Bonoan @Sheet Matters | Jan. 21, 2025

Photo: Herbert Bautista - FB

“Hindi pa naman makukulong agad kasi may appeal pa si ex-Mayor Herbert (Bautista),” ito ang sabi ng aming nakausap na taga-Quezon City Hall tungkol sa hatol sa dating ama ng Quezon City.

Makukulong ng anim hanggang sampung (10) taon ang hatol ng Sandiganbayan kay dating Mayor Herbert Bautista sa kasong graft na involved siya sa dalawang government projects noong 2019 at kasama nito ang dating city administrator na si Aldrin Cuña na in-approve ni Ombudsman Samuel Martires noong Feb. 3, 2023.

Matatandaang ang unang kaso ni HB ay tungkol sa release ng full payment na nagkakahalaga ng P32.107 million sa isang IT firm na bumili sa isang online occupation permitting at tracking system atbp..

Ang nasabing transaksiyon ay pinirmahan naman noon ng dating city administrator na si Aldrin Cuña.

Ang ikalawang graft case ay tungkol sa kabuuang bayad na P25.342 million sa iba pang firm para naman sa installation ng solar power system at waterproofing para sa isang civic center building.

Nabanggit ng Ombudsman na si Herbert ang pumirma ng disbursement voucher para sa bayaran na ito kahit may pagkukulang ang kumpanya na makuha ang net metering system mula sa Meralco at si Aldrin Cuña naman ang nag-isyu ng certificate of acceptance.

Base sa desisyon ng Sandiganbayan ay napatunayang nagkasala sina Bautista at Cuña dahil sa anomalya sa procurement ng Online Occupational Permitting Tracking System (OOPTS) na nagkakahalaga ng P32 million.

Bilang isa rin sa mga parusa ay hindi na rin pupuwedeng magkaroon ng anumang posisyon sa gobyerno ang mga nabanggit.

Base sa mga inilabas na CCTV ng GMA News ay sina Herbert at Aldrin kasama ang kanilang mga abogado lang ang kasama nila sa korte nang basahan sila ng hatol.

Hindi kasama ng dating mayor ng Quezon City ang kanyang pamilya dahil kasalukuyan daw silang nasa ibang bansa.

Bukas ang BULGAR sa panig ni Herbert Bautista  o ng kampo niya tungkol dito.

---

SA 40th year ng Movie and Television Review and Classification Board (MTRCB), muling tiniyak ng Board ang pagsusulong sa mandato nitong proteksiyunan ang pamilya at kabataang Pilipino sa pamamagitan ng responsableng regulasyon sa media at patuloy na pagsuporta sa industriya ng pelikula at telebisyon sa bansa.

Ipinahayag ni MTRCB Chairperson and CEO Lala Sotto-Antonio ang malalim na dedikasyon ng Board na maihatid sa publiko ang tamang impormasyon at responsableng paggamit ng media na siyang may malaking parte sa paghubog ng lipunan.

Aniya, “Ngayong 2025, mananatili po tayong matatag sa ating misyon na maisulong ang responsableng panonood para sa kapakanan ng pamilyang Pilipino. Atin ding tinitiyak ang patuloy na pagsuporta sa industriya ng paglikha sa bansa sa pamamagitan ng pagbibigay ng angkop na klasipikasyon sa bawat palabas at pelikula at ang patuloy na pakikipag-ugnayan sa mga stakeholder.”

Mas palalakasin pa ng MTRCB ang pakikipagkolaborasyon sa lokal na mga direktor, producer, at TV network, pati na rin sa mga streaming platform at mga kaalyadong bansa.

Sa pamamagitan nito, mas matutugunan ng MTRCB ang iba’t ibang hamon pagdating sa media regulation habang pinapaunlad ang masining at inobasyon sa industriya ng pelikula at telebisyon.

Ayon pa kay Sotto-Antonio, ipagpapatuloy ng ahensiya ang pagsusulong ng kampanyang “Responsableng Panonood” na layong maturuan ang publiko sa importansiya ng tama at angkop na pagpili ng mga palabas, partikular sa mga batang manonood.

At dahil sa mabilis na paglago ng digital platforms at teknolohiya sa bansa, nangako rin ang MTRCB na gamitin ang mga makabagong pamamaraan pagdating sa polisiya at regulasyon, at sa pagpapanatili ng Filipino cultural values na siyang pamantayan para sa proteksiyon ng mga manonood.

---

Sayang na sayang talaga siya…

MAY ATTITUDE NA AKTOR, AYAW NANG BIGYAN NG SHOW NG NETWORK

BLIND ITEM:

TRULILI kaya na hindi muna bibigyan ng project ng TV network ang aktor na halos lahat ng project nito ay hindi nagtagumpay?

Ilang beses na raw kasing humihingi ng meeting ang aktor sa TV network kasama ang handler nito mula sa kanyang management company pero lagi siyang hindi napagbibigyan.

Kaya raw pala nanghihingi ng meeting ang aktor sa management ng TV network ay para alamin kung ano ang ibibigay sa kanyang proyekto.

Kaya pala hindi hinaharap ang aktor ay dahil wala rin palang maisasagot ang management ng TV network, kaya minabuti nilang iparating na lang sa may hawak ng karera nito na sa taong 2025 ay wala sa line-up nila ito.

Sobrang nalungkot ang aktor dahil pinagbubuti naman daw nito ang trabaho niya. ‘Yun nga lang, sa sobrang pagbubuti niya ay may mga tao sa production na napapakitaan niya ng hindi magandang asal, kaya ang mga nabanggit na rin ang nagsabing ayaw na siyang makatrabaho.