XYRIEL AT JK, PANALONG AKTRES AT AKTOR SA CINEPANALO FILMFEST

ni Reggee Bonoan @Sheet Matters | October 2, 2026

Photo: IG _riverjoseph & FB Puregold Cinepanalo

Nakakatuwa, nakakaaliw at nakakaiyak ang mga kuwento ng bawat student filmmakers bago nila nabuo ang kani-kanilang mga pelikula para isali sa Puregold CinePanalo Film Festival (PCPFF) 2026.

‘Yung iba ay sumubok lang magpadala ng script kahit walang kasiguraduhan kung matatanggap dahil nga out of the box ang mga kuwento na baka hindi ipalabas sa sinehan dahil hindi ito tanggap ng karamihan, lalo na kung abortion ang kabuuan ng kuwento.

Pero nag-try pa rin ang mga batang estudyante. Ang iba ay senior high school pa lang, na naging inspirasyon ang kanilang guro at isinama sila sa journey. At heto, ilang beses silang umakyat ng entablado para tanggapin ang mga tropeong napanalunan dahil sila lang ang nakadalo at wala ang kanilang direktor na ang sabi nu’ng una ay abala at may shooting, pero sa kalaunan ay may sakit pala dahil bagong opera. 

At ‘yung nanalong Best Editing, pati raw kidney ay na-edit. Hahaha!

‘Kaaliw ang tatlong estudyanteng ito, sana ay makita pa namin sila ulit sa 2027.

May isa namang nagtatalo ang isipan kung itutuloy pang tapusin ang script dahil nga nagbabantay sa amang may cancer sa hospital at saan siya kukuha ng pambayad ng bills, atbp.. Pero nanaig ang kanyang passion sa pelikula na sa tingin niya ay maganda at saktong pumasa sa PCPFF, at nanalo pa ng awards.

May isa namang gusto nang tapusin ang buhay niya dahil sa gulo ng isip at inakalang si San Pedro na ang makikita pagmulat ng mga mata. ‘Yun pala, kaagad siyang itinakbo sa hospital ng kanyang girlfriend at BFF kaya buhay siya at hayun, winner ang pelikula, tumanggap ng award, kasama ang babaeng mahal niya at kaibigan sa entablado.

Mag-isa namang umakyat ang itinanghal na Panalong Aktor sa Student Shorts category na si Jay Gabriel Cañada, ang bida at nagdirek ng The Sound of K, para ikuwento ang journey niya bilang estudyanteng ipinanganak na may cleft palate. 

Sa lahat ng mga student filmmakers na sumali, saludo kami sa inyong lahat. Ang huhusay ninyo dahil nakasama kayo sa panalong ito ng CinePanalo Film Festival Awards Night.

Samantala, marami ang nanghinayang na hindi nakarating at personal na natanggap nina JK Labajo at Zanjoe Marudo ang kanilang award para sa Best Actor at Best Supporting Actor respectively para sa kani-kanilang pelikulang Mono No Aware at Apol of My Ai.

Si Xyriel Manabat naman ang nag-uwi ng tropeo bilang Panalong Aktres para sa Stuck on You at tinalo niya ang nag-iisang katunggali at kaibigang si Sassa Gurl para sa Multwoh (Patay na Patay Sa ‘Yo). 

Well-deserved din ni Zion Cruz ng Apol of My Ai ang Panalong Child Performer award dahil napakagaling niya sa pelikula nila nina Zanjoe Marudo at Rochelle Pangilinan.

Narito ang kumpletong listahan ng mga nanalo sa Full-Length at Student Shorts category sa PCPFF 2026:

PINAKAPANALONG PELIKULA – Full-Length: Mono No Aware/Student Shorts: Limlim

PANALONG KARANGALAN MULA SA HURADO – Full-Length: Apol of My Ai/Student Shorts: Kun Hain, Bisan Diin

PUREGOLD ALWAYS PANALO FILM – Full-Length: Multwoh (Patay na Patay Sa ‘Yo) & Patay Gutom (Dead Hungry)/Student Shorts: Miss Intrams & Pulis Dunggab

PANALO SA INTERNATIONAL JURY – Full-Length: Mono No Aware/Student Shorts: Alumahan

PANALONG DIRECTOR – Full-Length: BC Amparado (Mono No Aware)/Student Shorts: Jomarie Corro-Reyes (Kun Hain, Bisan Diin) & Samantha Palaje (Limlim)

PINAKAPANALONG MAIKLING PELIKULA (PANORAMA SECTION) – The Other Side of Reality (Zig Dulay)

PANALONG AKTRES – Full-Length: Xyriel Manabat (Stuck on You)/Student Shorts: Jonalyn Mateo (Ang Huling Banlaw ni Susan)

PANALONG CHILD PERFORMER – Full-Length: Zion Cruz (Apol of My Ai)/Student Shorts: Zoey Madison Lim (Limlim)

PANALONG AKTOR – Full-Length: Juan Karlos Labajo (Mono No Aware)/Student Shorts: Jay Gabriel Cañada (The Sound of K)

PANALONG PANGALAWANG AKTRES – Full-Length: Momoko Kobayashi (Mono No Aware)/Student Shorts: Nour Hooshmand (Starfish)

PANALONG PANGALAWANG AKTOR – Full-Length: Zanjoe Marudo (Apol of My Ai)/Student Shorts: Nor Domingo (12 Shots)

BEST ENSEMBLE – Mono No Aware

PANALO SA MGA MANONOOD – Full-Length: Multwoh (Patay na Patay Sa ‘Yo)/Student Shorts: Ang Huling Banlaw ni Susan

PANALONG KWENTO – Full-Length: Carl Joseph E. Papa, Yvonne Garcia (Patay Gutom)/Student Shorts: Jomarie Corro-Reyes, William Roberts (Kun Hain, Bisan Diin)

PANALO SA CINEMATOGRAPHY – Full-Length: TM Malones (Mono No Aware)/Student Shorts: Geia de Vera (Limlim)

PANALO SA PRODUCTION DESIGN – Full-Length: Rodrigo Ricio (Multwoh (Patay na Patay Sa ‘Yo)/Student Shorts: Jim Flores, Minnesota Flores, Sol Samodio (12 Shots)

PANALO SA MUSICAL SCORING – Full-Length: Emerzon Texon (Apol of My Ai)/Student Shorts: Lenard Kent Villanueva (Miss Intrams)

PANALO SA VISUAL EFFECTS – Full-Length: Patay Gutom Animation Team/

Student Shorts: Junelle Bacho Tecson, Luis Martin Mañalac (Starfish)

PANALO SA EDITING – Full-Length: Edmund Telmo (Mono No Aware)/Student Shorts: Brian Spencer Reyes (Kun Hain, Bisan Diin)

PANALO SA SOUND DESIGN – Full-Length: Willie Apa Jr. (Mono No Aware)/Student Shorts: Hannah Gagalac (Bumtak Sara ti Nuangen)

PANALONG AWITIN – Full-Length: Reyna ng Quezon City by Juana (Stuck on You);Student Shorts: Game Na! by Kier Mosquito, Edlyn Icao, John Dave Brion (Teks Battle: Shoot Pati Pato!)

PANALONG POSTER – Full-Length: Denver Balbaboco (Patay Gutom)/Student Shorts: Keith Ian Serfino (Alumahan) & Eidan Maninang (Nang Matakasan ang Tagay)

PINAKAPANALONG PROMOSYON NG PELIKULA - When Heaven Inched Towards Earth

PANALO SA BRAND INTRUSION – Full-Length: Multwoh (Patay na Patay Sa ‘Yo)/Student Shorts: Alumahan