UMAASA si Philippine Olympic Committee (POC) President Abraham “Bambol” Tolentino na maagang tatapusin ni 2-time Olympian at Asian Games medalist Eumir Felix Marcial ang kanyang pro fight kontra Mexican-American Ulises Huerta sa Setyembre 19, bilang bahagi ng undercard ng DAZN Premier Boxing Champions (PBC) event na gaganapin sa Pechanga Arena sa San Diego, California. Kapag nagawa niya ito, malaki ang bentahe niya sa kanyang susunod na boxing match sa 20th Asian Games na magsisimula naman sa Setyembre 21. Isa si Marcial sa mga inaasahang boksingero na mag-uuwi ng medalya at maaaring makatulong sa pagtuldok sa 16-taong pagkagutom sa medalya ng national boxing team, kasama ang iba pang Olympic boxers na sina Nesthy Petecio, Aira Villegas at Carlo Paalam. Patuloy na hinahanap ni Marcial ang gintong medalya sa Asian meet matapos kapusin sa silver medal sa nakalipas na 2022 Hangzhou Games kontra sa Chinese boxer na si Tuohetaerbieke Tanglatihan sa light-heavyweight division. Bronze medal naman ang kanyang naiuwi sa 2018 Jakarta-Palembang Asian Games sa men’s middleweight (under-75 kg) category. 📷 Gerard Arce, Bulgar

NAGPAHAYAG ng kaunting pagkadismaya ang dating three-time PBA All-Star na si Paul Artadi sa pagkatalo ng Gilas Pilipinas kontra Bahrain sa kanilang nakaraang laban. Sinabi rin ni Artadi na isa sa mga naging dahilan ng pagkatalo ng Gilas ang kakulangan ng import. Gayunman, full support pa rin siya sa koponan.Sa kanyang vlog, nakiusap si Artadi sa Gilas Pilipinas na ipanalo ang laban kontra Kazakhstan ngayong alas-6 ng gabi upang madepensahan ng bansa ang gold medal nito sa Asian Games. Pinaalala rin niya sa kasalukuyang Gilas squad na mahina umano ang Bahrain noong panahon nila at hindi ito umuubra sa Gilas noong kanilang heydays. 📷 Paul Artadi | Facebook

INATAKE NG MGA BUBUYOG; LALAKI, SUGATAN INATAKE ng mga bubuyog ang isang lalaki sa Barangay Bonifacio, San Fernando, Camarines Sur nitong Martes. Nangyari ito matapos maglinis ang lalaki at subukang alisin ang isang sanga ng puno. Dito nabulabog ang mga bubuyog at sinugod ang lalaki. Nakatakbo pa ang biktima palayo, ngunit patuloy siyang inatake ng mga bubuyog. Sinubukan ding tumulong ng isang kawani ng Public Safety Office, ngunit inatake rin ito ng mga bubuyog. Wala pang inilalabas na impormasyon tungkol sa kasalukuyang kalagayan ng biktima.

Nagbahagi ang dating mag-loveteam na sina Marvin Agustin at Jolina Magdangal kung bakit hindi muli nai-inlove ang isa't-isa sa kanilang reunion.

May patutsada ang aktor na si Edu Manzano sa isyu ng korapsyon sa flood control project kasunod ng mga panibagong pagbaha sa bansa. Kinuwestiyon ni Manzano kung bakit tila mas nakatuon ang pansin ng gobyerno sa impeachment kaysa sa pananagutan ng mga sangkot sa mga umano’y anomalya sa mga flood control project. Umani naman ng iba’t ibang reaksyon mula sa mga netizen ang pahayag ng aktor.